SandroWeb Inviato 26 Febbraio 2010 Segnala Inviato 26 Febbraio 2010 Visto che nelle ultime settimane (e son stà testimone anche mi) xe successi parecchi incidenti in supestrada, la polizia municipale ga istituido un servizio de safety-car per far rispettar i limiti de velocità agli automobilisti. A mio avviso, oltre alla gente che sfreccia a 100 e passa all'ora, el vero problema xe l'asfalto schifoso in molti tratti della carreggiata...mi la fazo quotidianamente e posso dir che, in prossimità de alcuni giunti, xe busi paurosi per strada. Passi per un'autovettura, ma se gavessi una moto saria tentado de far un percorso alternativo per no zercar rogne. Cita
dido76 Inviato 26 Febbraio 2010 Segnala Inviato 26 Febbraio 2010 xè quel che i doveria far anche in autostrada...ma + che safetycar per mi bastasi za che ghe sia 1pattuglia per senso de marcia che gira avanti e indrio per tuto el turno... la gente se dasi una regolada probabilmente altro pensier: ogni tanto un due controli in tele galerie nove no saria mal: el limite xè 80 (pol eser asurdo opur no) ma pochi lo rispeta (mi son tra quei)...e spesso xè gente che passa quasi al doppio. Cita
arska Inviato 26 Febbraio 2010 Segnala Inviato 26 Febbraio 2010 i limiti ridicoli de 60 messi là pur de sparagnar e no tapar i busi, o i limiti de 80 in una galleria dove a 150 te son ipersicuro.. xe i classici rimedi pezo del danno. funziona cussì 1) limite assurdo, quindi se li comincia a considerar no come dei limiti detai da logica o sicureza, ma "relativi" 2) se vedi che dove xe un limite a 80 xe sicurissimo andar a 120, e via 3) dopo un poco, xe un altro limite, sto giro a 60 4) un pensa: bon, qua forsi a 100 rivo a andar 5) qua inveze i busi xe per bon 6) schianto Per mi sui schianti in superstrada (a meno che no parlemo de velocità veramente ufo), la colpa xe 50% guidator, 50% chi fa manutenzion e decidi limiti-barzeleta. Cita
dido76 Inviato 26 Febbraio 2010 Segnala Inviato 26 Febbraio 2010 (modificato) @arlon: x quanto pol eser asurdo el limite de 80 in tele galerie nove, no vedo xkè no sia de rispetarlo e quindi de farlo rispetar. par che sia più furbi quei che te svernicia a 100-130-150 in galeria, camion inclusi (no a 150),che chi rispeta el limite... Modificato 26 Febbraio 2010 da dido76 Cita
arska Inviato 26 Febbraio 2010 Segnala Inviato 26 Febbraio 2010 In qualsiasi paese che son stado, anche el più civile, se i limiti xe inutili nissun li calcola. Vizin Leverkusen in un stradon i ga deciso de passar dai 80 ai 50. Risultato? Tuti a 80 come prima, in perfeta sicurezza. Vizin Mikkeli (region del laghi in finlandia), stradon drito come un fuso, corsie larghe e poco traffico. Limite 70. Anche i camion andava almeno a 100, in total sicureza. Se però i limiti fatti col cul xe aplicai su larga scala (v. Trieste e dintorni), te ga due risultati: – le multe xe sfiga, e no più ligade ala sicurezza nel guidar – se perdi fiducia nei controllori, che par che ghe interessi solo far cassa e lavarse le man – anarchia La soluzion? 1. meter limiti decenti e 'giustar i crateri 2. DOPO, farli rispetar ala lettera. W. Churchill (che qualche monada ga fato, ma mona no credo che el iera): " Se due persone fumano sotto il cartello Divieto di fumare gli fai la multa; se venti persone fumano sotto il cartello Divieto di fumare chiedi loro di spostarsi; se duecento persone fumano sotto il cartello Divieto di fumare togli il cartello." Se pensemo (speremo) de eser ancora in democrazia, cussì ga de funzionar. E, sì, me spiasi ma chi rispetta una legge pur considerandola ingiusta solo per paura de le conseguenze (= benvignui ne la dittatura, se sto concetto se aplica in tuti i ambiti) xe meno sgaio de chi no la rispeta cosciente dei risci – e sena far danni, perchè meter le robe costantemente in discussion xe una prerogativa de qualsiasi sistema legislativo partecipativo. (questo no vol dir che i mone che zuca perchè xe figo, fa garini, e se scinca no sia, apunto, mone, eh. Ma xe 2 fenomeni ben diversi.) Cita
Starlite Inviato 26 Febbraio 2010 Segnala Inviato 26 Febbraio 2010 W. Churchill (che qualche monada ga fato, ma mona no credo che el iera):" Se due persone fumano sotto il cartello Divieto di fumare gli fai la multa; se venti persone fumano sotto il cartello Divieto di fumare chiedi loro di spostarsi; se duecento persone fumano sotto il cartello Divieto di fumare togli il cartello." Se pensemo (speremo) de eser ancora in democrazia, cussì ga de funzionar. Questa no me par democrazia sinceramente Go un concetto diverso de democrazia. Per quanto riguarda i limiti de velocità: nele galerie nove son d'acordo che 80 xe un poco troppo basso e i podesi portar a 100 ma no de più. Le gallerie "Carso" fa parte del RA13 Raccordo Autostradale Sistiana-Cattinara e proprio all'uscita della galleria (venindo verso Trieste) xe el svincolo de Cattinara (la corsia de decelarazion inizia in galleria e in curva) e la finisi anche el raccordo e inizia la SS202 (ex GVT) che ga limite de 80 (xe solo 2 corsie senza emergenza, no xe una autostrada ma una extraurbana principale). Pertanto presumo che i gabi deciso de meter tuto 80 per evitar de meter un limite che inizia in galleria che finisi con una curva. Per quanto riguarda el limite de 70 che xe nel tratto più cittadino della ex GVT no me par esageratamente basso perché, in fondo, xe parecchie curve che limita la visibilità e no xe corsie de emergenza. Se un resta in panne occupa la corsia de marcia e in un tratto de curva a destra no xe el massimo che un possi rivar a 90-100 "legalmente". Cita
arska Inviato 26 Febbraio 2010 Segnala Inviato 26 Febbraio 2010 100 in galeria saria ok, 70 in superstrada va ben in certi tochi (ferriera e dintorni), ma sicuro no dal raccordo de muia (anche là una galleria a 80, e no xe curve = 110 saria el minimo) fin a cattinara, dove vignindo zo, pur de no tapar i busi, i ga meso un limite de 60. Che tipo in bici per la statal vado zo più svelto Per no parlar de altre perle! Vignindo zo dal bivio a H per l'università.. là dove xe el incrocio per san giovanni i ga meso TRENTA. Nisun, nianche el veceto più perso, xe mai andado e mai andarà a 30. Te ga un incrocio pericoloso? Migliora la segnaletica del incrocio, intanto. Slarga de 1m la strada, se xe bisogno. Meti un sensor che averti quando xe auti in mezo (fotocellula, no ghe vol niente), ma no come prima roba (per dir "noi semo a posto") meter un limite ridicolo e molar tuto là. -- Cmq, Starlite.. se democrazia no xe partecipazion e maggioranza nele scelte, cossa xe? Che altro "concetto de democrazia" pol esister? buh. Se un limite xe X e tuti va a 2X, forsi che almeno meterlo a 1.5X saria "democratico". O no? Cita
Ikeya Inviato 26 Febbraio 2010 Segnala Inviato 26 Febbraio 2010 (modificato) mi fazo sempre cussì: superstrada tratto Ferriera - bivio per Muja 80-90 km/h viadotto del bivio per Muja: 70 km/h tratto gallerie Muja - corsia de immission da quei che riva de Muja: 100 km/h tratto da corsia de immission de quei che riva de Muja - confin: a scalare da 70-80 km/h fin a rivar ai 50 no son mai morto, no go mai fatto tiri, no me son mai girà nianca col diluvio, no go mai ris'cià de mazar nissun e go una Fiat 600 le gallerie de Cattinara xè bastanza una vergogna, se pensé che sul raccordo autostradale l'uscita de Fernetti xè molto più pericolosa e el limite xè 110 (o 130, no go mai scoperto) comunque l'unica roba intelligente, secondo mi, saria metter i tutor Modificato 26 Febbraio 2010 da Ikeya Cita
Stefano79 Inviato 26 Febbraio 2010 Segnala Inviato 26 Febbraio 2010 E, sì, me spiasi ma chi rispetta una legge pur considerandola ingiusta solo per paura de le conseguenze (= benvignui ne la dittatura, se sto concetto se aplica in tuti i ambiti) xe meno sgaio de chi no la rispeta cosciente dei risci – e sena far danni, perchè meter le robe costantemente in discussion xe una prerogativa de qualsiasi sistema legislativo partecipativo.(questo no vol dir che i mone che zuca perchè xe figo, fa garini, e se scinca no sia, apunto, mone, eh. Ma xe 2 fenomeni ben diversi.) Ocio però che generalizzar sto concetto xe sai pericoloso eh. Xe el modo migliore per giustificar qualsiasi azion. L'inizio dell'anarchia del tuo esempio de prima Cita
basketteam Inviato 26 Febbraio 2010 Segnala Inviato 26 Febbraio 2010 in galleria el limite a 80 xe un poco bassino... se i metesi 100 saria el suo... quel che xe fora de ogni regola xe el limite a 60 nel toco che va da Cattinara alla Grandi Motori... l'asfalto xe in condizioni pessime e inveze che metterlo in ordine i metti limiti assurdi per lavarse le man in caso che qualchedun se fazi mal... vergognoso in salita el limite xe a 80 no vedo perché no pol esser così anche in discesa... e digo 80 che me par cmq strettin per venir zo de là visto che la fazo ogni giorno e so a quanto che se pol venir zo... (mi ovviamente la fazo tutta a 60 ma so lo stesso... ) poi el discorso della mancata manutenzione xe come tra Sgonico e Fernetti... xe anni che xe busi che sembra un percorso de fuoristrada piuttosto che un'autostrada... ghe ga volù più de 1 anno dopo un paio de mie mail (e chissà de quanti altri ancora) per metter a posto un tochetin... resta ancora un grosso tratto da far... volemo scommetter che tra un poco salterà fora un fantomatico limite a 90??? W l'Italia Cita
Starlite Inviato 27 Febbraio 2010 Segnala Inviato 27 Febbraio 2010 poi el discorso della mancata manutenzione xe come tra Sgonico e Fernetti... xe anni che xe busi che sembra un percorso de fuoristrada piuttosto che un'autostrada... ghe ga volù più de 1 anno dopo un paio de mie mail (e chissà de quanti altri ancora) per metter a posto un tochetin... resta ancora un grosso tratto da far... volemo scommetter che tra un poco salterà fora un fantomatico limite a 90??? No, xe appena sparido Iera un limite 60 in la della confluenza da Fernetti. Quel limite xe sparido con i lavori de asfaltatura in quel tratto. Poco più avanti xe anche un giunto de sistemar Cita
arska Inviato 27 Febbraio 2010 Segnala Inviato 27 Febbraio 2010 E, sì, me spiasi ma chi rispetta una legge pur considerandola ingiusta solo per paura de le conseguenze (= benvignui ne la dittatura, se sto concetto se aplica in tuti i ambiti) xe meno sgaio de chi no la rispeta cosciente dei risci – e sena far danni, perchè meter le robe costantemente in discussion xe una prerogativa de qualsiasi sistema legislativo partecipativo.(questo no vol dir che i mone che zuca perchè xe figo, fa garini, e se scinca no sia, apunto, mone, eh. Ma xe 2 fenomeni ben diversi.) Ocio però che generalizzar sto concetto xe sai pericoloso eh. Xe el modo migliore per giustificar qualsiasi azion. L'inizio dell'anarchia del tuo esempio de prima sotolineo la parte importante dela mia frase "senza far danni". Come te fa danni – de qualsiasi tipo – oviamente el torto xe tuo. Cita
dido76 Inviato 27 Febbraio 2010 Segnala Inviato 27 Febbraio 2010 E, sì, me spiasi ma chi rispetta una legge pur considerandola ingiusta solo per paura de le conseguenze (= benvignui ne la dittatura, se sto concetto se aplica in tuti i ambiti) xe meno sgaio de chi no la rispeta cosciente dei risci – e sena far danni, perchè meter le robe costantemente in discussion xe una prerogativa de qualsiasi sistema legislativo partecipativo.(questo no vol dir che i mone che zuca perchè xe figo, fa garini, e se scinca no sia, apunto, mone, eh. Ma xe 2 fenomeni ben diversi.) ma anche no...e quando capita che se supera i limiti no se meti in discusion el sistema, ma el portafogli, i eventuali punti...ah za...magari anche la vita dei altri. tuto fato con coscienza eh... reputo meno sgaio un che in galeria me riva a 130-150 xkè quel limite lo considera asurdo e me taca lampar a mi che son nel giusto sà... camion compresi...xkè generalizemo pur...ma o te fa qualcosa che val x tuti no tanti saluti la ditatura quà no c'entra niente...le regole esisti in qualsiasi stato me par. mi te parlo dela mia esperienza: go girado in camper un bel toco dela normandia (e dela francia x rivarghe su)...i limiti là nisun li superava...tuti tranquili, no go ricordi de gente che lampegiava xkè gaveva furia, pensa,adiritura i camion te segnalava quando rientrar davanti de lori...rispetava i limiti anche i 'taliani. ma pena rientradi in italia te asicuro che la diferenza xè stada immediata...ognidun fazeva quel che voleva. su quasi 4mila km che go fato fora go visto 2volte la polizia (xò ierimo praticamente in centro de parigi) epur tuti a rispetar sti limiti...boh mentalità diversa...qua te sa che tanto te la fa sempre franca: questa xè la realtà. altro che meter in discusion el sistema dai e scuseme l'ot Cita
babatriestina Inviato 27 Febbraio 2010 Segnala Inviato 27 Febbraio 2010 poderemo discuter se zerti limiti ( i cartei a 30..) sia giusti e applicabili, ma i 80 in superstrada a mi me par perfettamente tollerabili. No xe un'autostrada el el viz xe de andar fluidi, senza semafori e senza i 50 km/h dele strade urbane. E volemo calcolar quanti minuti che se guadagna percorrendo 2 o 3 km a 100-120 inveze che a 80? po resta el principio assai discutibile de chi che disi" le leggi xe, ma mi son più intelligente de lore e so regolarme , tanto mi no me scinco". Dopo che no i se lamenti del illegalità.. E d'altro canto, xe vero che a volte i cartei non vol dir esattamente va a no più de sta velocità, ma " mi te averto che qua xe de andar pian, se te va più svelto de quel che xe scritto e te nassi qualcossa, colpa tua, mi te gavevo avertido!" per el esempio de Churchill sul fumo, savemo benissimo che el iera fumador de sigari, ma se applicassimo quela sua concezion dela democrazia, fussimo tuti afumigai dei fumadori; e no volessi ricordar i vari plebisciti a favor dei dittatori.. Cita
Starlite Inviato 27 Febbraio 2010 Segnala Inviato 27 Febbraio 2010 L'esempio de Churchill me par anche a mi bastanza discutibile Ripeto che no xe quela democrazia, IMHO. Certe robe no pol e no devi deciderle la gente a maggioranza per votazion o per consuetudine. Co parlemo de limiti de velocità o xe de tenir conto de fatti tecnici anche che la gente no ga la minima alba de cos che sia. Come co se parla de altri argomenti per cui ghe vol che sia gente competente in materia a decider. Sarà sicuramente discutibili certe scelte de limiti de velocità (anche in prossimità dell'ospedal de Cattinara xe tutta la strada con limite 30 ma chi lo ga mai rispettado?) quando queste xe dettade da azioni che somiglia a taconi che xe pezo dei busi che i va a coverzer, ma no se pol meter meter el limite de 100 perché tuti va tranquilli a 100 anche se xe indicà un limite de 50... Cita
Ikeya Inviato 27 Febbraio 2010 Segnala Inviato 27 Febbraio 2010 mi te parlo dela mia esperienza: go girado in camper un bel toco dela normandia (e dela francia x rivarghe su)...i limiti là nisun li superava...tuti tranquili, no go ricordi de gente che lampegiava xkè gaveva furia, pensa,adiritura i camion te segnalava quando rientrar davanti de lori...rispetava i limiti anche i 'taliani. anche sulla statale che va da Kozina verso Obrov e el confin croato go becà più volte camionisti sloveni/croati che i te metteva la freccia a destra per segnalarte che te podevi superarli... ovviamente in Italia non lo fa nissun Cita
arska Inviato 27 Febbraio 2010 Segnala Inviato 27 Febbraio 2010 (modificato) mentalità diversa...qua te sa che tanto te la fa sempre franca: questa xè la realtà. altro che meter in discusion el sistema dai Mentalità sicuro.. ma no xe vero che se la fa sempre franca in italia – specialmente al nord e nele città, le multe xe una quantità incredibile de soldi in movimento, e sopratuto a trieste con la concentrazion de polizia che xe. Credo che el problema stia da un altra parte, più precisamente ne la mancante fiducia del citadin ne le istituzioni .. la quale xe una conseguenza logica dele politiche decise in alto sul argomento, e no solo. Modificato 27 Febbraio 2010 da arlon Cita
arska Inviato 27 Febbraio 2010 Segnala Inviato 27 Febbraio 2010 No xe un'autostrada el el viz xe de andar fluidi, senza semafori e senza i 50 km/h dele strade urbane. Se proprio volemo, saria anche de andar più svelti dei 90 de le statali piene de curve e a una corsia.. L'esempio de Churchill me par anche a mi bastanza discutibile Ripeto che no xe quela democrazia, IMHO. Certe robe no pol e no devi deciderle la gente a maggioranza per votazion o per consuetudine. Co parlemo de limiti de velocità o xe de tenir conto de fatti tecnici anche che la gente no ga la minima alba de cos che sia. Come co se parla de altri argomenti per cui ghe vol che sia gente competente in materia a decider. Mi son d'acordo con questo, ma la democrazia xe la decision del popolo, no dei tecnici o de capi de turno. O una roba, o l'altra, o magari un mix che fazi contenti tuti, basta deciderse. Nisun disi che le democrazie odierne sia in assoluto el modo perfetto de governar (anzi..), ma questo no ghe pol alterar i princìpi. per es: la legge sul fumo se ga podudo far perchè ala fine la larga magioranza de le persone iera d'acordo, anche tanti che fuma. (no xe sempre cussì, ma el mecanismo democratico xe questo, ah. Come insegna Svizzera e Estonia, pol anche funzionar..) Sarà sicuramente discutibili certe scelte de limiti de velocità (anche in prossimità dell'ospedal de Cattinara xe tutta la strada con limite 30 ma chi lo ga mai rispettado?) quando queste xe dettade da azioni che somiglia a taconi che xe pezo dei busi che i va a coverzer, ma no se pol meter meter el limite de 100 perché tuti va tranquilli a 100 anche se xe indicà un limite de 50... E (almeno idealmente) dove sta la diferenza tra i due? I limiti soto el 50 no val niente, quei sora sì? e chi ga deciso? A livel percettivo, o se ga rispetto dei limiti imposti, o no se lo ga.. no credo che esisti vie de mezo. Me spiego: o te li vedi come "divieti" o come "simpatici consigli". Oviamente questo parti da quando che i limiti vien pensadi, per solo dopo rifleterse su cultura/lassismo/personalità/etc.. Cita
bronza coverta Inviato 27 Febbraio 2010 Segnala Inviato 27 Febbraio 2010 ...ma se i metti la safety-car, a noi "piloti" i ne dà anche quelle belle signorine con le ombrele colorate????? Perchè alora son FAVOREVOLISSIMO............ Cita
lucius Inviato 1 Marzo 2010 Segnala Inviato 1 Marzo 2010 e metter i ometti con le bandiere anche. par mi i limiti li devi decider dei tecnici, ma cambiar tecnici prima de cambiar i limiti. ala fine tuta aria fritta quando go soto el cul un bolide che me fa i 250km. solito scaricabaril: colpa del asfalto vecio e poca manutenzion o colpa dei fumi dela feriera ?colpa de nisun alora, scioccarse per credere. se qualchidun se iscrito a facebook, el picolo disi che i ga' forma' un gruppo : "Incidenti sulla viabilita'sopraelevata saponetta" Democrazia 2.0 Cita
Starlite Inviato 6 Marzo 2010 Segnala Inviato 6 Marzo 2010 Dal Piccolo de oggi: IL CASO Superstrada, chiesti 100mila euro all’Anas Il neocostituito comitato di automobilisti li vuole per i danni subiti dalle loro vetture Il manto stradale scivoloso Un gruppo de automobilisti coinvolti nei incidenti ga presentado all'ANAS richieste de risarcimento individuali per i danni subidi. Vederemo come va avanti. L'articolo inoltre disi che el giornalista ga percorso el tratto rispettando el limite de 70 e iera sorpassado da tutti, anche da un mezzo pesante. Cita
666 Inviato 6 Marzo 2010 Segnala Inviato 6 Marzo 2010 Dal Piccolo de oggi:L'articolo inoltre disi che el giornalista ga percorso el tratto rispettando el limite de 70 e iera sorpassado da tutti, anche da un mezzo pesante. ara da non creder....el piccolo ga scritto una roba vera.... A parte i scherzi ,secondo mi ,se l'asfalto saria cussi scivoloso come i disi i tipi che se ga tirado altro che do tiri al giorno(quando piovi ) ghe saria. Cita
Ikeya Inviato 8 Marzo 2010 Segnala Inviato 8 Marzo 2010 (modificato) podessimo metter un lanciamissili con testata termonucleare da 750kg... per sicurezza, anche se el limite xè 70, podessimo farlo partir quando un va za sui 65, che no se sa mai... tanto se el ga de mazarse, almeno salvemo i guard rail oppur i podessi tapezzar la strada coi feltrini Modificato 8 Marzo 2010 da Ikeya Cita
arska Inviato 8 Marzo 2010 Segnala Inviato 8 Marzo 2010 podessimo metter un lanciamissili con testata termonucleare da 750kg... per sicurezza, anche se el limite xè 70, podessimo farlo partir quando un va za sui 65, che no se sa mai...tanto se el ga de mazarse, almeno salvemo i guard rail oppur i podessi tapezzar la strada coi feltrini Cita
Messaggi raccomandati
Partecipa alla conversazione
Puoi pubblicare ora e registrarti più tardi. Se hai un account, accedi ora per pubblicarlo con il tuo account.