La Slovenia dovrà tornare sui suoi passi

[Zithara]

La Slovenia dovrà tornare sui suoi passi

La presa di posizione è dei ministri degli Esteri Franco Frattini e allo Sviluppo Claudio Scajola .

I dovarà tornarne Capodistria , Isola e Piràn ?

I doverà restituir le case ai profughi ?

Ritirar le intromisioni a brussèl che ne ga fato perder i buoni agevolati ?

Tornarghe i soldi dei conti blocadi dal..... 1991...... ai risparmiatori croati che gaveva messo in lijublianka banka ?

Ritirar l'ostacolo ala croazia de entrar in UE visto che i sloveni i xe entradi " perchè el contenzioso era stato risolto" e desso dopo ani, la croazia no pol entrar perchè " el contenzioso non è risolto".

I doverà ameter che no se pol eser "erede diretti dela jugoslavia" co' xe de tignirse terre e soldi, e contemporaneamente "no gaver niente che far co la jugoslavia" co xe de dar ?

Forsi smeter de intrometerse in tuto quel che ne riguarda, spargendo menzogne a livel uficial de ministero, tipo dichiarazioni sul sito del slovensko ministrstvo che a trieste una lege vol levarghe le carte bilingui a la minoranza,

Forsi i smeterà de ostacolar subdolamente per soto, el svilupo de trieste in tute le sedi interne e internazionali, (che solo i cieghi e i malinteresadi pol negar e no veder ) ?

Ritornarne i miliardi che xe costà costruirghe la rabuiese /semedella, la strada del sabotino e la aidussina/prevallo, tute strade pagade direttamente da Italija, e che desso per andar toca comprar vinijeta ?

I doverà ciorse Monrupin Basoviza e Sgonico ( teritori 100% sloveni che per quel ghe iera stadi formalmente oferti nel 1954 ma no i ga volesto, preferindo punta grossa, probabilmente per poder mantignir una propria minoranza de qua) ?

I doverà levar la vigneta almanco dela Rabuiese/Semedela, che xe ilegale rispeto i tratati internazionali sul divieto di pedaggi nel ex TLT ?

I doverà far che le trasmisioni tv slovene no staghi a disturbar i canali italiani , evitando de trasmeter su frequenze che ala riunion de Ginevra xe stade riservade ai ripetitori italiani ?

I doverà sbasar i kw dei ripetitori de celulare Slomobil, che xe trasmesi de Piran e coverzi tuta la costiera , mentre che le doverìa eser ssai più ridote in potenza sempre secondo convenzioni internazionali ?

I farà che le fabriche slovene no buterà più senza tratarli i scarighi inquinanti tal isonzo e timavo in barba a qualsiasi prescrizion UE ?

I ghe tornerà la citadinanza a quei che i ghe la ga tolta nel 1991 ?

I meterà i bus sloveni, che i xe fora de qualsiasi norma ue in regola, visto che ne riva a trieste decine ogni giorno de postumia sesana e isola che i fa una peste de gas ?? ??

No no, doverà tornar ndietro su sui pasi su la unica roba che i ga fato che oltre che a lori anche noi ne pol eser utile: dirghe no al rigassificatore

La Slovenia si oppone alla realizzazione del rigassificatore di Zaule? «Dovrà tornare sui suoi passi, l’impianto si farà». La presa di posizione è dei ministri degli Esteri Franco Frattini e allo Sviluppo Claudio Scajola all’indomani della bocciatura di Lubiana

Semo in bone man e quel che no ne danegia Lubiana ne bastona Roma

Edited July 24, 2009 by Zithara

[Ikeya]

allucinante... forsi una delle uniche scelte giuste che ga fatto la Slovenia nell'ultimo anno... ma xè ovvio che ghe xè interessi politici italiani sotto

[arska]

allucinante... forsi una delle uniche scelte giuste che ga fatto la Slovenia nell'ultimo anno...

Pensavo la stesa roba i xe rivadi a far politiche veramente assurde in tanti campi, ultimamente.

(al contrario dei anni precedenti)

Oviamente, ala prima roba circa-sensada (un rigasificator praticamente in centro? E perchè, po', inveze che in mezo ala campagna? No se sa), el governo se impunta tute le altre monade andava ben.. bah.

[babatriestina]

mi go comunque el idea che sul rigassificator semo noi che dovemo decider, no la Slovenia. I ne ga domandado cossa che pensavimo co i ga fatto Krsko? ( po sul rigassificator de noi.. mi ancora no savessi decider, ma xe un altro per de manighe)

[zalzi]

Dal 1981 a oggi le robe xe un attimin cambiade.

Oggi (per fortuna) bisogna far i conti con l'UE.

[Nona Picia]

Ala Slovenia ghe interssa de far lori el rigassificator, per poi rivenderne a noi el gas. Se se lo fazemo soli, lori cossa faria?

Comunque, sia quel che sia, come che lori no ghe comoda che noi se intrighemo nei loro intrallazzi, a noi no ne va ben che lori gabi sempre de por veti su quel che pensemo de far o no far. Xe pur sempre affari nostri che magari ne pol anche esser utili in qualche modo.

[arska]

no beh calma.. se l'Italia vol far una roba potenzialmente pericolosa a 2m dal confin, i ga de spetarse una qualche reazion.

Xe afari nostri sì, ma anche afari sloveni, se – per esempio – el rigasificator sciopa.

[Stefano79]

Xe afari nostri sì, ma anche afari sloveni, se – per esempio – el rigasificator sciopa.

Indubbiamente. Ma xe anche affari nostri se s'ciopa Krsko - come ga sottolineà babatriestina - anche se xe molto più lontan. I ga forsi tenù in considerazion el nostro parere co i lo ga fatto?

Reciprocità, sempre là semo

Edited July 26, 2009 by Stefano79

[Nona Picia]

Esatto! No esisti due pesi e due misure......

[Starlite]

Cacchio! Ti te me ga fato una centrale nucleare a 100 km? Tiè mi te fazo un rigasificator! Mamma mia che reciprocità! Cusì si che va avanti el mondo! Come in quinta elementare

E pò, no volesi dir, ma Krsko xe sta costruì in tempi un cicinin diversi.

In ogni caso no me par che sia tuti sti gran problemi e che, come sempre de ste parti, ste vicende le vien amplificade... per insempiar la gente.

[arska]

E pò, no volesi dir, ma Krsko xe sta costruì in tempi un cicinin diversi.

Ma infati, xe evidente.

Cmq, volesi veder se ogi i voleria costruir una central nucleare (es. a caso) intorno del Nanos.

Volemo veder che vien fora "un pochetin" de proteste? (mi per primo, eh)

In ogni caso no me par che sia tuti sti gran problemi e che, come sempre de ste parti, ste vicende le vien amplificade... per insempiar la gente.

poco ma sicuro.

Mi però me premi de saver da esperti TERZI quanto pericoloso xe sto rigasificator.

Oh, fin deso nisun ga mai parlado ciaro a riguardo. E no me piasi.

[Ghost]

Certo che anche il loro governo a una gran bella faccia di bronzo. Bello sapere che non siamo gli unici.

[Nona Picia]

In certe situazioni si può trovare che la famiglia dei "faccia di bronzo" ha un gran numero di componenti.

[Barcolana]

Ma infati, xe evidente.

Cmq, volesi veder se ogi i voleria costruir una central nucleare (es. a caso) intorno del Nanos.

Volemo veder che vien fora "un pochetin" de proteste? (mi per primo, eh)

(Picolo OT) No stemo dimenticar che el nostro governo el sta progetando de far costruir un poche de centrali nucleari e che per 4 de queste i dirà i siti scelti entro sto anno. .........el caro Tondo pres.del FVG tempo fa, se no me sbaio, gaveva dado la disponibilità de farlo in region eh! (fine OT)

Edited July 26, 2009 by Asterix

[dido76]

(Picolo OT) No stemo dimenticar che el nostro governo el sta progetando de far costruir un poche de centrali nucleari e che per 4 de queste i dirà i siti scelti entro sto anno. .........el caro Tondo pres.del FVG tempo fa, se no me sbaio, gaveva dado la disponibilità de farlo in region eh! (fine OT)

anche menia iera favorevole......dimenticandose che una certa zona xè sismica

[Stefano79]

Cacchio! Ti te me ga fato una centrale nucleare a 100 km? Tiè mi te fazo un rigasificator! Mamma mia che reciprocità! Cusì si che va avanti el mondo! Come in quinta elementare

Ma no xe un discorso de vendetta Se tratta de buon senso. Lori a casa loro i fa quel che i vol? Me sta ben, ma allora no i pol metter la pezzetta su quel che succedi all'estero.

Krsko xe stada costruida in altri tempi, xe vero, ma ormai la xe obsoleta da almeno un decennio. Mi in linea de massima no son contrario al nucleare, ma le norme de sicrezza (come la vetustà de un impianto) no pol esser prese sotto gamba.

El rigassificator saria costruido con le tecnologie più moderne, quindi almeno come sicurezza me preoccupa sai de meno de Krsko. Poi se parlemo dell'impatto ambientale, dell'abbassamento della temperatura del mar ecc, allora qualche dubbio me vien anche a mi...

[arska]

(Picolo OT) No stemo dimenticar che el nostro governo el sta progetando de far costruir un poche de centrali nucleari e che per 4 de queste i dirà i siti scelti entro sto anno. .........el caro Tondo pres.del FVG tempo fa, se no me sbaio, gaveva dado la disponibilità de farlo in region eh! (fine OT)

anche menia iera favorevole......dimenticandose che una certa zona xè sismica

Totalmente anticostituzionale, come roba.

O un altro referendum, o no esisti che se fazi.

Sto modo de far politica palesemente sula schena del popolo sovrano (haha) sta diventando inacetabile.