foto naturalistiche

[babatriestina]

Per chi che ghe piasi far foto naturalistiche, oggi iero all'isola della Cona, prima de Grado. La zona xe un rifugio avifaunistico e xe tante bestie ( anare, principalmente, ma no solo!) de fotografar. Xe dele lagune e intorno xe punti de avvistamento e casoni de avvistamento, per no disturbar le bestie, e là, chi che ga, se porta el trepie e la macchina con obiettivo telescopico e pol far de tutto. Mi no go sta attrezzatura ma cola compattona qualcossa go arivado a far:

queste xe le lagune coi cavai bianchi dela Camargue: xe un pochi adomesticai per chi che vol far giri a caval, e altri inveze liberi, come questo

una picia anara nera col zufet ( croppada)

un cigno real col anel sul collo, per controllar le migrazioni

sta ultima xe un poco fosca, ma per farve veder cossa che se trova: xe un'anara- no ste domandarme el nome vero- che sta covando fra i canneti

[tuxav]

sta fine setembre mi trert tinuviel e polpetta semo 'ndai a far un giro ... devo dir che el posto xe sai bel per far foto naturalistiche.. infati quela iera la nostra intenzion.

Peca' che semo stai divorai dai musati, una roba pazesca.. iera veramente imposibile caminar, tipo i film del Vietnam forsi adeso ghe ne xe de meno xche no i xe ancora spuntai anche se l'inverno mite no penso che li gabi sterminadi...

Onestamente me piasesi anche tornarghe, ma solo se son sicuro che no xe musati se no preferiso altrove :D

Se rivo riprenderme dal shock de quel giorno postero qualche foto

[babatriestina]

gnaca un mussatto, oggi!!!

mi son stada altre volte iun primavera.. ben, mi ghe vado de giorno, no de sera! efetivamente sula finestra del bar go visto un per de candele ala citronella.

Xe come al lago de Doberdò: de inverno mai visti mussati, ma in autunno i me gaveva magnada viva.

Però per i usei ala Cona i me disi che convien anche de inverno, che xe quei che sverna qua. Ma stavolta ghe ne go visti me par de più de anni fa.

[mula alabardata]

el lago e doberdò.. qua sicuramente qualcun gaverà de dir qualcosa!

cmq mi non go avu el piacer de andar in sto posto.... ma intanto lori xe stai magnai dai musati!!

[tinuviel]

che belle foto Me piasi sai quella del cigno!

De quella esperienza, serbo ricordi fastidiosi Me par che iero rivada a qualcosa come 35 beconi.... e ierimo primo pomeriggio, non sera

percà...saria stado veramente bel per fotografar, ma co te son aggredido da 5-6 musati in contemporanea (e continuamente) te perdi la voia...