la faccia tosta

[basketteam]

no savevo dove postar sta roba che voio contarve...

pomeriggio tardo, son in coda a un semaforo in centro, ovviamente pien de macchine e de... scooter!!

el semaforo fa verde e la colonna de macchine se metti in movimento, quel davanti de mi parti e mi inizio a moverme, a quel punto entra in scena el scooterista esperto de codice della strada, che arriva in tromba da sinistra e, visto che nol passa tra la macchina che precedi la mia e el marciapie ovviamente el decidi de taiarme la strada cercando de infilar la macchina davanti sulla destra. Mi, che lo gavevo za visto nel speceto, freno e ghe dago un colpo de clacson...

ta daaaaaaaaaaaaaa... Valentino Rossi de notolada se ferma, se gira e comincia a zigarme de tutto, ovviamente el semaforo dura poco e dovemo, tutti e due, fermarse de novo a spetar el verde successivo. Ovviamente el gentiluomo se affianca e continua a imprecarme contro. Tiro zo el finestrin e ghe chiedo come el riva voler gaver ancora ragion e questo inizia a farme tutto un discorso che per una robeta cusì go fatto tutta sta scena... Mi???????? No lui che ulula in mezzo alla strada, mi che me son permesso de farghe notar che el me stava taiando la strada con un colpo de clacson... No con una strombazzada che al limite anche ghe stava... un colpo vero e proprio!

Ma l'apoteosi la raggiungi dopo, quando evidentemente gavendo notà che oltre la cazzada el stava anche fazendo una discreta figura de m... el me disi... che poi el clacson in città xe anche vietà!!! ah sì, ghe fazo mi... inveze far slalom tra le macchine ferme in fila invece xe consiglià dalla stradale de tutto el mondo!!!

el ga rivà a dirme che quel se pol far... te sa cosa mulo... buona serata!

no so come che un riva a gaver tanta faccia tosta... cioè... una cazzada pol succeder, la ga fatta tutti, alza la man, chiedi scusa e esci con onor... no, lui a difender l'indifendibile...

poveri noi...

Modificato 25 Novembre 2010 da basketteam

[Starlite]

Purtropo la gente vol sempre gaver ragion co i la caga fora del bucal. Che tristeza...

[dido76]

diria che te son stado anche educato

cmq visto el tono polemico che el ga avudo...diria + un stile biaggi che rossi

Modificato 25 Novembre 2010 da dido76

[zalzi]

conto anche mi una del genere.

no so se conosè via boveto là del cimitero de barcola.

xe una via minore, ma bastanza trafficada perchè xe tre scole in zona e perchè collega viale miramar a strada del friul.per i pedoni xe praticamente impraticabile, perchè se xe costretti a caminar in mezzo alla carreggiata per via delle macchine postegiade da entrambi i lati della strada. per via de sti problemi i ga messo dei paletti per un per de metri vizin all'incrocio regolamentado de semaforo. cussì almeno se xe macchine che spetta el verde el pedon riva caminar (solo per quel tochetin però, perchè se xe sai fila, el se trova incastrà tra la fila e i auti postegiadi).

bon, un giorno speto che rivi un'amica. xe macchine in fila che speta al semaforo e proprio davanti all'accesso della fascia delimitada dai paletti xe posteggià un tipo che evidentemente speta qualchedun. bon, la mia amica riva, riva anche le persone che spetava quel altro, scatta el verde. me meto tra le macchine in fila e la macchina de sto tizio per passar sulla fascia drio i paletti e andar avanti.

el mato no se sposta, perchè lui speta de andar fora. ghe domando: ma la me fa pasar? (bastava andar mezzo metro in retro). no el se sposta. che digo complimenti per el posteggio, eh, e lù: torno anche doman, se te vol sa. ecola qua, la xe rivada ela, ciò. te se gratavi la patata fin deso."

da notare che ierimo in due con quattro fioi: due in passegin e due a pie.

in sti casi me dispiasi sai de no esser el tipo con la battuda pronta.

[El Capitano]

Mah.

Mi per lavor giro tanto con la macchina, me curo più de 1000 km al mese solo in centro.

E devo dir che nei ultimi anni la gente xe fora con la testa, sarà la crisi, sarà l'euro, sara fergusson , ma girar per città xe diventà una jungla.

Xe mezza città in seconda fila, xe casin dapertutto, più de qualche scooterista fa manovre assurde, insomma se te ga la giornata un poco storta te pol far baruffa con almeno una decina de "piloti".

Ieri, se ga incastrà due autobus in via mazzini all'altezza de corner, passo mi, passa ti, passemo tutte due .... e causa lavori in corso in via mazzini i se ga incastrà ... un spettacolo !! tutti i altri autobus che rivava drio i se ga messo in colonna, morale ... bloccade via filzi e via roma per più de venti minuti. Un casin. Xe rivai 4 controllori che ga rivà a sbrogliar la situazion fazendo deviar le corse dei bus ...

Comunque mi fazo via damiano chiesa almeno 4 volte al giorno, e causa la strada stretta e le macchine posteggiade, ogni giorno, credeme, ogni giorno xe qualche dun che tira longhi con un'altro, per no parlar de via san cilino la della paninoteca stella d'ora ... se volè divertirve ve mettè la e aspettè, prima o dopo qualchedun se manderà in m**a perchè no ghe da la precedenza ...

Poveri noi ...

[Stefano79]

@basketteam

Mulo, co succedi ste robe rimpiango de no aver un de questi

Se un scooter fa una roba del genere te senti pena pena un "crick". "Ops...son montà su qualcosa? No go visto."

:D

Modificato 25 Novembre 2010 da Stefano79

[arska]

La gente guida sempre pezo, convintissssimi de eser nel giusto :-S

Pei motorini, nel specifico, bastasi che la polizia quando che vedi motorini che fa slalom/guida pericolosa/etc, e se ghe ne vedo mi almeno un ogni 5/10min no vedo perchè lori no, e i ghe cazi una multa de quele serie con tanto de ramanzina.

Certo, ghe vol impizar le luci, etc.. però farghe ciapar spago me par che xe l'unica, prima che certi fenomeni fazi danni a lori e ai altri.

.. discorso simile per i auti postegiai in seconda.. no ga de esister "un minutin". Te son in seconda = multa.. basta pasar avanti e indrio per v. fabio severo e te impinisi blocheti intieri.

Perchè no xe cusì, e i preferisi far "retate" fora dele scole e autovelox in posti con limiti "dubbi"? No go mai capì.

[SandroWeb]

La faccia tosta della gente la noto quando la gente se posteggia davanti al mio garage: l'altra sera torno a casa dal lavor e trovo un MONA che se ga posteggiado ben che mai DAVANTI al passo carrabile...el gaveva tutto el spazio per metterse più sotto, e invece no!

Morale della favola: go dovudo spostar quanto basta 'sto kurc de motorin e ghe go svodado una bottiglia de acqua de spina direttamente sul sellin cussì, appena el sarà tornado, se gavarà fatto el bidet direttamente in strada

[zalzi]

Perchè no xe cusì, e i preferisi far "retate" fora dele scole e autovelox in posti con limiti "dubbi"? No go mai capì.

mi nianche.

in viale miramar i xe sempre col autovelox, ma mai ghe gabio visto una multa sulle macchine postegiade in via boveto (che sarà a 30m de distanza dela solita postazion del autovelox).

a una mia vicina de casa che la ga ciamà per lamentarse, i vigili che ga risposto: signora , bisogna gaver pazienza.

boh...