miguelsonmi Inviato 16 Aprile 2006 Segnala Inviato 16 Aprile 2006 Me xe finalmente rivado sto scanner e cusì go cominciado (timidamente) a provarlo. A l'inizio xe taado un disastro, almeno per le DIA, perché invece da foto e da negativi andava subito sai ben. Le dia vigniva tute sfocade . Poi go pulido i ripiani del scanner e soprattutto go cambiado le dia de prova. Probabilmente le prime dia o gaveva tropa polvere o le iera tropo "ondulade". Le prove sucesive le xe andade bastanza meio. Go provado a usar una risoluzion de 1200, col filtro antipolvere (per sicurezza), e go dovudo poi renderle un poco più luminose e contrastade. Ve meto una de esempio. No xe ecezionale come foto ma pol render l'idea dei risultati ragiunti finora. I programmi messi a disposzion ga un mucio de parametri, anche in fase de scanerizazion, ma le robe se le impara un poco per volta. La scanerizazion xe abastanza lenta, ma a sto punto me basta che el risultato sia sodisfacente. Per la cronaca, le dia scanerizade risali al 1979, quindi le ga bastanza anni. Cita
tuxav Inviato 16 Aprile 2006 Segnala Inviato 16 Aprile 2006 Ehila! :D bel regalo nel ovo eh ? la foto me piasi sai come composizion, forsi peca' che la persona xe tropo in ombra ma forsi se riva recuperar qualcosa dopo la scanerizazion. El scanner come funzia? fa sia foto che pelicola? Te ga nota' sai diferenze tra la dia quando vien proietada e la resa su monitor dopo la scanerizazion? Che SW te usi? go senti' che tanti parla ben de vuescan ma mi preferiso usar quei dedicai.... daghe soto che volemo veder altre foto PS: dove te ga scata' sta foto? Cita
miguelsonmi Inviato 16 Aprile 2006 Autore Segnala Inviato 16 Aprile 2006 Zerco de risponder... per quel che poso. La persona gaveva de star in ombra in quela foto , iera quasi un'ospite, la xe ben protagonista in altre. El logo, se ricordo ben, iera Sofia, in Bulgaria. No go ancora fato el confronto tra la proiezion e la scanerizazion, vado a memoria, perché iera da diverso tempo che no le vardavo. Per proietarle sul telon xe tropo lavoro , go viceversa un proietor da tavolo Novamat MC 353 (pol proietar su un proprio schermo de vetro opaco), ma el tempo lo go usado per le prove col scanner. Per scanerizar go usado el software standard, che ga tre opzioni : automatica, principiante e prof. Go usado quasi esclusivamente l'automatico, perché le altre due opzioni ga tropi parametri da studiar. Vado avanti con la calma, anche perché una prova ghe meti bastanza tempo. Go utilizado, come dito, quela che me par la masima risoluzion (1200 dpi), con solo l'opzion dela polvere. Saria de usar le regolazioni de contrasto etc za in fase de scanner, ma richiedi prove varie. Quindi go poi modificado le foto (che le iera un poco tropo scure e poco contrastade) con un vecio Photoshop, adiritura la version 4, che gavevo comperado anni fa (una pazzia, visto quel che costava). Me Forsi ciogherò l'upgrade, se el Photoshop se rivelerà la soluzion migliore. Con lo scanner i dà comunque anche SilverFast e Adobe Photoshop Elements 3.0, che ancora no so esatamente cos'che fazi. Se qualchedun xe in grado de dar consigli, xe el benvenuto, perché de scanerizazion de DIA go sai poca esperienza, i scaner precedenti che gavevo per questo scopo i iera cusì miseri che praticamente no li go usadi quasi mai. Ah, quanto ale foto che go de scanerizar, xe principalmente foto de viaggi. Ghe ne fazevo centinaia, se no migliaia e quindi no xe che le sia proprio "artistiche", le xe più de "reportage" e de ricordo. Xe stà solo per brevi periodi che me son dedicado a foto più "ricercade", anche partecipando a qualche concorso (pochi), ma senza vinzer niente, al masimo clasificandome per la finale (a dir el vero una volta go vinto un premio , ma iera per un filmin). Cita
miguelsonmi Inviato 17 Aprile 2006 Autore Segnala Inviato 17 Aprile 2006 Eco che me serviria zà un vostro consiglio : dovendo acquistar un prodoto per le imagini, cose xe meio, l'ultimo Photoshop (CS...) o l'ultimo Paintshop (Paintshop Pro X, ormai distribuido dala Corel) ? El vecio Paintshop me pareva sai pratico, anche se non potente come el Photoshop (che però iera più complicado e non conosendolo ben se podeva forsi mal utilizarlo), ma el novo Paintshop me par sai diverso e me lasa perpleso. Per esempio, a prima vista, me par che no ghe sia la posibilità de aver el preview su l'imagine vera, ma solo in una finestrela, dove che se vedi ben poco. Ma ghe go dado solo un'ociada veloce e pol darsi che no sia cusì. Le vostre esperienze me saria de grande aiuto, nel fratempo zercherò su sto forum e altrove se xe za stado scrito qualcosa... PS : beh, el problema programma dovesi averlo risolto (grazie anche ai vostri scritti su sto forum). Go ordinado l'upgrade de Photoshop.... Cita
trert Inviato 17 Aprile 2006 Segnala Inviato 17 Aprile 2006 caspita.. belle!! beh, mi son de parte ma te consiglio el photoshop CS2.. inizialmente te lo troverà dificile.. però poi te ciapi man e diventa abbastanza pratico! el paintshop pro però no lop go mai usado più de tanto.. dela corel usavo el photopaint forsi però se te ga de usar correzioni de canai contrasto e luminosità quel che te da la più ampia scelta xe photoshop.. te pol agir su tutto, poi se te vol andar sulle modifiche più digitali (tipo cavar un pal dela luce o robe simili.. senza dubbio xe el migliore purtroppo la version poco costosa che xe l'element no te da tutte ste libertà in sto campo, quindi te son "obbligado" a cior la CS o CS2 (che no la xe completamente in italian ma xe una via de mezzo) Cita
miguelsonmi Inviato 19 Aprile 2006 Autore Segnala Inviato 19 Aprile 2006 Continua le scanerizazioni e... pian pianin, stago imparando. Adeso importo diretamente in Photoshop CS2, tramite Epson Scan con Twain. Uso el "modo professionale" che ala fine me par l'unico valido. Dopo aver provado la risoluzion fino a 12000, go scelto de usar quela a 6400. Salvo in formato jpeg, con opzion che Photoshop definisi "Maximum" (Qualità "10"). Cusì ogni foto me ocupa dai 4 ai 12 mega, in genere dai 6 ai 8. Con risoluzion de 12000 dpi e salvando in formato RAW, iero rivado a ocupar 530 mega!! No go tute ste esigenze e me acontento del compromeso scelto. Ve paserò ogni tanto qualche foto, per ora meto questa un poco "curiosa" . El monte no xe un vulcano, ma la nuvola lo fa sembrar tale. Me ricorda quei che gaveva fato la foto o filmato de l'Ospedal de Cattinara, con drio el fumo dela feriera de Servola, fazendolo pasar per el reator de Cernobyl, e dopo i gaveva fregado Mediaset (no ricordo se iera Canale 5) vendendoghe el "servizio", che iera stado anche trasmeso al TG. Data : no me ricordo, ve saverò dir. Località : isole Lofoten (Norvegia). Macchina fotografica : Olympus OM 1. Obiettivo e altri dati foto : beh adeso no stemo voler tropo ! Cita
tuxav Inviato 19 Aprile 2006 Segnala Inviato 19 Aprile 2006 ma che figaaaaaaaaaa che xe sta foto :D forsi l'unica roba la andsi un poco pulida prima dela scanerizazion.. mi prima de scanerizarle ghe dago una sufiada con una bomboleta de aria compresa x eliminar la polvere.... complimenti... po mi quei posti me intripa sempre tropo.. no so xche... vai cosi !!! domanda: i 12000 dpi xe interpoladi o reali ? cmq 6400 xe tantisimi credo che se rivi tirar fora veramente dele figade con quel scanner!!!! PS: me ricordo anche mi quela volta de catinara/chernobyl.... che ridade che go fato :D grandi cmq quei che xe rivadi a fregar el tg5.... bauahauahhaauahauh sai roba :D iero che vardavo el tg e fazo.. ma.. ma .. quel no xe chernobyl! xe catinara!!!!! che ridade :D Cita
miguelsonmi Inviato 19 Aprile 2006 Autore Segnala Inviato 19 Aprile 2006 1) forsi l'unica roba la andsi un poco pulida prima dela scanerizazion.. mi prima de scanerizarle ghe dago una sufiada con una bomboleta de aria compresa x eliminar la polvere.... 2) domanda: i 12000 dpi xe interpoladi o reali ? Per el punto 1), xe proprio quel che stago fazendo, ma ancora no rivo a eliminar del tuto la polvere (che sia sul vetro?). Ghe volesi quei panni appositi per i vetri del scanner che al momento no go. Per el punto 2), sul scanner scrivi "6400 dpi optical resolution (film), 4800 dpi optical resolution (reflective), High optical density of 4.0DMax". No so cosa sia quel 4.0DMax, ma me par de capir che i 6400 dpi sia reali, i 12000 sarà interpoladi. Cita
tuxav Inviato 19 Aprile 2006 Segnala Inviato 19 Aprile 2006 Ghe volesi quei panni appositi per i vetri del scanner che al momento no go. sicuro che la polvere no sia proprio tacada sula diapo ? so che qualchidun oltre che pulirla con aria compresa (stando atenti a no far condenza che rovini la foto) usa altri metodi, lavandole o altro.. sui newsgroup te trovi sicuro qualche aiuto.. mi x fortuna me basta una spruzadina... ma su foto che magari xe piu vecie pol eser utile far qualcosa de + radicale. No so se el scaner sia sporco, me par strano visto che el xe novo... Dmax me par che sia la profondita de color che riva a rilevar el scanner e quindi se go capi' ben vol dir la capacita de registrar le varie tonalita..... o me sbaglio ? forsi qualchidun qua sa spiegar mejo Cita
miguelsonmi Inviato 19 Aprile 2006 Autore Segnala Inviato 19 Aprile 2006 sicuro che la polvere no sia proprio tacada sula diapo ? so che qualchidun oltre che pulirla con aria compresa (stando atenti a no far condenza che rovini la foto) usa altri metodi, lavandole o altro.. sui newsgroup te trovi sicuro qualche aiuto.. mi x fortuna me basta una spruzadina... ma su foto che magari xe piu vecie pol eser utile far qualcosa de + radicale. Grazie x i consigli. Aprofondirò un poco ala volta. Devo dir che stago scanerizando proprio le dia più polverose, visto che le iera de molto tempo in atesa sula scrivania. Cita
miguelsonmi Inviato 19 Aprile 2006 Autore Segnala Inviato 19 Aprile 2006 Ecco un problema che se presenta con questo scanner (no so con altri). Per scanerizar le dia, ghe xe un belisimo telaietto che ghe ne porta 12. Ottimo. El programma dela Epson (Epson Scan), disendoghe che se usa pellicola positiva con supporto, el scanerizza tute le dia e el proponi le miniature. Per ogni dia se ga poi un'altra finestra dove se la pol veder più grande e far le regolazioni del caso (per adesso lavoro solo sula corezion toni, molto ben fata). Se pasa da una dia a l'altra e co se ga finido se fa l'acquisizion de tutte in una volta. Me son però acorto che le dia non vigniva asunte completamente, cioè mancava una parte dela foto. Cosa iera suceso?? Varda de qua, varda de là, go trovado che in una configurazion, nela parte definida "anteprima", ghe xe un comando a cursor (solo tre posizioni me sembra) "Area ritaglio miniatura". El iera impostado a "piccola". Spostandolo al limite opposto (= "grande"), le miniature comprendeva tuta la dia, anzi anche un tocheto de telaio, che poi bisogna ritagliar selezionando la zona dela dia da scanerizar. Nel help del programma vien dito che se se usa la tecnologia "ICE" (per eliminar la polvere) andasi lasado su "piccola". Ma cusì se perdi un toco de foto, no me par el caso. Insomma, no sempre xe tuto ciaro e facile... Cita
miguelsonmi Inviato 20 Aprile 2006 Autore Segnala Inviato 20 Aprile 2006 Ve paso un paio de dia scanerizade, che le me par più presentabili. Questa xe stada fata a Giassico ma, visto el sogeto, credo che importi poco el logo. Cita
miguelsonmi Inviato 20 Aprile 2006 Autore Segnala Inviato 20 Aprile 2006 Questa invece devi eser in Danimarca. Nisuna dele due xe stada eleborada col PC ma, per quel che riguarda questa seconda, iera zogheti che me divertivo a far in fase de ripresa. No xe la migliore de questo tipo (altre le go ancora da scanerizar), ma rendi l'idea. Naturalmente no iera de abusar, una, masimo due, de più stufa. Certo che ogi con le elaborazioni via computer ste robe diventa quasi infatili, fa parte ormai dela preistoria. Cita
trert Inviato 20 Aprile 2006 Segnala Inviato 20 Aprile 2006 i miei complimenti per la prima.. bellissima IMHO!! la seconda no la go proprio capida molto.. xe un mulin infogado? Cita
Messaggi raccomandati
Partecipa alla conversazione
Puoi pubblicare ora e registrarti più tardi. Se hai un account, accedi ora per pubblicarlo con il tuo account.