Leone del palazzo Ras in Piazzo Oberdan distrutto

[molly]

Stamattina gavemo letto sul Piccolo l'articolo.. in internet no so come trovar.. se qualcun sa che metti pur l'articolo...

Fatto sta che inizialmente i doveva solo spostar la statua del leon e metterla in ingresso... inveze no se capisi ben se per sbaglio o apposta (poi il Piccolo xe el solito bugiardello e conta le robe come meio ghe fa comodo) la statua xe sta distrutta ... per far al suo posto una finestra...

un vero pecca

[Renè]

(poi il Piccolo xe el solito bugiardello e conta le robe come meio ghe fa comodo)

Vero...de un paio de anni sto giornal ga una condota, sopratuto politica molto estrema. I bei tempi de Chino Alessi e de un giornal veramente indipendente e preciso..bei tempi apunto.

Aldilà del'OT un vero pecà per la statua. ultimamente de un per de anni se pensa de disfar e distruger le robe più bele e antiche de Trieste per dar spazio ale ciofeche in nome de un non meio precisado "eser in linia coi tempi moderni".

chi ne sa de più comunque che el posti

[giuli]

Se la notizia è vera i responsabili non passeranno un buon Capodanno

[Starlite]

No penso che la Procura della Repubblica sequestri un palazzo per niente...

in ogni caso l'articolo disi che xe sta appunto rimosso el leon che xe andà distrutto, no se ga capì se per sbaglio o meno.

El sequestro xe avvenudo perché saria sta danneggiado irreparabilmente un edificio de pregio storico e architettonico. Inoltre xe stade montade delle guide metalliche per installar dei panei che saria andadi a coprir le decorazioni esistenti.

De quest'ultimo punto xe anche un riscontro in una lettera pubblicada dalle segnalazioni del Piccolo de alcuni giorni fa in cui un lettor seganalava el fatto gavendo cucà nel cantier dal de fora

[babatriestina]

la foto del leon in tochi no credo che i la gabi poduda inventar. Ma adesso ste ditte che vien de fora ( de dove xe sti Alikè?) cossa volè che i sapi dela storia de Trieste e dei sui palazzi?

quei de Trento che ga comprado la casa dove che stavo mi prima de traslocar ga :

1 butado via tute le finestre in legno, cole antine interne in legno massiccio e messo aluminio e plastica. sburti, etc. via tuto!

2 cavado via tuti i pavimenti intarsiai e messo imagino moquette

3 butado via el vecio ascensor Stiegler anni 30 perfettamente funzionanete messo un de cristallo e acciaio trasparente

4 cambaido la frma del porton

5 cavado via le manopole de oton sule porte e messa una sul porton de fora, no so dove che possi eser finide le testine de otton che iera sule porte de casa

5 riaverto finestre murade de oltre 80 anni per ripristinar la simetria dele facciade

6 però el esterno xe tuto piturado de novo, iluminado de notte, tanto nissun ghe dormi, che xe tuti ufici: bianchi, coi sofitti ribassai...

Modificato 28 Dicembre 2007 da babatriestina

[Starlite]

Ecco la foto sul giornal de ogi

[giacomin]

E menomal che non i ga doprado el demolitor, probabilmente se riverà a ristrutturarlo tacando i tochi, logicamente a spese della ditta!!

[Nona Picia]

Ammesso che i fazi el lavor in maniera decente!

[arska]

a vederla, efetivamente poderia anca eser stada spacada per sbaio.

[babatriestina]

gavè leto sul Piccolo de stamattina? el rappresentante de Alikè, i novi paroni, disi ciaro che lori ga comprado el palazzo, che no ghe xe alcun vincolo, che xe ristrutturazion e no restauro, che el leon i lo ga volutamente tirado zo e diviso e che i lo rimonterà in porton, e che el esterno vegnerà coverto in piastrelle cangianti grigio-nere!!

Tanto, chi xe po sto architetto Nordio? forsi una roba local, ma a livello nazional no lo conossi nissun.. insomma, un poco del tipo Mi pago e c***.

Son alquanto indignada.