Crop si, Crop no...

[tuxav]

xe tropo caldo e quindi el mio neuron xe anda x le sue e me vien fora ste domande asurde....

legendo de fotografia qua e la, un tipo diseva che el crop fa parte del proceso 'creativo' per far la foto e quindi xe lecito e giusto, secondo altri l'inquadratura xe quela che xe al momento del scatto e no xe etico croppar in post....

mi tendenzialmente penso che no sia giusto cropar e che la foto xe quela punto e basta, pero' sto tipo me ga fato venir dei dubi ... se se tratta de un crop per rifilar via particolari o parti 'inutili' che durante lo scatto no se ga podu tirar via...forsi xe giusto farlo...

voi cosa pense'???

ok torno a bever :petesoni:

[trert]

beh.. un leggero crop per mi si.. dopo un certo limite beh.. inizia ad esser meno etico.. però mi fazo cmq!

[arska]

ma si che xe giusto! Immer!

[babatriestina]

per mi la foto xe quela de l'inquadratura.

Po se pol far un crop se interessa qualcossa, ma xe come una foto nova.

Fotografar un lenziol per cropar un toco no me va.

[dolby]

per mi assolutamente si. ti al momento del scatto (sempre che te lavori in digitale) te sa za che immagine che te vol tirar fora e con che tajo (rettangolare quadrato o bislungo ).

secondo mi el crop fa parte del processo creativo del fotografo e va fatto. ricordemose che el mirin de tutte le nostre reflex copri el 98% del campo quindi xe inevitabile che qualcosa che non volemo sia ciapado nella foto.

mi voto a favor!

ciao

[polpetta]

per mi el crop va anche ben.. magari non esagerato ... ma una spuntatina qua e la a volte ... magari dopo aver raddrizza un orizzonte storto..ghe sta.

la foto ghe acquista de bellezza a volte e potenza de comunicazion.

[tuxav]

el problema forsi se pol vederlo anche in questi termini, go una scena con un sogeto a una certa distanza che con la mia atrezatura no rivo a inquadrar come vojo e con el giusto ingrandimento.. se gavesi avu con mi un tele 600mm lo gavesi fato...

una volta l'atrezatura se estendeva in camera oscura e son sicuro che certe foto publicade sule riviste sia dei ingrandimenti de particolari....

adeso l'atrezatura se estendi sul computer.. cambia el mezzo ma el risultato xe uguale.

quindi tuto soma no vedo niente de mal nel far dei crop, purche' magari se disi che xe un crop e come el xe sta otegnu....

sui orizonti storti inveze son abastanza drastico e le scarto tutte, tranne che proprio no ghe sia un motivo valido x non farlo.. ma se go la posiblita de scatar con calma e inquadrar ben, la foto storta la butto via ..