Monaco e Dachau

[Giada]

Ormai chi ne ferma più? Altro weekend lungo per mi e moroso per festeggiar el nostro *****esimo anniversario insieme (meio no pensar a quanti anni che xe!!!). Meta scelta: Monaco de Baviera, che già de un poco volevimo visitar non essendoghe mai stadi!

Go fatto 430 fotine perciò sceglier xe stada dura... pertanto prepareve a una luuuuuuunga carrellata de foto! Nessun (o pochissimi) scatti pensadi stavolta, ma tanti "click e via" da vera e propria turista giapponese

Semo partidi venerdì mattina alle 5. L'hotel - veramente bel e talmente in centro che no gavemo mai ciapa nessun mezzo pubblico - iera el Novotel Munchen zentrum, trovado in offerta a 98 euri a notte a camera con colazion pantagruelica compresa... no ve digo cossa che go riva a magnar!!! Xe in assoluto la miglior colazion mai provada in albergo... iera addirittura el cogo che te fazeva davanti le crepes, le cialde con la cioccolata, la frittada e i ovi all'occhio! E poi torte, brioches, Nutella, panini, succhi, yogurt, frutta, salsicce de ogni tipo, bacon, ovi sodi, polpette e patate al forno (giuro!!!), salmone e gamberetti... ovviamente dopo no se pranzava!

Invece de andar subito all'hotel gavemo fatto una prima tappa al campo de concentramento de Dachau, a 30 km circa dalla città. Anche se molto xe stado in realtà ricostruido, resta davvero un luogo molto toccante. E ovviamente indovinè quala iera la nazionalità dei unici buzzurri che zigava e rideva in mezzo a un posto del genere??? (ma questo xe un altro discorso...).

Questo xe l'ingresso del campo, costruido in un secondo momento dai stessi prigionieri. Dachau xe stado el primo campo de concentramento e l'unico a rimaner attivo per tutta la durata del regime nazista.

El ben noto motto che accoglieva i prigionieri all'ingresso del campo...

Questa iera la stanza dove i prigionieri veniva accolti e privadi de ogni dignità umana: i ghe rasava i cavei, i li spoiava, i li disinfettava.

Questo xe el piazzal principale dove, mattina e sera, veniva fatto l'appello. Se mancava qualchedun, i altri doveva restar in pie, senza moverse nè fiatar, finchè no se lo trovava. Alcune volte i restava cussi per notti intere, al gelo, e ovviamente parecchi xe morti in questo modo atroce.

L'interno, ricostruido, de una baracca.

Senza parole...

L'esterno della baracca, ricostruido:

L'interno dei famosi "locali delle docce" dove i prigionieri veniva asfissiadi a morte con el Zyklon B. Benchè in realtà questo locale a Dachau non sia mai stado utilizzado, star là dentro fa veramente venir i brividi... e l'illuminazion, lassada scarsa apposta, no fa che aumentar la sensazion de claustrofobia.

Questi, invece, i li ga usadi eccome...

Dachau, pur essendo tristemente famosa per el campo, xe anche una ridente cittadina, arroccada su una collinetta, con quasi 1200 anni de storia. Questo xe uno dei vicoletti della città vecia, fotografado in corsa dalla macchina!

Modificato 30 Luglio 2007 da Giada

[Giada]

Dopo Dachau, semo rivadi a Monaco. Subito in giro per el centro.

Questa xe Marienplatz, con el Neues Rathaus ovviamente imbaccucado (no se smentimo mai!):

I ga naturalmente lassà un spiraglietto per el famosissimo Carillon, che due/tre volte al giorno, a seconda della stagion, se metti in moto (in religioso silenzio!) e riproponi la danza dei bottai contro la peste e un matrimonio reale. Che resti tra noi... xe una palla pazzesca! Moooolto meio el carillon de Praga (anche se dura de meno)

Sempre in Marienplatz xe la Fishbrunnen: leggenda vol che se el mercoledì delle ceneri se toci dentro el portafogli svodo, se diventi ricchi! Per sto motivo ogni anno el sindaco e la giunta va a tociar el portafoglio sperando de rinpinguar le casse cittadine :-)

Una roba gavemo capì in tre giorni de permanenza a Monaco: i bavaresi MAGNA e BEVI come porci a tutte le ore! La città xe piena de centinaia de locali che fa de tutto - dalle luganighe al sushi, dalle pizze al kebab - pieni a tutte le ore del giorno! Ovviamente su tutti troneggia i biergarten, le birrerie all'aperto dove i monacensi (spesso abbastanza in là con l'età) magna bratwurst e bevi litri de birra tutto el giorno! Questa xe una in Alter Hof:

Anche noi no se gavemo ovviamente fatto mancar niente, a cominciar dalle dolci pause da Starbucks (che in Italia no gaveremo mai perchè no i pol competer con el nostro caffè... e infatti noi gavemo ciolto frappè!). I dolcetti nella foto xe un brownie alle noci americane e un muffin ai due cioccolati :-)

Per cena, invece, sosta obbligada nella più vecia, famosa e turistica birreria de Monaco: la gigantesca Hofbrauhaus, dove i clienti abituali ga el suo tavolo e el suo boccal riservato, e la birra più picia ga mezzo litro! L'atmosfera, benchè sia pien de giapponesi e italiani, xe molto caratteristica! Gavemo ovviamente magna luganighe e kartoffelpuree.

Questo xe un particolare del menu:

A domani con le prossime foto!!!!

[Nona Picia]

BravissmaGiada, bellissime le foto. Assai tristi quele del campo de concentramento, però, con tuto che xe passai tanti anni, no se pol dimenticar!

[Giada]

Andemo avanti con le foto de Monaco!

Ecco l'interno della HB de cui ve parlavo nei altri post, con personaggi alquanto caratteristici nei loro tavoli riservadi :

Tornemo ai monumenti della città! Questa xe la facciata della Residenz, el palazzo imperiale dei Wittelsbach che non gavemo visità all'interno (provvederemo la prossima volta!):

Queste xe invece le torri della Frauenkirche, el simbolo della città. Una legge comunale vieta de costruir in centro palazzi troppo alti che possi oscurarne la vista.

[Giada]

Questa xe la facciata de Dallmayr, un grande magazzino de prelibatezze alimentari...

Dentro, vicin al banco del pese, ghe xe una fontanella con dentro questi!:

Questo xe invece el banco delle luganighe e simili:

[babatriestina]

per la Residenz, che no go visitado tuta, val però assolutamente la pena de visitar la Schatzkammer! xe dei tesori con gioielli e pietre preziose de sogno: i mii preferidi xe una statua de san Giorgio coverta de smeraldi e una corona del 1300 de una regina con perle che la xe come la corona delle regine dele fiabe!

La Hofbrau xe un classico, mi però go un tremendo problema a Monaco : no me piasi la bira!!!! cussì l'ultima volta che iero, e che iero con un gruppo che i andava alla HB, li go lassai e son finida de sola in una birreria.. a bever vin del Reno ( che inveze me piasi assai, come quel dela Mosella). Po go magnado un Leberkaese, sarà stado el tropo fegato.. tuta la notte su e zo del bagno , meno mal che gavevo camera singola! la matina dopo , con quele colazioni come che te disi ti, theè col limon e biscotti.. e iero guarida!

Dachau no go voludo andar a veder, ghe ne go visti un de sti campi, in Germania est, e devo dir che i me deprimi tanto e, come dir, quasi me vergogno a far turismo dove che tanta gente ga cussì soferto

Modificato 31 Luglio 2007 da babatriestina

[Giada]

Anche a mio moroso no ghe piasi la birra (e i alcolici in genere), e mi devo dir che preferisso altro: quindi dopo la prima sera all'HB in cui gavemo voludo provar a cior lo stesso, dopo se gavemo dissetà solo e sempre a Coca Cola (e no te digo quanto che ne vardava mal i camerieri!!!).

Anche mi go assaggiado el leberkase, però sulla guida iera scritto che, nonostante el nome (fegato+formaggio) in realtà dentro no ghe xe nessuno dei due ma solo carne normale! Boh?

Andemo avanti con le foto! Questo xe un altro banco de Dallmayr, con le insalate de pese e robe simili:

Questo xe l'edificio delle piscine pubbliche sul fiume Isar, ancora in funzion:

Là vicin xe el gigantesco museo della Scienza e della Tecnica, el Deutsches Museum. Noi lo gavemo visità sabato mattina: l'intenzion iera de passarghe dentro tutta la giornata, ma a ora de pranzo ierimo morti. El museo infatti xe ENORME e xe praticamente impossibile vederlo tutto in una volta sola, cussì gavemo scelto de approfondir solo le sezioni che ne interessava de più. La più interessante la ricostruzion delle miniere nel seminterrato: questa xe l'entrata, sotto se snoda centinaia de metri de miniera ricostruida con ingranaggi, scivoli etc che vien messi in funzion alcune volte al giorno. Molto bel davvero!

Questa xe la sezion della navigazion, con un'enorme veliero al centro: attraverso delle scalette anche qua se va nel seminterrato, dove xe ricostruido l'interno de una nave:

Questa invece xe la sezion dell'aeronautica:

Vecchi apparecchi fotografici:

Questo xe invece el famoso e pittoresco Viktualienmarkt, el mercato alimentare vicin a Marienplatz. I vendi soprattutto frutta e verdura (anche esotica) e i te fa al momento dei frullati che xe tropa roba (gavemo assaggià un al kiwi-arancia-banana e iera bonissimo!

Al centro del mercato campeggia uno dei simboli della città:

In occasion dei mondiali dell'altro anno, la città xe stada addobbada con centinaia de leoni de tutti i tipi (el leon xe el simbolo de Monaco). Alcuni, come questo, i li ga lassadi:

[Giada]

Avanti con le foto!

Questo xe el tempietto all'interno dell'Hofgarten, el giardin reale:

In fondo al giardin, se trova la sede della cancelleria bavarese (la Baviera xe uno stato indipendente all'interno della Germania, con una sua Costituzion e un suo Parlamento):

La Residenz, el palazzo reale, al suo interno ga ben sei cortili, un diverso dall'altro, utilizzadi ovviamente per ficcarghe dentro dei biergarten:

Questo invece xe el National Theater, in Max-Joseph-Platz:

[giuli]

Bel giro e belle foto!

Complimenti!

[Giada]

Ultima session fotografica!

Una delle torri della Frauenkirche con davanti la Michaelskirche:

Sempre le torri della Frauenkirche:

Neuhauser Strasse, la via dei negozi che da Marienplatz porta a Karlsplatz, al tramonto:

Domenica se gavemo dedicà alla periferia: questo xe el complesso olimpico dell'OlympiaPark, creato per le Olimpiadi del 1972 (quelle dell'attentato alla squadra israeliana...):

E dopo semo andadi a Nymphenburg, la residenza estiva dei Wittelsbach:

El parco iera pien de stormi de ste simil-anatre che svolazzava e "brucava"... qualchedun sa dirme che bestia che xe???

Questo xe el salon principale all'interno:

Questo xe el parco drio el castello:

[Giada]

A quel punto gavemo lassà Monaco ma gavemo deciso de far una "breve" deviazion in Alta Baviera e dopo vignir zo per Innsbruck e el Brennero. Gavemo scoperto paesaggi bellissimi e assolutamente privi de turisti stranieri!

Semo finidi cussì alla cittadina de Mittenwald, sul confine con l'Austria, veramente un gioiellin!!!

Questa xe una delle due strade principali:

Una particolarità de sto paesin xe l'acqua che scorri in sti canali che corri lungo le strade principali:

Altre immagini del centro, con le case mooooolto particolari e el campanil dipinto in trompe l'oeil:

Sto giro go finì sul serio! Aspetto i commenti degli esperti

[dolby]

giada, me spiasi smontarte ma tutte ste foto me par molto turistiche, nel senso che xe tutte o quasi con l'orizzonte a metà della foto e nn rispetta la regola dei terzi.

che ti ga un poca de zata però se vedi perchè alcune foto te el ga rese più forti fasendo rivar le diagonali perfettamente nei cantoni, ciò da un poco de dinamismo in più.

Zerca co te va in giro de renderle + tue le robe da fotografar e nn lasar che i posti (sia bei che bruti) se lasi fotografar "da soli" ma daghe un poco del tuo punto de vista.

Bela cmq la foto de marienplaz al tramonto, bei colori ma pecà per el furgoncin...bisogna zercar de curar la composizion zercando anche de eliminar i elementi de disturbo della foto.

ciao ciao

[Giada]

Infatti come go dito nel primo post sto giro go fatto foto da giapponese... ossia senza pensar, click e via! No gavevo nè voia nè tempo per metterme a pensar a composizion etc, anche perchè el fatto de aver drio solo la compatta e non la D80 della suocera no ga favorì la mia ispirazion

[MONTAG]

Monaco è una città fa-vo-lo-sa. Quando sto su L'HB è un pò la mia 2a casa.

Non l'ho mai vista di questo periodo è un pò t'invidio.

Comunque mi piace molto la foto del passeggio in controluce. Mi sembra una bellissima composizione!

[Giada]

Dimenticavo de dirve che, chi che ga voia, pol trovar el resoconto completo del viaggio sul mio blog :-)

[cucciolina]

Ma che bei posti...bellissime foto, Giadina

[_titti_]

Eh sì..proprio beiposti...complimenti per le foto...

[tinuviel]

complimenti per l'ennesima gita! Ma, da quel che go letto su un'altra discussion, partì veramente troppo avvantaggiati nella nostra gara... liberi professionistri vs lavoratrice a tempo determinato... nonono! no xè paragoni da marzo a metà settembre (scadenza contrattuale) solo 2 giorni de ferie go rivado a cior el resto fatto nei weekend e nei ponti... qua bisognerà veder le regole!

comunque...

proprio un bel viaggio, al solito, belle foto Ma... a gente come voi no se dovessi neanche dar el permesso a entrar a Monaco! Ma come se fa? A Monaco e non ve piasi la birra... ohi ohi ohi!