Elezioni Politiche e Amministrative: come se vota.

[Gianburrasca]

Posto questo su autorizazion del Sandroweb, sperando de dar una informazion utile per votar in modo giusto (senza che per via de un eror banale vegni anulada la scheda) e per poder sfrutar tute le possibilità oferte dal mecanismo eletorale.

Se gaverà 5 schede (4 per chi non gà almeno 25 ani, età minima per votar per el Senato).

Le schede sarà queste che scrivo qua soto.

Voto per el Senato (scheda giala). Qua se meti solo una X sul simbolo del partito prescelto. No scriver gnente altro, se no i anula.

Voto per la Camera (scheda rosa). Stessa roba, solo una X sul simbolo del partito prescelto. No scriver gnente altro, se no i anula.

Voto per la Provincia (scheda celeste). Solo una X sul simbolo, el nome del candidato del colegio corispondente alla zone dove xe el segio xe zà scrito sula scheda. No scriver gnente altro, se no i anula. El voto ghe va automaticamente anca al candidato presidente colegado a quela lista.

Voto per el Comùn (scheda verde). Qua se meti una X sul simbolo e se pol scriver vizin el cognome de un candidato al Consiglio Comunal presente nell'elenco de 40 candidati per el simbolo per cui se ga votado. El voto ghe va automaticamente anca al candidato sindaco colegado a quela lista.

Voto per la Circoscriziòn (scheda grigia). Anche qua se meti una X sul simbolo e se pol scriver vizin el cognome de un candidato al Consiglio Circoscrizional presente nell'elenco de 20 candidati (o 12 per l'altopiano) per el simbolo per cui se ga votado.

Voto disgiunto. Per el Comun se pol far el voto disgiunto, che vol dir votar per una lista - e eventualmente per el candidato Consiglier Comunal de quela lista scrivendo el suo cognome - e per un candidato sindaco che no xe colegado alla stessa lista.

In pratica se meti una X sul simbolo, se scrivi el cognome del candidato al Consiglio Comunàl e dopo se meti una X sul nome del candidato sindaco che xe stampado vizin ai simboli "concorenti".

Spero sia bastanza ciaro, a disposiziòn per eventuali delucidazioni.

[SandroWeb]

Grazie Gianburrasca per le precisazioni elettorali

[Starlite]

El voto disgiunto no se pol far anche per la Provincia?

[Gianburrasca]

No, per la Provincia el voto disgiunto no xe ammesso.

[Starlite]

acc... allora xe sbaia' el volantin della Region che me xe riva' a casa

[Gianburrasca]

Gò sbagliado mi, xe ammesso el voto disgiunto anca per la Provincia... El sito dell'UPI (Unione Province Italiane) disi de no, ma se vedi che nele regioni a Statuto Speciale se pol...

Perciò, per la Provincia el voto disgiunto funziona come per el Comùn, con la diferenza che non se scrivi el nome del candidato al Consiglio Provinciale perché el xe zà stampado.

Xe bastanza casìn, in efeti... :-)

[Starlite]

L'importante xe capir come far per far giusto

[Maurizio72Ts]

Grazie Giamburrasca

queste xe notizie utili anca per quei che (come el sotoscrito) se prepara per far de scrutator ai seggi.

[Tonio]

Grazie Giamburrasca

queste xe notizie utili anca per quei che (come el sotoscrito) se prepara per far de scrutator ai seggi.

quoto!!

[Stefano79]

Grazie Proprio oggi chiedevo informazioni in merito

[manu68]

grazie!

almeno adeso xe piu' ciare le robe,e saria pecà che i me anuli la scheda per un eror!

[cucciolina]

Grazie mille

Anche se go paura che in molti se sbaierà. Sto metodo de voto xe un poco un casin soprattutto per i anziani

[arska]

grazie, sai utile

[settoreemme]

Gò sbagliado mi, xe ammesso el voto disgiunto anca per la Provincia... El sito dell'UPI (Unione Province Italiane) disi de no, ma se vedi che nele regioni a Statuto Speciale se pol...

Perciò, per la Provincia el voto disgiunto funziona come per el Comùn, con la diferenza che non se scrivi el nome del candidato al Consiglio Provinciale perché el xe zà stampado.

Xe bastanza casìn, in efeti... :-)

No me par sai casin. Xe vero che mi no voto pel Comun, ma gavevo deciso za de mesi de votar disgiuntamente. Del resto, me par che la legge elettorale per la Provincia sia la stessa delle elezioni precedenti.

[diego]

X Cucciolina, grazie per l'anzian

[Ghost]

Bravo gian.