Giro in Carinzia

[babatriestina]

Son sempre senza adsl ( de venerdì e i me ga dito che i me lo torna forsi domani- no se sa perchè- che i ga problemi), ma del giro in Carinzia de ieri ve mostro qualcossa: magari picio, che stago doprando un computerin vecio e una linea analogica

ve gavevo suggerido de andar a veder el castel de Hochosterwitz che xe spettacolare, ecco una panoramica del basso, la sua caratteristica xe de gaver tutto el sentiero de salita ( 20 minuti) costellado de portoni - xe 14 in tutto.

e eco un enorme e feroce lanzichenecco nel cortil del castel

Modificato 19 Giugno 2008 da babatriestina

[cassoggi.npc]

Stupendo, come xe stupenda la carinzia.

sicuramente ghè farò un scampon anca mi!

[tuxav]

Belisimo el castel de Hochosterwitz !! merita 'ndarghe specie se no xe periodi full de gente ! te ieri anche a MariaSaal ? xe la vizin e merita pasarghe

PS: mi me xe resta impresso che iero una volta in piena estate con una marea de turisti italiani che fazeva casin (e vabeh.. i triestini xe uguali tuto soma' ), i se lamentava e cioleva in giro la cameriera xche no i gaveva pollo e po co i ga dito con accento roman "siamo a Occiostervizzze e ora andiamo a Clagenfurte" son morto de rider

[babatriestina]

Belisimo el castel de Hochosterwitz !! merita 'ndarghe specie se no xe periodi full de gente ! te ieri anche a MariaSaal ? xe la vizin e merita pasarghe

PS: mi me xe resta impresso che iero una volta in piena estate con una marea de turisti italiani che fazeva casin (e vabeh.. i triestini xe uguali tuto soma' ), i se lamentava e cioleva in giro la cameriera xche no i gaveva pollo e po co i ga dito con accento roman "siamo a Occiostervizzze e ora andiamo a Clagenfurte" son morto de rider

sì, ghe iero e anche a Sankt Veit an der Glan, ma iero a curto de ADSL, ve meterò..

per Occiostervizze, xe de dir che, libretto ala man del castel, che po xe una traduzion in italian de pianzer, el nome del posto del 9 fin al 12 secolo iera Astarvizza e che se leggeva Astarvissa Paressi de un nome celtico tarviss da cui Taurisci, Tauri, Tarvisio e magari perfin Augusta Taurinorum che saria Torin.. ben probabilmente i Romani ciamava Arx taurisca da cui Astarviza, Ostroviza e Osterwiz

Perchè Hochosterwitz = Alto witz orientale no gavessi assai senso..

[tuxav]

si me ricordo che gavevo leto qualcosa, e deso che te disi me vien in mente .. ma no so se centra, che xe anche el monte Osternig nele nostre zone

cmq tempo fa iero al castel de Gorizia e dentro iera una bela mostra/piantina con riportati tute le terre de 'competenza' de Gorizia nel (se non sbaglio) 1200 circa.. e xe incredibile come rivava fin paesetti dispersi anche oltre la Carinzia.. tipo St.Lambrecht in Stiria ... che mi conoso benisimo ma penso pochi altri sapi che esisti

[babatriestina]

Fra contea de Gorizia, patriarcato de Aquileia, Carantania, Carinzia, contea del Tirolo.. i xe passai in tanti e a seconda dei periodi i reclamava tante terre..

Sankt Veit an del Glan xe stada per un certo tempo capital dei duchi de Carinzia, anche dopo che la Carinzia xe passada ai Asburgo.

eccove un per de imagini ancora: ancora una de Hochosterwitz, in alto

el castel ga una collezion de armi, el iera stado fortificado soprattutto contro le scorrerie turche del Cinquecento

Sankt Veit:

el stemma sul Municipio, una particolar aquila bicipite

altro edificio della piazza principal ( se clicchè sora, li vedè a grandezza original)

particolar della fontana

la piazza, che ga come sempre una Pest saule

una fontana moderna coi orsi, davanti ala Baeren apotheke

un altar barocco del a cesa d s Veit

per inciso, san Vito xe un martire italian, sicilian, lucan, no se sa assai de lu, molto xe fantasia, una leggenda disi che el ga guarido de l'epilessia un fio de Dioclezian e per questo el ballo de san Vito xe l'epilessia, po el xe protettor anche dei ballerini, contro la sonnolenza e l'insonnia... giusto el 15 iera san Vito - per san Vito- le ciliege ga el marito

e un albergo moderno

el prossimo post Maria Saal, per spezzettar un poco

[babatriestina]

maria Saal xe una cesa gotica, santuario dedicado all'Assunta, decorado in epoca barocca-rococò, che ga anche al esterno lastre e rilievi dela vicina Virunum, capital del roman Noricum per un periodo: xe perfin la lupa capitolina.. la cesa iera molto importante per la rievangelizzazion dei slavi della carantania, po la ga perso titoli a favor de Gurk. Xe una cesa fortificada anche quella contro i Turchi

I campanili

un bellissimo bassorilievo tombal cinquecentesco de l'incoronazion dela Vergine, dei primi anni del cinquecento , stile tedesco meridional

l'interno, con pulpito e contropulpito ( in immagine) dedicato a san Giovanni nepomuceno

el soffitto gotico a costoloni decorativi xe piturado a fiori e albero de Jesse, che saria el albero genealogico de Cristo

la madonna quattrocentesca de l'altar

sante de un polittico lateral primi del Cinquecento

un vescovo sotto el pulpito- sculture settecentesche

un san Giorgio de un altro altar laterale sempre primi del Cinquecento

e.. gavevi dubbi sul sesso dei angeli? ben questo femmina no xe ! de un particolar in alto de l'altar maggior

[arska]

Perchè Hochosterwitz = Alto witz orientale no gavessi assai senso..

he he :D

cmq sai bel..!