Monte Orsario in autunno

[babatriestina]

El Monte Orsario xe el picio monte al confin fra Monrupino e Fernetti, in autunno el se copri de foie rosse sul versante sud. Xe propio bel andarghe, come che iero stamattina:

el monte

e el sentiero 43 per andar su, ma xe più bel el 3 che go ciolto tornando

in zima ghe xe un tumulo de piere, magari preistorico, e adesso i ghe ga zontado una specie de picia vedetta de legno, come al Lanaro

el confin passa propio là, che bel che xe pensar che fra un mese circa sarà solo un'informazion ma no una costrizion

[tinuviel]

bellissimo pecà la luce un po' fioca de oggi, ma i colori autunnali xè stupendi Xè bellissimo far passeggiade in Carso in sto periodo, l'altra domenica mi e Tuxav ierimo de novo sul Lanaro (che sai ne piasi ), co go un po' de tempo posto un per de foto

@baba: me sembra una passeggiata tranquilla, vero? bella col sentierin cussì stretto in mezzo ai cespugli

[babatriestina]

@baba: me sembra una passeggiata tranquilla, vero? bella col sentierin cussì stretto in mezzo ai cespugli

stmattina tuto el giro me ga ciapado circa due ore. Xe sempre 100 metri de salita. Go lassado la machina a principio del 43 e son tornada zo per le 3, taiando verso la fin per una variante no segnada che me ga portado quasi al punto de partenza. Una variante più longa xe ciapar el 43 da Percedol o dela Foiba là del sotopassaggio feroviario. fra un per de setimane sarà tuto spelado... el sentierin xe un toco del n 3, che per mi resta un dei più bei sentieri del Carso, co no vegno investida dei mountain bikers che evidentemente lo trova altrettando bel de mi

[arska]

bel, veder che almeno un minimo de cura de sentieri/cartei/ecc ghe sia

[tuxav]

che figo ! :D speremo de rivarghe 'ndar prima che sia tuto spelado... quela del sentier ga dei colori fantastici ...

go visto che i ga cambia' diversi cartei sui sentieri del carso.. e i xe anche ben segnadi!

domanda: cosa xe i numeri che se trova sempre sule piere che indica i confini??

[babatriestina]

i numeri no so ben, ma i xe progressivi: 76 e po 20, 21, 22...

i sentieri xe molto segnai, e per mi i ga fato dei cambiamenti: el vecio 43 andava su dove che adesso passa el 3 e se congiungeva per el raccordo che go fatto ieri, dove che go visto un vecio segno sbiadido.

Mi go idea che i gabi ricevudo dei fondi per ste zone, perchè i ga messo un sacco de tabelle de legno, anche per adesso svode, po sti cartei indicatori, che i primi li go visto svodi anca quei, e tanti segni rossi. Una volta, ben segnado iera solo che el 3, che passava lungo el confin, per evitar sconfinamenti in zone militari oltreconfin.

Molti sentieri xe stai anca slargai, cussì ghe va su anche i bikers. Un sentierin no segnado ghe ga ciolto ieri i bikers fazeva un gomito oltre confin vizin dela vetta, se vedi che adesso nissun ghe bada più tanto.

Me ricordo che su una rivista del CAi i discuteva quanto segnar i sentieri, se segnar assai o lassar qualche volta el gusto de zercarse de soli el sentier e segnar solo ai bivi importanti.

[tinuviel]

go visto che anche sul Lanaro, in pochi mesi, i ga cambià i cartei ... ma iera più bel quel in legno de prima