Documenti del TLT

[Starlite]

Con un momento de ordine cronologico.

Diploma de ammissione alla scola media. Anno de rilascio: 1953.

Da notar l'intestazion:

In particolare:

El timbro a secco, in inglese.

In tondo se leggi:

de sora: Allied Military Government

de soto: Free Territory of Trieste

In mezo:

de sora: BR(itish) US ZONE

de soto: EDUCATION OFFICE

Le marche da bollo marchiade AMG-FTT (32 lire in totale)

[Starlite]

Pagella de prima media. Anno de rilascio: 1954 (ultimo anno de TLT)

Qua el timbro a secco xe in italian:

Direzione Superiore dell'Amministrazione

Ufficio Educazione

GMA Trieste

[SandroWeb]

Ciò, ma cossa te ga svodado l'armadio e te ga trovado tuta sta roba in un colpo?

[iaga]

Ma soprattutto..no te gavessi de preparar esami?

Cmq grazie.. bele robe!

[Juliet]

bellissimi ...ma nn se pol riorganizzarli in una sezion a parte?

anke mi go dei francoboli con el timbro del GMA se xe diversi dai tui li posto (sperando de rivar...)

[trert]

che belle pagelle cio.. tute serigrafade anche.. de noi forsi forsi el diploma xe cussi bel.. le pagele normali xe tute bastanza anonime.. cmq grazie mille xe bellissime.. beato ti che te trovi ste robe..

[tommy781]

Un poche de sigle del tempo

AMG-FTT

Allied Military Goverment - Free Trieste Territory

AMG-VG

Allied Military Goverment - Venezia Giulia

BETFOR

British Element Trieste Force

BUSZ-FTT

British United States Zone - Free Territory of Trieste

GMA

Governo Militare Alleato

STT-VUJA

Svobodni Trzaski Teritorji - Vojna Uprava Jogoslovanske Armije

trad.: Territorio Libero di Trieste - Amministrazione Militare dell'Armata Jugoslava

STT-VUJNA

Svobodni Trzaski Teritorji - Vojna Uprava Jogoslovanske Narodna Armije

trad.: Territorio Libero di Trieste - Amministrazione Militare dell'Armata Popolare Jugoslava

TRUST

Trieste United States Troops

[Starlite]

A proposito... bravo tommy

ma volevo dirve che in ponte della Fabra xe un tabachin

(saria soto i volti tra piaza dela Legna (Goldoni) e via del Torrente (Carducci))

che ga ancora l'insegna del tabachini del TLT

pase' veder... xe scrito BUSZ

[orione]

bele bravo un giorno mettero anke mi le zate fra le carte dei veci ma go i mii dubbi che trovero qualcosa per aver storie de quel periodo dovesi meter propio lori qua a contar come che iera

[Stefano79]

Anche mi dovesi aver qualcosa, proverò chieder a casa.

[orione]

trova qualcossa :ok:

Pena decifro un do robe spece un timbro a secco metero

[Starlite]

Visto che qualche giorno fa xe spuntado dale man de mio papà,

ogi go fato el scan de questa tesera sociale del'union invalidi militari del TLT,

relativo ala Zona B ad amministrazion yugoslava.

Xe de notar infatti el simbolo della Zona B con la stela rossa sora l'alabarda.

Tuto el documento xe scrito in sloven, italian e croato.

[Starlite]

[Starlite]

[arska]

sempre bel, veder ste robe grazie!

[giuli]

Molto interessante..grazie!

[tinuviel]

No gavevo nostado sta discussion... non gavendo el scanner, proverò far qualche foto, anche mi go documenti interessanti dei anni trenta-quaranta (oltre alle pagelle )

[Stefano79]

Mi continuo a chiederme come te fa aver a casa tutti sti documenti

Quel nel documento iera un tuo parente?

[Starlite]

Quel nel documento iera un tuo parente?

Mia bisnona, la mama dela mama de mio papà.

No go ben capi' come che la gaveva la tesera de invalidità però

Mio papa' no se ricorda.

Sula tesera comunque xe scrito che la iera casalinga (hišne) e la invalida indiretta (xe scrito che la xe genitore - starši).

Quindi presumo che piu' che tessera de invalidità per ela iera perchè el fio iera morto in guera partigian.

[tinuviel]

e, per par condicio, le pagelle de mia mamma e mio papà

[Starlite]

[MOD]tinuviel: visto che iera decisamente OT (qua xe documenti del TLT) go spostado in "Documenti del Ventenio" el tuo penultimo post [/MOD]

[tinuviel]

ok, forse iera meio che dividessi, perchè in quel post iera sia del tlt (el primo) che precedenti... dime ti

Edited February 14, 2007 by tinuviel

[Starlite]

E cossa dir de sto permesso de caccia senza armi da fuoco?

[arska]

hahahaha notevole..

[cucciolina]

Capelli: castani - radi

Naso: rettilineo

Barba: rasa

La barba rasa me fa sai de rider Come se no te la podessi cambiar in una settimana