Tropo forti! Super!... ma quasi introvabili...

[miguelsonmi]

Xe un per de giorni che stago scoltando el loro ultimo dopio dal vivo. Confesso, scarigado fortunosamente via internet, ma xe tanto bel (almeno per mi) che stago zercando de comperarlo, anzi volesi recuperar i vari dischi che i ga fato, in vari progeti, ma i xe quasi introvabili e i prezi.... roba de capogiro. Tanto per far un esempio, el dopio in Germania costa dai 25,83 ai 43,00 euro, e una loro racolta del 1998 (Fresh Fruits for the Liberation) la vien a costar 54,25 euro!!! (più la spedizion imagino) E se trata de un solo CD.

Stago parlando dei Sky Cries Mary, un grupo de Seattle fondado da Roderick Wolgamott, che se dedica anche a pitura e scultura, asieme ala moglie Anisa Romero (adeso anche lui se fa ciamar Roderick Romero) e ad altri "mati" sgai. La moglie ga partecipado anche a altri progeti musicali, come i Hana con Jeff Greinke.

Insoma, xe la roba più interesante che go sentido de questi ultimi anni, purtropo basada su etichete indipendenti e qundi con difusion sai limitada.

Altri grupi ligadi ai personagi de Sky Cries Mary xe i "No Futuro", i Posies e i "Introversion" che no son ancora rivado a sentir (e chi riva a trovarli?...)

Modificato 2 Marzo 2007 da miguelsonmi

[miguelsonmi]

Ala fine son rivado a trovar qualcosa, ma su un sito che no conoso: CD Box. Qualchedun ga mai ordinado qualcosa da lori?

I gavesi :

SKY CRIES MARY - MOONBATHING ON SLEEP - Euro 16,81

Hana - Omen - Euro 19,67

No Futuro - No Futuro - Euro 19,67

Posies - Frosting On The Beater Euro 15,32

che no xe sicuro prezi basi, sia pur spedizion compresa, ma altro no se trova, xe tuto de importazion, e anche se te va su negozi tipo amazon, i te pasa a negozieti mai sentidi. E chi se fida? E poi sinceramente comprar roba senza averla sentida prima... Son rivado solo a sentir do tochi dei Posies, oltre al doppio live dei SCM. E anche sto dopio (no xe el CD elencado sora), lo ciolesi, ma ordinarlo a ?? e dopo se no te riva niente? (sucedi, go leto più de qualche comento)

E dopo i dixi che un no compra dischi. O se compra quel che vol lori (tipo Sanremo o comunque pop in genere e grandi multinazionali) o... No comment!

[arska]

me sento ignorante

[miguelsonmi]

Son rivado a trovar dove se pol scoltar i soliti "assaggi" dei vari album.

Qua xe i Sky Cries Mary:

http://www.skycriesmary.com/here.php

diria che l'album dal vivo (Here and Now) xe el migliore, almeno pei miei gusti

Qua i Hana e i No Futuro, che però i xe bastanza "dificili" (tanto da non invogliarme a cior i CD) anche se interesanti :

http://firstworldmusic.com/?page=catalog/omen

http://firstworldmusic.com/?page=catalog/nofuturo

Modificato 2 Marzo 2007 da miguelsonmi

[miguelsonmi]

Aprofondindo le ricerche sui Sky Cries Mary (go zercà de ricostruir la loro storia per un altro sito musicale), vien fora robe incredibili!!

Per farve un'idea, vardè questo schema, che mostra la relazion del gruppo con altri 332 gruppi musicali, tra cui Guns N Roses, Duff, Pure Joy, Blondie, Smashing Pumpkins, Go·Go's, Dramarama, Nirvana, Circus Of Power, Masters Of Reality, Three O'Clock, Sonic Youth, Fuzztones, Danzig, The Sins, Yngwie J. Malmsteen's Rising Force, D.O.A., Bad Religion, Suicidal Tendencies, The Seeds, Buzzcocks, R.E.M., Screaming Trees, King Crimson, Edie Brickell & New Bohemians, Big Star, The Replacements, Soul Asylum, The Skunks, Pearl Jam, Red Hot Chili Peppers, Soundgarden, Patti Smith Group, The Jim Carroll Band, The Church, All About Eve, Lone Justice, Foo Fighters, tanto per citar solo qualhedun tra i più noti :

http://bandtoband.com/index.php?Page=Search&BandId=4954