El menefreghismo e l'ignoranza de molti diportisti

[Stefano79]

Me xe sta linka questo servizio fatto dalle Iene sull'inciviltà de molta gente che va in mar. Che dir.....da subacqueo son direttamente coinvolto e me venisi de coparli

Aggiungo che anche mi qualche volta go rischiado riemergendo, ma una tale quantità de paiazi in una sola immersion giuro che no li go mai visti.

El resto dell'Italia xe terzo mondo.

[giuli]

Ho visto il servizio l'altra settimana...veramente da paura

[cucciolina]

Lo go visto in diretta l'altra settimana e fazeva abbastanza impression si

Anche in mar, quindi, val la stessa frase che te usi per strada:"ma chi cavolo te ga dado la patente?"

E vabbè...

[danielita]

Anche mi vado spesso in giro per el golfo cola barchèta e posso dir che de incompetenti ghe ne xè tanti che gira per el mar... tropi! Mi xè de cò iero picetta che vado in barca (prima con papà e mama, adesso con mio marì e mio fio) e de sempre i me ga insegnà a star atenta ale boe de segnalaziòn, ale boette dei subaquei, a no passàr in mezza planata fra le barche ormegiade, a star entro i limiti de velocità e a tegnìr le distanze minime dala costa. Penso che sia el minimo de rispetàr per no disturbàr i altri e sopratuto per no farghe dani ai altri. Ultimamente però vedo che manca questa scuola de vita maritima e che ogni sturlo che ga dò lire per comprarse el caicio, el se meti a far garini su e zò pel golfo.

Per mi i doverìa farghe far la patente anche a quei che i usa le moto de acqua, o per lo meno farghe un dò-tre giorni de scola per gavèr un breveto. So che una patente no servi per baterghe el sal in zuca a un tandùl, ma almeno un minimo de sicurezza in più se la gaverìa. I ghe fa far el breveto anche ai sub (che per moverse i usa le pinne, al massimo i se pol far mal soli, ma non ai altri) quindi no vedo perchè no farghela far a chiunque usi un mezzo per spostarse sul mar. No?

[Stefano79]

Per mi i doverìa farghe far la patente anche a quei che i usa le moto de acqua

Xe za obbligatoria per tutte le moto d'acqua, in teoria Bisogna veder se i te controlla però. Qua de noi ghe ne xe talmente poche che pena una esci i te ferma per controllarte patente e dotazioni, ma in certe zone super turistiche dove ghe ne gira decine dubito fortemente che i controlli.....

El problema xe che per le barche fino a 40hp de motor no xe richiesta la patente. E xe za sufficiente per far danni.

I ghe fa far el breveto anche ai sub (che per moverse i usa le pinne, al massimo i se pol far mal soli, ma non ai altri)

Non ghe xe una legge che in Italia obblighi ad aver un brevetto per immergerse, salvo alcune leggi regionali come in Liguria se non sbaglio. Altra monada.....la legge manca in molti campi

Modificato 7 Ottobre 2008 da Stefano79

[danielita]

El problema xe che per le barche fino a 40hp de motor no xe richiesta la patente. E xe za sufficiente per far danni.

Se xè per quel basta anche un caicio coi remi per copàr qualchedùn...

De fondo manca l'educaziòn, perchè anche un mona rivassi capìr che anche se te ga la barca che va a 100.000 knot, no xè bisogno che te li usi tuti per farte la trata Muja-Sistiana in 20 secondi! Ghe vol un fià de cossienza! Uguale come in machina.

[molly]

e oltre alla maleducazion nel guidar diria anche menefreghisti e maleducati nell'inquinar el mar... proprio chi doveria amar de più el mar ghe scariga dentro de tutto :S