(TRIESTINA) Granoche andrà al Chievo entro fine gennaio?

[SandroWeb]

Se sta molto parlando del rientro de Granoche in squadra...ma se senti anche vocine provenienti da Verona che el Chievo lo podessi richieder za entro fine gennaio...secondo voi el resta alla Triestina o meno?

[cassoggi.npc]

secondo mi, xe una menada vista più volte (cioè nò sarià l'unico caso):

- el giogador se fa mal, el recupero xe longo (o mejo no i lo fà rientrar perche nol se rompi definitivamente e i perdi tuti i bori)

- la squadra vol cior quatro punte ( me digo da solo con quai bori?)

in fine, senza polemizar e senza far torto a nissun, el gà zà l'appartamento arredà e la machina con le gome de neve montade ( a verona xe neve n.d.r.)....

pav mi el xe zà la a magnar i pandori

[enrico89]

Mi spero de no..ma go votado de si..e penso che con l'Empoli lo fazi giogar per saludarne...

[Maurice]

Non andarà via... punto e basta...

[SandroWeb]

Per mi xe troppi ronzii sulla question Granoche: a Trieste i disi che nol se moverà, ma chi tira le fila xe el Chievo...da qua tutta l'incertezza de sto mondo.

Go sai, ma sai, paura che a febbraio no lo vedemo più....ma spero de sbaiarme

[dez]

Secondo mi non xè el giogador che ghe servi al Chievo, o meio in questo momento saria molto rischioso puntar su de lui, appena tornado da un infortunio grave e come precedente un campionato buono in B in una squadra da mezza classifica ... lori ghe servi un grosso con esperienza de serie A ... per mi el resta

[Ikeya]

mi spero che el resti anche se go paura che no sarà cussì

al Chievo ghe costa meno cior lui che un altro... probabilmente i ciolerà un altro ma se porterà la anche lui

l'importante xè che se i ga de farlo i lo fazi presto cussì l'Unione ga el tempo per comprarse un altro attaccante, perchè fin qua go visto bastanza sterilità in attacco...

[Cazzaballe]

Fantinel sta ripetendo sempre più incazzado che lui ga ditto delle robe e le manteràà fin alla fine... Per cui mi so che resterà perchè me fido de Peter =P

[Maurice]

Purtroppo de quel che disi Fantinel bisogna fidarse molto coi pie de piombo perchè diseva el stesso de Marchini...