Sguardo..

[trert]

ok.. xe un esperimento.. pol piaser o no piaser.. no go mai provado..

la foto xe tutta originale, tranne el taglio verticale che prima iera orrizzontale..

cossa ve par? consigli?

[tuxav]

Stika! complimenti veramente.... IMHO tra i piu bei e originali che te ga fato.. forsi forsi volendo zercar el pel nel ovo, mi taiasi legermente la parte alta per includer un pochi de meno cavei.. ma giusto un bic....

[mula alabardata]

ah.. se no iero mi che te davo l'idea però....

cmq bella!! non mi, la foto!

[trert]

emh.. ti no te me ga dado l'idea.. ti te se ga lamentado che te soffrivi causa la luce!

cmq si.. grazie che te ga sofferto per benin per farme far i esperimenti

te devo una birra (facile cussi.. tanto no te son etilista! )

[polpetta]

me ricorda una foto che go fatto tanto tempo fa

el taglio e la composizion xe interessante ... proveria con tutto el viso.. e magari senza occhiali.. se la modella xe daccordo

bell'esperimento comunuqe

[arska]

devo eser sincero? no la me piasi per niente :-(

Se vedi i lineamenti dela bocca che disturba, e el color dela luce sula pele da un senso de "brusà" (rosso) sai poco realistico..

Picio consiglio.. se te v ol dar un aspeto rassicurante ala faccia, luce nela parte sx, se te vol darghelo malinconico el contrario (no so quale che iera el tuo intento, quindi no poso dir se xe giusto o no)

[trert]

gusti xe gusti

mi veramente no so cossa volevo farghe.. iera un esperimento

per el brusado son d'accordo.. forsi dovevo meter un foio de carta velada sulla finestra.. ma iera momentanea..

[uzzy]

mi la me piasi...

[Bonovox767]

Non mi piace molto, scusami...

Avrei preferito che la linea di luce fosse al centro dell'occhio...

Ancora meglio se la linea di luce fosse stata orizzontale e non verticale ( facendo girare il soggetto)

[trert]

povera.. za cussi la ga sofferto con el sol nei oci.. sa se la fazevo appena metter in posa con la testa piegada de 90°??

[mula alabardata]

va ben va ben.. go capì... doverò andar a far la contorsionista!

scherzi a parte.. là non iera sai facile metter la testa a 90 gradi.. podevo risultar sai scomposta credo!

e poi così xe una posizion naturale..

cmq piero.. se te vol la prossima volta provemo.. non go problemi....basta che non te me fazi girar de 180 gradi però!