Trieste e magia

[tommy781]

Trieste come Torino detien un insolito primato dovudo alla sua posizion geografica che la vol al vertice de un triangolo esoterico e questo fatto ga portà col tempo il proliferar de sette più o meno occulte non necessariamente sataniste. Non a caso nella nostra città xe presenti quasi tutte le confraternite più importanti tipo i Templari el cui rappresentante italian xe proprio un triestin, l'Ordine di Malta, i Teutonici ecc...oltre ad essere un crocevia di religioni "ufficiali", xe infatti chi sostien che la presenza cusì massiccia de rappresentanze religiose non xe un caso.

Trieste da tempo ormai xe monitorada per l'espanderse de fenomeni a sfondo satanista, non xe difficile imbatterse in qualche rito nelle grote del carso se iniziè a girarghe de notte, specialmente in estate. A proposito de occultismo e spiritismo xe de dir che Trieste gaveva abbastanza fantasmi nella sua tradizion, dai fantasmi de Massimiliano e Carlotta che se aggireria nel parco alla Dama Bianca de Duin, poi ghe iera il fantasma de una vecia che appariva in piazza Hortis e dell'impiccato, quest'ultima leggenda me gaveva interssà a suo tempo perchè el ponte da cui se iera impiccà sto tizio iera quel drio l'università e la casa che ghe sta de fianco xe de mio nonno, in pratica el tizio dopo esser sta mollà dalla morosa el se gaveva impiccà e se diseva che alle volte iera possibile vederlo ancora penzolar.

Gavè esperienze, storie o ricordi de robe attinenti a questo argomento? Spesso ste storie le vien tramandade per via orale dai veci e se rischia de perder una parte della nostra tradizione popolare.

[trert]

mi sinceramente no conosso sto lato oscuro.. ma so che tante volte vado in carso e trovo cera e candele x tera..

za quel me fa impresion imaginarse storie de fantasmi

[tommy781]

mi invece son sempre sta afascinà da ste robe e anni fa ghe stavo proprio drio...i lati oscuri della forza

[Stefano79]

Anche a mi ste robe me incuriosisi bastanza, anche se no credo minimamente a spiriti, fantasmi e compagnia bella. Comunque dovesi esserghe anche parecchi libri che parla de leggende e fantasmi "nostrani". Te savesi forsi darme qualche titolo?

[zulio]

Interessante l'argomento, cmq su gugol qualcossa te trovi sui fantasmi a ts....

[tommy781]

libri che parli solamente de Trieste non ne go trovadi e a eser sincero non go neanche mai cercado troppo, i libri che tratta questi argomenti cita regolarmente la nostra città e in rete se trova abbastanza roba. Famosa xe la Stanza Rossa che doveria esser collegada a San Giusto attraverso un dei tanti cunicoli che parti dal castel, in sta stanza, al tempo dell'Inquisizione avveniva le torture alle "streghe" locali. Interesante in questo senso xe un libro che parla unicamente delle grotte e dei cunicoli de Trieste con tanto de mappe e punti de accesso, xe incredibile quanti busi che gavemo, naturali e artificiali.

[Stefano79]

Eh so...un libro se ciama "Sotterranei della città di Trieste", lo gavevo za citado nella discussion: "Titoli di libri su Trieste e la sua storia".

I parla anche dell'escursion che i ga fatto sotto la chiesa de S. Maria Maggiore in cerca della stanza rossa, ma no i la ga trovada....sarà una delle tante leggende anche quella. Comunque xè un mucio de cunicoli sotto quella chiesa....e anche nel resto della città.

[trert]

questo za me piasi de piu.. oltre a quela galeria che te gavevi trova stefano.. altre ghe ne xe?

[tommy781]

a san giovanni ghe xe l'entrata per acceder all'acquedotto fatto costruir sotto l'Austria, alcuni punti i xe crollai ma gran parte xe ancora accessibile con un minimo de attrezzatura. Quando fazevo l'elettricista poi gavevo lavorà in una galleria sotto Valmaura,ex rifugio antiereo che attraversa tutta la collina, per terra ghe iera una marea de cenere e ghe iera anche sacchi de cenere ogni tanto pozai al muro, mi me xe venù il sospetto che avendo la risiera a pochi metri de distanza....

[Starlite]

per terra ghe iera una marea de cenere e ghe iera anche sacchi de cenere ogni tanto pozai al muro, mi me xe venù il sospetto che avendo la risiera a pochi metri de distanza....

porca vacca... e no i se gavaria mai incorto in tanti ani?

[tommy781]

mi so solo una roba...in un ex rifugio anti aereo difficilmente se inindava el pavimento de cenere e quasi mai la se conservava in sacchi. non sarò un genio ma quella risiera cusì vicina me ga da de pensar. adesso là dentro passa solo tubature e cavi. d'altra parte quante robe xe stade tasude dopo la guerra? le foibe ecc...? mi non me stupiria troppo, subito dopo la guerra iera meio tenir gli animi quieti a Trieste, iera già abbastanza casini.

[Stefano79]

questo za me piasi de piu.. oltre a quela galeria che te gavevi trova stefano.. altre ghe ne xe?

Come che go scritto su quell'altra discussion ghe ne xè tantissime, sotto Trieste xè come un gruviera de gallerie, ma la maggior parte i le ga serade per evitar che la gente vadi dentro e ancora no se fazi mal.

[trert]

si.. xe vero! grazie stefano e me scuso x l' con i moderatori

[Stefano79]

Tommy, quela galleria che te disevi a Valmaura (con dentro i sacchi de cenere) te sa forsi se la xè ancora accessibile senza dover abbatter porte o segar lucchetti? Perchè se la xè verta mi andarìa a far un'escursion....podesimo organizzar e andar insieme

[tommy781]

la galleria la xe de proprietà o gestida dall'acegas e xe chiusa, ghe passa condotte de acqua, luce e gas dentro, mi iero là con mio papà per rifar l'illuminazion. fossi stada verta saria za tornà mi con la macchina fotografica a far qualche scatto.

[trert]

mannaggia! cio ma un lucchetto no ne fermerà!

[Stefano79]

Andrò a darghe un'ociada...

[martybunny]

un'altra rete de galerie dela guera ga l'entrata in via fabio severo, di fronte al edificio dela rai, i le ciama la "klein berlin" (picola berlino), mi iero nela parte iniziale 2 setimane fa, visto che i ghe ga meso una specie de museo e ghe iera la presentazion de un libro...

no i la verzi tanto spesso e i fa visite su richiesta, ma xe galerie soto tuta via romagna e tuta scorcola, rifugio antiaereo dei tedeschi, e, vista la profondità dele galerie soto la colina, i diso che iera anche antiatomico..

[ELVIS]

Ste robe xe interessantissime! soprattutto el fatto della galleria con dentro i sacchi de cenere! Mi tempo go letto un libro che parlava della risiera quando iera la guerra! xe una parte de cui adesso non ricordo ben i particolari che parlava de sacchi de cenere che veniva portadi via dalla risiera e che doveva andar a finir su qualche nave! forsi xè anche una descrizion dei sacchi però no me ricordo... ti te se ricordi come che iera fatti??

In più parlando del kleine Berlin, mi go dei riferimenti de ciamar per far delle visite su richiesta! devi esser particolarmente interessante!!

[Stefano79]

Go sentì anche mi che se pol far delle visite su richiesta. Bisogna garantir un numero minimo de partecipanti e dopo se va...e i me ga dito che no costa nianche tanto

[martybunny]

anche mi go i numeri - grazie - (ma no so dove che li go mesi), e go za prenotà una visita, ma bisogna spetar che rivi al minimo de 15...

[Stefano79]

Mi me prenoto