El nostro caro Dialeto

[Starlite]

Visto che qua scrivemo in Triestin, me pareva cocolo che ghe fusi una discusion dove poder esprimer dubi e poder domandar quel che se vol a questo proposito...

Parole che se tendi a usar sempre de meno, modi de scriver nel modo giusto le parole (vedi "xe", o anche "mas'cio")... insoma... zerchemo de combater l'insidiosa italianizazion dela nostra Lingua!

Speto domande a cui risponder

[Forum_Bot]

1 Utente ha già detto GRAZIE!

cucciolina

[Vico]

Come se scrivi "tocccc", insomma me riferisso al bagnetto che se fa a Barcola d'estate.

AloHa

Vico

[Starlite]

Mah... prima de tuto grazie per la domanda

Xe difizile risponder...

sicome che no gavemo la cluca come in sloven.... buh...

xe el steso problema per scriver ploc...

mi diria che se podessi anche scriver con la h finale... toch, ploch....

pero'... anche toc e ploc podessi andar... forsi qualcossa tipo toc' e ploc'?

Qua ghe volessi una academia dela crusca del triestin

[Starlite]

I giorni dela setimana ('deso xe giusto)

Se volè parlar pulito triestin, ricordeve che i giorni dela setimana

no i ga 'l acento sula ultima silaba, ma sempre sula prima!

Alora gavaremo:

lunedi (che se legi lùnedi)

martedi (màrtedi)

mercoledi (mèrcoledi)

giovedi (giòvedi)

venerdi (vènerdi)

sabo e

domenica che resta come in italian.

'dio bei

[iaga]

De quel che so mi sabato se disi sabo...

...ma forsi xè umaghese.. no so..

volessi una tua conferma amico Starlite

[Starlite]

Go trovà la risposta ala domanda de Vico!

Su un libro xe scrito:

<< Go messo la giara davanti de casa perché iera sempre ploc' >>

Eco che iera come disevo mi: se meti un apostrofo ala fine:

ploc'

toc'

'dio

[Vico]

Xe affidabile 'sto libro?

[Starlite]

De quel che so mi sabato se disi sabo...

Xe vero, me iera scampà...

sabato se disi sabo

brava iaga

[Starlite]

Xe affidabile 'sto libro?

Si

[iaga]

Prego prego.. (bisogna sempre controllarlo sto mulo.. )

[Starlite]

'deso 'lora che savemo come scriver

Strafanic'

Ploc'

Toc'

volevo mostrarve come che se usa 'l apostrofo,

come che go apena fato

in italian, per el maschile, xe i articoli il e lo

in triestin xe un unico articolo: el

pertanto, quando el vien troncado, xe la "e" a vignir meno,

eco alora che 'l apostrofo precedi la "l" inveze de seguirla:

lo apostrofo -> l'apostrofo

el apostrofo -> 'l apostrofo

lo uomo -> l'uomo

el omo -> 'l omo

Bon... 'deso torno prima che me mandè voi

'dio

[Tululù]

Mi son afezionado (come gaverè capì dal mio nick) a una serie de termini triestini che più o meno vol dir la stessa roba:

- Tandul

- Paragnoco

- Verul

- Pampel

- Lole

- Strafanic' (scrito come vol Starlite)

- Tumbano

- Grembano

- Momolo

- Sturlo

- Sempiul

- Pimpinela

- Zaflaucich (con l"h" perchè secondo mi xe un cognome utilizà come antonomasia)

- Pimpinela

- Trdo

- Cretineti

e per finire:

- TULULU'

Ne conosè altri ??????

[Starlite]

Equivalente a quei che te ga dito xe:

- Taneco (leggi tanèco)

- Bauco (baùco)

- Cuco (ogni giorno nasi un cuco...)

- Macaco

- Momi

- Nane

alri no me vien

[Vico]

Sona'?

[SandroWeb]

Zurlo?

Per le ottime tematiche della discussion, go decisa de metterla IN RILIEVO

Bye

[Starlite]

Per le ottime tematiche della discussion, go decisa de metterla IN RILIEVO

Grande Sandro

Ma voi savè cos che xe una slondrona?

[Missilina]

non so scriver ben in dialetto lo parlo ben pero...

non son mai stada abbituada a scriver in dialetto ..e nn gave la piu pallide idea de che fadiga che fazo.....a scriverla..ma anche a leggerlo....

I me gha regala un bellissimo dizionario de triestin e decisamente se tante parole che credevo ( e nn solo mi) che gavessi un significato e invece ga un altro....Oo dopo lo vado a cior

missilina

[Starlite]

Mi son

(Ti) te son

Lu', ela XE

Noi, noialtri semo

Voi sè

Lori (i) xe

[Missilina]

problemi esistenziali???

missilina

[iaga]

Buahahahhahahahahha...

[Starlite]

ridi ridi --->

dopo rido mi

[iaga]

Ripeto.. mi speto..

[Vico]

Mi son

(Ti) te son

Lu', ela XE

Noi, noialtri semo

Voi sè

Lori (i) xe

Bevi col tappo

[SandroWeb]

Calemo i toni della discussion, per favor...no feme rabiar