batteria macchina fotografica

[babatriestina]

Ben, go ciolto la nova reflex e la stago provando e al tempo stesso legio le istruzioni. La batteria dela mia macchina ( Canon EOS 400D) xe una al litio ricaricabile, la ga el suo bel caricabatteria che i disi che se ricariga in un'ora e mezza, e legio le istruzioni che disi:

1 no lassarla in macchina, che la se scariga, cavarla co no se dopra la macchina e meterghe el coverceto che protegi i contatti

2 prima de doprarla, ricarigarla comunque, cariga o scariga che la sia

Ben, la mia domanda, a chi che ga una macchina del genere ( so che qualchedun ga propio la stessa mia e qualchedun roba simile o anca meo..) fa veramente cussì? cavè per bon le batterie co mettè via la macchina? e la carighè, cariga o scariga che la sia, prima de doprarla?

perchè mi finora cole mie macchinette carigavo le batterie co le se scarigava e basta...

se volè ve copio la pagina del libretto dele istruzioni, perchè me ga colpido ..