colori o b/n

[trert]

ecco el sondaggio, scusime marti ma go dovudo cancellar la discussion

el messaggio iniziale iera:

volevo far un sondaggio, ma no go ancora capì come se fa [magari se qualche mod pol far, pol trasformarlo in sondaggio]

la mia domanda xe:

preferì le foto a colori o in bianco e nero??

o ve xe indifferente?

o dipendi da cosa vole fotografar?

su, su.. via con le opinioni!!

[trert]

mi go votado colori, ma mi no son capace de far bianchi e neri.. certe foto certamente le xe più indicade a sta tecnica.. però bisogna saverle far!

[Nona Picia]

Mi gi votà 3, perchè, anche se no so ben come far, bisogna veder quel che te fotografi per decider el tipo de foto che te vol.

[mula alabardata]

ecco el sondaggio, scusime marti ma go dovudo cancellar la discussion

graziee!!

che casin che te go fatto far... ma almeno così sembra che te lo ga verto ti e tutti leggerà credendo una roba interessante!

[tinuviel]

go votà dipendi

In linea de massima, preferiso i colori, ma certi soggetti rendi meio in b/n. Soprattutto certi ritratti ga molto più pathos in bianco e nero

Modificato 15 Marzo 2007 da tinuviel

[mula alabardata]

si, ok che "dipendi".. però mi anche se quel soggetto rendi de più in b/n, no me piasi de principio..

nel senso va fatto così, ma a mi no me pisi.. e xe questo che chiedevo..

a mi el b/n me metti malinconia.. tristezza.. me dà tutto tranne che piacer de ammirarlo, cosa che invece dovesi dar una foto!

el mondo xe a colori!!

solo i colori pol dar quella vivacità e quell'allegria!!

quindi w le foto a colori!!

[tinuviel]

Certe foto in bianco e nero rendi meio (come anche certi film... Schindler's List a colori non gavessi avudo lo stesso impatto!), la maggiorparte xè meio a colori. Fotografar un tramonto in bianco e nero no ga sai significato, fotografar dei monumenti o un viso pol averghene uno molto profondo. Proprio perchè certi soggetti xè tristi o melanconici, el bianco e nero xè più adattao IMHO.

E, a volte, servi anche per non distoglier lo sguardo dal centro della foto. Magari uno vol fotografar l'espression de una persona, e veder el colletto della maia rosso, i oci verdi e i cavei biondi pol sviar...

[babatriestina]

mi go votado colori, raramente passo al bianconero.

A volte me par che qualchedun scegli el bianconero perchè "fa" fotografo, perchè una volta i fotografi, se i se sviluppava de soli, doveva far bianconero, po le più antiche foto classiche xe bianconere..

[tuxav]

mi anche dipo dipendi, fotografo sempre a colori ma trovo che per el ritratto o certe foto 'grafiche' vadi sai ben el b/n.... me gavesi anche piaso saver lavorar in CO... ma adeso devo adeguarme e provar a far tuto con PS

me piasesi saver far dei bei bn in digitale...

[dolby]

scuseme bei putei. mi de fotografo amatore come tutti voi me piasi tanto far foto. in genere fazo tutto a colori però da quando sn passado al digitale i B/N vien de cacca. disemo che tutti i sw a disposizion quel che fa quando te ghe disi famme un B/N solo desatura l'immagine. go trovado alcuni plugin de PS per far B/N me niente de soddisfacente. voi usè qualche sw particolare o plugin strambo? go trovado varie guide in merito e robe ma niente de speciale.

za che semo in tema chiedo qua...

ciau

[trert]

niente plugin.. con ps te pol usar il color lab, el miscelator canale, la mappa sfumatura o migliaia de altri bei trucchetti.. no servi nissun plugin!!