Berlin

[arska]

Olè olè, dopo mesi nei quali spetavo de pasar le foto per PS (magari solo per i livei..), finalmente le mie 4000 foto de Berlin xe qua me scuso per certe, fatte da pullman/tram...quindi imprecise, con riflessi, ecc.

Iera genaio, iera la neve... comincemo. Ordine sparsissimo

la nova stazion central, 15 anni per costruirla. Da notar el numero de piani/livei, e che sora ghe saria un altro livel de binari (!)

sta qua xe Potsdam (fora Berlin, 200mila abitanti).. me piaseva el mix incredibile "temporale" che xe dentro, dal veceto, ale publicità sechsi, ala architetura (inscartozada)

quartier (ma varda ti!) francese, oviamente zona ovest

la Kaufhaus des Westens (negozio de quei del ovest), messo a 2m dal muro per invoiar quei del Est.

la porta de brandeburgo

muro 1: verso l'ovest..

muro + monumento (el toco de metallo): frizzi e lazzi

muro 3: verso l'est

muro 4: ombre

Xe de dir che, onestamente, el berliner mauer no me ga fato tuta sta impresion (a parte el fato che la magior parte xe giustamente sparida in 2 giorni).. sarà che in zone de confin come le nostre, semo bastanza abituai a muri imposti, virtuali o meno.

cmq, per deso basta

prosimamente:

- berlin est (stranamente esotica)

- monumento al olocausto (iero là el giorno dela memoria)

- varie e eventuali

Modificato 22 Marzo 2007 da arlon

[arska]

me spiasi per quele del muro :-S xe impazzido imageshack, me le rimeti in orizontal (?) vedo se rivo a risolver, buh..

[Stefano79]

Belle

Me ga impressionà la prima della stazion, ma xe una specie de centro commerciale sotto terra?

[arska]

nono, xe la stazion.. 2 piani sototera + circa 5 sora. Qualche negozio xe, ma soto te ga i treni in una direzion (femo nord-sud), sora sopraelevada te ga la stazion coi treni est-ovest.. veramente impresionante.

[tinuviel]

oh là! Finalmente le foto promesse

Go sempre sentì parlar ben de Berlin, me ispira sto mix vecisimo-vecio-novo-novissimo

[Stefano79]

Anche mi me ispira. Te ga fatto qualche foto del centro?

[Giada]

Giusto ben che in sti giorni me stago vardando in giro perchè forse in giugno vado una settimana a Berlin per una fiera :-)

Stago zercando hotel dignitoso ed economico... qualchedun ga qualche dritta? Cmq belle foto davvero! Impressionante la stazion!!!

[arska]

mi iero in sto ostel http://www.aletto.de/italiano/01.htm che no ga niente de invidiarghe a un albergo, anche per le camere, xe tante dopie o singole...

----

Cmq Stefano, Berlin xe strana, e enorme.

No ga un centro, come lo intendemo noi, ghe ne ga un 3/4 sparsi in giro..sostanzialmente ga "zone".. cmq la pta de Brandeburgo xe zona "centrale" (est).. e anca el KdW xe nel "centro" (del ovest).. idem Franz. Straße.

Magari no par centro, perchè xe tuto sai sai monumentale..

[arska]

Giada: dimenticavo, mi iero nel "aletto" de Tempelhofer Ufer. Tuto novo, semplice ma decisamente ottimo pel prezo. Per i mii standard, dignitoso

[arska]

Curiosità da Potsdam.

Qua iera el parco real dei prussiani.. no lontan, xe la famosa villa "Sans Souci", dove i riceveva i altri sovrani.

Nel parco, comunque, questi ga deciso de portarse piera per piera una piramide dal Egitto :-S, e la xe là in tel parco, a far la sua porca figura..

[arska]

Alora, son capitado el giorno dela Memoria (27 de gennaio) proprio nel monumento (piutosto novo) dedicado ale vitime del olocausto.

Me ga stupido no trovar mega manifestazioni (tipo de noi in risiera), ma gente sparsa qua e là. Cmq, me zo giogà a far qualche foto a sto monumento atipico e "paesagistico", ma che rendi ben l'idea de tristeza e morte.

visual dal centro del monumento

la cità "lustra" sul sfondo

una cornacchia che se zogava a saltar da blocco in blocco.. disacrante, ma fazeva atmosfera.

ultima

pel momento questo xe quanto. Altro, riverà.

Comenti, critiche, babezi? son in tIepida attesa

[tuxav]

me scuso del ritardo

me piasi sai la foto de Postdam, me piasi el monumento sul sfondo e la quasi silhouete dei tipi che speta el tram.. sai bela come composizion! Me piasi tanto anche quela dela Franzoesiche Str. .. ottima prospettiva!

Tra quele dei monumenti del olocausto me piasi sai l'utlima...

Berlin devi eser sai una bela cita che me piasesi proprio visitar... spero che un giorno posi suceder!

Spetemo le altre mulo! :D :D

[trert]

l'ultima xe molto bella!! con la persona che varda..

la cità lustra sul sfondo no me piasi xke la xe inclinada.. pecà! xke iera una bela foto (ok, basta inclinar monitor o testa.. ma xe scomodo )

quela della piramide xe anche cocola.. ma la luce no te ga aiutado!

[arska]

quela con la cità l'idea iera de dar una prospetiva de "salita".. ma no xe rivà sai ben (iera de inclinarla de più, penso..)

La piramide iera una luce de un piatto.. go provado in tuti i modi a far bele foto, quel giorno, ma niente...

[babatriestina]

mi son stada a Berlin nel 89, giusto in tempo per veder ancora el Muro e la differenza fra le do parti.. dovessi aver qualche foto del Muro, ma fotografado de ovest, che del est iera credo anca proibido fotografar: controllo longhissimo al Checkpoint Charlie... e po son tornada un per de anni dopo, e iera tuto cambiado! e adesso cambia ancora..

[arska]

mi son stada a Berlin nel 89, giusto in tempo per veder ancora el Muro e la differenza fra le do parti..

L'impresion che go avudo xe che la diferenza ghe sia ancora... anche tra la mentalità (parlo de over 40).

Ti cossa te gavevi trovado, nel 89? Son curioso

[babatriestina]

mi son stada a Berlin nel 89, giusto in tempo per veder ancora el Muro e la differenza fra le do parti..

L'impresion che go avudo xe che la diferenza ghe sia ancora... anche tra la mentalità (parlo de over 40).

Ti cossa te gavevi trovado, nel 89? Son curioso

ovviamente, un abisso! el viaggio iera in Germania est, con una puntata a ovest. I musei tuti bei, con distribuzion diferente de adesso: iera el museo egizian del est e quel del ovest, quel de arte oriental del est e quel del ovest, quel de quadri del est, e quel del ovest, più o meno... a est no iera un negozio, per un souvenir go trovado un negozio de ottica e dopo una fila longa son arivada a trovar una lente de ingrandimento Zeiss per papà, iera fredo e piova e iera estate ma no go arivado a trovar un negozio per ciorme una felpa! a ovest semo stai poco tempo, per cui no go gnanca podudo apprezzar el KDW, che go apprezzado dopo. Un per de anni dopo cominciava a unificarse, a est se trovava ancora dischi e cassette de musica classica e cominciava i primi grandi magazzini, i musei se stava riorganizzando, spostando la roba, quel che gavevo visto de una parte me lo ritrovavo de l'altra. Solo el Pergamon museum iera restado preciso.