Folk triestin su Wikipedia

[Renè]

Apro sto topo per anunciarve che tra non molto inizierò su Wikipedia a inserir pagine descritive de canzoni triestine. Per el momento inzierò con quele più conossude tipo Trieste mia (Co' son lontan de ti), Una fresca bavisela (Marinaresca), El tran de Opcina (La nova bora) ecc..

Via via se ciaperà pìe la roba, alora meterò anca quele tipicamente popolari anca de vecia data. El mio progeto xè bastanza ambizioso. Far un minimo de database Wikipedian dele canzoni del nostro bel folk triestin, inserendo la storia de esse, dei autori se i xè (magari fazendo dele pagine a parte dedicade proprio a lori, come a Carniel e Cornet ad esempio), testi, date, influenze sula società, minima descrizion del contesto storico in cui le apari ecc..

Se qualchedun esperto volerà darme na man fornendo fotografie de spartiti, spunti, idee e nozioni storiche xè naturalmente ben aceto. (Babatriestina penso che gabi ssai material a riguardo)

Vedemo coss che vegnarà fora..per ora come dito gavarà la precedenza le principali perlomen. Ve terò agiornadi su sto topo.

Me xè vignù in testa zà tempo fa sta roba perché go notà che sula Wikipedia vien dado ampio spazio a tradizioni folkloristiche italiane de nord e sud. Noi a Trieste gavemo una granda e importante tradizion (anca se in tel le nove generazioni ga scarso seguido )..le cantade cussì dete "de osteria" no xè sempre e solo roba de osteria e osmiza. Persin "Ancora un litro de quel bon" la nassi con tuta una sua storia.. Un'ocasion per rileger in chiave storiografica le nostre origini, el periodo austroungarico (molte canzoni triestine le nassi a livel popolar su musiche e marce austroungariche preesistenti) e la vera anima del triestin..quela canterina che con più o men celebri versi el ga sempre racontà fati e misfati de vita citadina nel ben e nel mal, adolzindone la vita stessa anca nei momenti più duri (come soto le due guere mondiali).

Se po' ogi gavemo la Wikipedia che oltre a salvar pol divulgar ste robe a un publico più ampio, no solo triestin, favorindo un recupero e una riscoperta del tuto, ben vegni. :) :)

Fine dela papardela!

[arska]

no son esperto per niente, ma se te lo fa xe un lavoron

(a suo tempo gavevimo provado a gaver la Wikipedia in triestin, ma no i ga voludo, perchè quela triestina dovesi eser parte de quela veneta (vec.wikipedia.org))

cmq, bon lavor

[danielita]

UN FIGHEZ!!!

Se posso esser de aiuto go bastanza conossienza de 'sto genere: posso vantàr una gioventù passada nele osterie più rinomade de Muja (mio nono me portava sempre in giro con lui perchè ghe fazzèvo simpatìa) e devo dir che 'ste vece bibitele le me ga imparà diverse canzoni.

Quando che te vol, basta far un zigo qua in tel forum e mi me presento al apelo!

[Renè]

Grazie Danielita, grazie veramente ssai!!!! Terò inamente

[danielita]

Grazie Danielita, grazie veramente ssai!!!! Terò inamente

De nada!

Me racomando, no molàr, che xè una ssai bela idea!

[Renè]

Go finì le prime diesi pag. doman inizio a refarle in "bela copia" e poi buto in wiki.

Go tirà fora un mucio de tomi veci de mio nono e articoli de giornai per reperir el più posibile notizie in merito, oviamente ciapando in considerazion i autori più seri ed esperti in materia come Sancin ad esempio.

[danielita]

Go finì le prime diesi pag. doman inizio a refarle in "bela copia" e poi buto in wiki.

Go tirà fora un mucio de tomi veci de mio nono e articoli de giornai per reperir el più posibile notizie in merito, oviamente ciapando in considerazion i autori più seri ed esperti in materia come Sancin ad esempio.

Mama mia, te me fa vegnìr le bave!!! Quando te buti in wiki??? Deeei, che no vedo l'ora!

(Son proprio una rompibale, xè vero?)

[Renè]

(Son proprio una rompibale, xè vero?)

No per niente, anzi te ringrazio del'interesamento

Ve chiedo solo de pazientar ancora un poco perché nei ritai de tempo libero sto fazendo tute le paginete precise per ogni pezzo. Ma entro dicembre spero, promito e iuro (regendo l'infinido futuro) che sarà zà publicà qualcossa

[danielita]

(Son proprio una rompibale, xè vero?)

No per niente, anzi te ringrazio del'interesamento

Ve chiedo solo de pazientar ancora un poco perché nei ritai de tempo libero sto fazendo tute le paginete precise per ogni pezzo. Ma entro dicembre spero, promito e iuro (regendo l'infinido futuro) che sarà zà publicà qualcossa

Beh, te sta fazzèndo robe bele che no ga fatto nissùn prima, xè ovvio che el tuo lavòr me susciti interesse! Pò mi son bastanza apassionada de storia locale e fin de cò iero picia, che circolavo con mio nono per tute le osterie da Borgo fin a Muja, me piaseva cantar e imparàr canzoni triestine (più che altro perchè al'epoca mi no bevevo e alora me anoiavo e l'unica iera farse cantàr qualcossa da 'ste vece bibitele).

Vai avanti così, Renè!!!! Tropa roba!!!

[danielita]

Renè, xè qualche novità?

[Renè]

Renè, xè qualche novità?

Abbiate fede (non Emilio)

Forsi za dopodoman.. no digo de più!!

[Renè]

Volevo scusarme coi interessadi a stò discorso.. perché go lassà ndar e dopo tra mile e più robe, me go dismentigà.. ma desso pian piano inizierò a montar le varie pagine dedicade. a presto

[Colaussi89]

qua ne xe alcune se pol servir:

http://hotelgorillo.splinder.com/post/13484198

tra i commenti xe questa:

"mi de picio no capivo

perche' son rosso de cavei

xe 'l marchio de la casa

casa mia de alcolizai"

qualchedun sa come fa el ritmo??