Leggi assurde

[tuxav]

Leggendo "Punto-Informatico" stamatina go letto l'ennesima legge assurda fatta da gente incompetente.

Podemo usar sto post per linkar tute le robe asurde che se trova in rete, se vole'.

L'articolo de oggi parla che secondo una legge del '91, l'installazion de un router adsl (o simili), sia per privati che aziende, pol vegnir fatta solo da una ditta autorizzata, che devi rilasciar anche le certificazioni del lavor e che... udite udite.. devi dimostrar de gaver 8 addetti all'installazin alle sue dipendenze e ben 5 automezzi de cui 2 autofurgoni nel suo parco macchine aziendale !!!!

La multa per chi fa le installazioni in proprio va da da 1 a 10 milioni delle vecie lire !!! Sembreria che in controlli da parte del governo vegni fati solo su denuncia.

De conseguenza questa xe l'ennesima legge fatta per far lavorar le ditte del amico del amico del ministro !!!

ma che repubblica delle banane che semo :(

Eco el link: Punto Informatico

PS: me sa che l'unico in regola qua dentro xe Zen che no ghe riva la ADSL e che se no ghe paghemo una bireta a testa ne denuncia tuti :D

[arska]

ma che repubblica delle banane che semo :(

go pena leto.. ridicolo

[tuxav]

oltretuto xe la stesa telecom che te ofri l'adsl con o senza installator :D

saria de ciamar el 187 e dirghe che ti te vol l'instalator ma solo se i te rilascia el certificato e che te pretendi che i vegni in 8 con 2 furgoni se no, no te li paghi

[tinuviel]

vabbè, scendemo sempre più nel ridicolo...

[orannez]

PS: me sa che l'unico in regola qua dentro xe Zen che no ghe riva la ADSL e che se no ghe paghemo una bireta a testa ne denuncia tuti

Pfiuuu... te vedi che non gaver l'ADSL xe meio? Non rischio ste denunce...

[molly]

ma no ga senso... vien el tecnico telecom per i privati...

e in azienda ne xe vegnu el nostro tecnico del pc per meter el modem...

ehm... e poi mica tutte le aziende xe uguali ... mi qua lavoro sola...

xe qualcosa che non va??? dove xe scritta sta notizia?

altre leggi assurde... el documento programmatico che devi far tutte le aziende... cioè capiso le grandi ma aziende come questa dove lavoro mi che semo solo mi, parona e rappresentante (e lui no xe in ufficio mai) no ga senso...

xe per quella storia dei dati sensibili delle persone (ma noi no gavemo dati sensibili per cui il tutto no ga senso, mica semo dottori... e altre come noi)...

o ancora il modulo della privacy che gavemo dovu mandar da firmar a tutti gli ospedai.. ma xe ovvio che ne darà el consenso altrimenti come femo a lavorar con lori e a mandarghe i ordini e la merce... cioè xe tutte leggi sul serio stupide

[tuxav]

el dps rientra tra le legi fate mal e aplicade pezo

no so quante aziende lo ga fato ala fine, anche xche el fax simile esisteva in rete sul sito del garante me par. Iera una legge fatta x far lavorar certe ditte de informatica che 'ndava in giro a certificar aria fritta.

De per se la legge xe giusta... xe giusto che i miei dati sanitari, sensibili no vegni lasadi liberamente in giro o divulgai.. xe giusto che ghe sia un responsabile, che vegni fati dei backup etc etc ... el problema xe che le aziende che ga za una struttura lo fa za e se adegua facilmente senza spender ..o quasi.. mentre xe impensabile che un libero profesionita.. avocati/notai che molto spesso ga machine del dopo guerra, se adegui

e poi chi controla ? Questo documento andasi agiornado periodicamente...

bah solita legge inutile

[molly]

si dovesi eser fatto ogni anno... ma anche la legge non iera chiara... alcuni diseva che bisognava per forza ciamar un'azienda specializzada e che doveva gaver tipo 60 pagine... el mio tecnico ed altri diseva inveze che bastava 10 pagine e le robe essenziali e farlo timbrar in posta. alla fine gavemo fatto cussi..

xe che xe ridicolo tutto... gavesimo dovu meter la password per entrar nel pc in una cassetta de sicurezza ma neanche la gavemo la cassetta de sicurezza e poi mica qua de noi vien persone... son praticamente solo mi qua in ufficio...

e anche sti dati sensibili... noi in pc gavemo robe che se pol tranquillamente trovar nelle pagine bianche o gialle... niente de più... per cui no ga proprio senso il tutto... mi no so perchè inveze de agevolar il lavoro delle persone i lo complica con leggi stupide... e chi xe quei sgai che le fa poi...

[tuxav]

el dps te lo pol anche far internamente da quel che so mi, no xe necesario che vegni una ditta pero' te devi rispettare le normative.

Le password sui pc xe obligatorie za da tempo, come el screensaver col lock.. e meter le password in busta chiusa da qualche parte xe cmq una bona norma che tuti dovesi aplicar, al di la del dps.

Cmq xe tipi diversi de dati, la lege no trata al steso modo l'anagrafica clienti o le schede mediche dei dotori... ti pensa che x asurdo se te ga un palmare coi indirizi dei tui clienti, quel dovesi anche cascar soto questa lege e quindi vegnir meso soto backup, dirghe ai tui utenti che te li ga inseridi in una bancadati etc etc etc...

el problema xe che se a un ghe gira e vol far longhi.. li pol far. In caso de inoservanza dela lege, el reato xe penale

[molly]

si ma no ga senso lo stesso... gli indirizzi se li trova sull'elenco del telefono... e parlando de aziende i nostri clienti xe solo ospedali e farmacie... non privati per questo digo che la legge no xe chiara, dovesi far distinzioni, non pol includer tutti allo stesso modo.

ah un'altra roba assurda.. mio papà ga un'officina, e come tutti emetti fatture... su ogni fattura deso el devi farse firmar de drio la legge sulla privacy ma mi digo ovvio che il cliente dà el consenso de scriver i suoi dati sulla fattura altrimenti mio papà nol podesi neanche far la fattura e cosa dovesi far? ndar contro legge e far le robe in nero... cioè xe sul serio troppo estremo il tutto...

[tuxav]

el senso lo ga .. mi autorizzo a meter i miei dati sula fatura .. ma non autorizo el fatto che dopo ti te me mandi publicita o che te daghi i miei dati a terzi.

El problema xe che lato 'consumator/utOnto' xe imposibile rivar dimostrar che te son sta ti a divulgar i miei dati

E cmq el dps xe sta rimandado 1000 volte, ades nisun ghe ne parla piu anche se xe in vigor... xe cambia el governo e quindi tra un poco rivera' un'altra lege che sostiuira questa e che sara ancora piu inutile ... :D

[molly]

non so... una volta non iera tutte ste leggi eppur nessun se ga mai lamenta che mi sappio almeno

riguardo el DPS infatti mi no so se go de farlo el prossimo anno o no... non se capisi niente con ste leggi che va che vien, che cambia ogni do per tre e tra l'altro mai chiare...

[tuxav]

beh una volta no iera nianca tuti i problemi che xe adesso... pensa a un dotor: una volta iera abb. dificile che un ladro vadi nel ambulatorio e ghe rubi le schede dei pazienti... pensa se inveze adeso el dotor se dimentica el portatile in treno/aereo, se ciapa un virus e i dati vien sparsi in giro per el mondo...

[Stefano79]

L'articolo de oggi parla che secondo una legge del '91, l'installazion de un router adsl (o simili)

Ma nel 91 esisteva za i router adsl?

No so nianche se iera internet

[tuxav]

...a parte che internet xe nata prima del '91 e che, ok no esisteva i router adsl,ma i router sicuramente si

la lege fa riferimento a impianti con capacita superiore a 'due doppini, quindi anche un modem isdn andaria instala' da un tecnico

[Stefano79]

Quindi mi che go un router wifi (che tra l'altro uso come semplice modem) che go installà da solo, rischio l'ergastolo?

[molly]

ma no parlaimo de dottori...iera questo elpunto !!!! parlavo de chi no ga tratta dati sensibili...