[macro] o quasi pulsatilla

[babatriestina]

ve fazzo veder cossa che se ariva a far anche con una bona compattina; ieri sotto el Concusso iera pien de pulsatille: la prima foto me piasi de più per el ben sfocado del fondo:

però ghe xe un cantonzin de fior a sinistra che andassi cavado, o taiando o per no spostar la foto, clonando. Ma po me domando se i puntini bianchi sui petali xe pixel impazzidi o veramente iera cussi? ( tegnì conto che le go rimpiciolide con ACDsee)

po xe el vicin, coverto de rugiada, o la piova de domenica

e una ultima forsi più confusa ma me piaseva el motivo de sti fiori mezi verti e mezi serai cola pelosità

( ve confesserò: mi me piasi sopratutto documentar i fiori, più che la foto bela per se stessa, però el lavor me piasi farlo ben)

[tuxav]

EHila

bele foto!!

veramente.... ! speso se va a far do pasi in giro e no se varda ingiro senza verdar pertera dove se pol trovar ste robe!!!

[babatriestina]

veramente.... ! speso se va a far do pasi in giro e no se varda ingiro senza verdar per tera dove se pol trovar ste robe!!!

efetivamente, le foto, e sopratutto le macro, permetti de fissar el momento e de rimeditar sora de quel che se vedi, costringi a vardarse ben in giro, a concentrarse sui particolari.. e i zoghetti de messa a fogo fa rifletter sul essenzial e el superfluo.

[trert]

molto belle!!!

mi me piasi sai la seconda.. la prima la ga quel petalo de sora moscio che coverzi tropo el gialo..

che pixel bianchi?? mi no vedo niente de strano!

[Stefano79]

Niente male

[babatriestina]

anche a mi me fa strano el petalo moscio, però.. essendo un poco sfocado, el dovessi dar un senso de profondità.

I puntini bianchi xe nei petali , disemo verso sudest e e sudovest, forsi iera polvere sul obiettivo, ma po go vardado e no me par...

[rix]

Sai bele...anca a mi me piasi molto la seconda..

[polpetta]

allora... comincio col dir.. che xe belle

giusta messa a fuoco e bei particolari

per la prima ghe dassi un taglio verticale...

la seconda me piasi un casin le ioze de acqua!!

la terza me saria cercada de cuciar un poco per non ciapar la pianta troppo de trequarti perche tendi ad appiattir el tutto..

[babatriestina]

giusta messa a fuoco e bei particolari

per la prima ghe dassi un taglio verticale...

la terza me saria cercada de cuciar un poco per non ciapar la pianta troppo de trequarti perche tendi ad appiattir el tutto..

per la messa a fuoco, grazie ala machinetta: semiautomatica, impostada su supermacro e autofocus, e sperar che la meti a fogo giusto

per la verticale, go provado a taiar, ma no go taiado tropo de lato che se no el fior me par che incombi, te vol provar ti?

per cuciarse, magari, iero in gita in gruppo e i altri coreva avanti, no un che se fermava a fotografar fiori (al massimo qualchedun svicolava per cior un per de sparisei.. ), de grazia cuciarse un momento e via..

Comunque la prima me la go messa come desktop sti giorni

[polpetta]

go taia giusto un ninin de piu de ti

come te par?

per el resto..go capi.. no xe problemi..

magari co te gavara piu tempo da dedicarghe alle foto te ghe fara piu caso

ciao ciao