Ma xè za nadal???

[dido76]

Mularia, xè za da bastanza che me pasas per la crapa sto pensier...

Vedo in giro za negozi addobbadi con le robe de nadal...a cità fiera mancava ancora due setimane a sta festa importada de halowin che un negozio iera adobado de nadal, e le comese girava col capelin rosso col ponpon de nadal....

ieri entro ale torrideuropa e...xè tutto completamente adobado come fosi za nadal...

ma insoma, personalmente me par un fiatin presto...manca praticamente quasi 2mesi (qualche giorno de meno ok)...no so, no rivo veder sta necesità o meo, la necesità poderia anche eserghe ma la xè masa triste:

i negozi no vendi granchè, e quindi i ga bisogno de invogliar la gente a far compere...e la gente a nadal,regali o no regali,compra e i negozi spera de far afari.

voi cosa pensè? go meso 3risposte secche xkè no me veniva scelte spiritose

Mi voto no...tropo presto

Edited November 4, 2008 by dido76

[Kimy]

Causa crisi e varie beghe i cerca de spalmar le spese de Nadal su un tempo più ampio per invoiar la gente, la Coop alle torri za do settimane ga roba de Nadal...

De solito le apperture Natalizie incomincia sempre in sto periodo, mediamente con la prima domenica de Novembre...

[babatriestina]

de sempre, apena passai i Santi, o meio ormai Halloween, xe Nadal! i comercianti ga fatto meter le luminarie za de un per de settimane, cola motivazion che co no xe bora se le metti meio, po in dicembre incomincia i alberi che al 23-24 no se trova più in vendita- almeno a mi me xe nato- fra el 1 e el 20 dicembre le associazioni organizza le propie riunioni natalizie, sempre prima per no interferir con quele dei altri, la gente fa el albero ai primi de dicembre e... per Nadal xe za tuto finido, perchè se presumi che la gente vadi in viaggio in quel periodo, magari nei mari caldi o alla settimana bianca. E co riva Nadal ormai i pensa za ale svendite!

mi me sento sfasada, che per mi el periodo de Nadal va dela Vigilia al Epifania.

[giuli]

Ho pensato la stessa cosa 5 minuti fa quando sono tornato dalle Torri... che ridicoli ad aver già addobbato e acceso tutte le luci dai!

Potevano aspettare almeno metà novembre ...

[dina]

Ma se non sono rivada nianche a comprar la zuca !!

[Stefano79]

Rispondo no. Ormai el Nadal xe solo una scusa per far soldi, ma de mi no i beca un euro

[arska]

No. Stago diventando anti-feste, con ste robe.

[picia_tata]

Mi anche voto no.. se ridicolo addobbar za 2 mesi prima.. e comunque ormai Nadal se diventada un poco come tutte le feste.. consumistiche e se tutto solo per spillar i soldi alla gente comunque non so cosa che i ge cambi a lori se i metti gli addobbi 2 o 3 settimane più tardi !!

[cucciolina]

Posso dir che no me frega? I fazi quel che i vol, a mi no me cambia niente. Se voio compro, se no no. No sarà 2 lucette a farme venir voia de comprar

[molly]

Mi me par normale.. xe sempre sta o almeno da quando go memoria mi

mi no me dispiasi che alcuni negozi gabi za addobba e gabi messo luci.. me fa allegria..

e sinceramente xe meio che i me ricordi si che presto xe nadal perchè non voleria arrivar come sempre all'ultimo minuto a comprar 100 regali in un giorno .. meio un poco per volta

xe che de solito speto l'ultimo anche perchè i sbasa i prezzi..

[enrico89]

Posso dir che no me frega? I fazi quel che i vol, a mi no me cambia niente. Se voio compro, se no no. No sarà 2 lucette a farme venir voia de comprar

Te quoto alla grande!!

[danielita]

Posso dir che no me frega? I fazi quel che i vol, a mi no me cambia niente. Se voio compro, se no no. No sarà 2 lucette a farme venir voia de comprar

Sicuramente le luci e le insegne no le me farà compràr de più, ma sinceramente con tuta 'sta publicità i me ga veramente scassà le pallottole. Al Famila de Rabuiese i gaveva la scrita AUGURI lampegiante zà diese giorni fa.

Una volta gavevimo almeno qualche periodo de tregua, adesso i se inventa feste che no gavèmo mai avù, solo per podèr vender robe inutili!!! Perdonème, ma una volta per le feste dei morti se comprava al massimo le favètte... Adesso se no te metti oto zuchète intajàde sul pergolo, parerìa che te son fora del mondo!

Te cominci l'anno, te se ga pena lassà ale spalle le publicità e le compere de nadàl - capodanno e te se trovi la befana. Finì quel, xè carnevàl. De carnevàl te finissi ala festa dela dona, ma in mezzo ghe xè San Valentino. Pò xè pasqua, el 19 de marzo xè festa del papà, i primi de magio xè festa dela mama. Da 'sto punto i ne lassa un fià in pase fin ala festa dei morti (che adesso se ciama Halloween). Dopodechè xè San Nicolò, Nadàl, San Silvestro e pò rèpete cola Befana.

No per far polemica, ma manca poco che la Kinder fazzi anca el cofanetto celebrativo per la nassita de Pepi de Ponziana o per l'aniversario de Ucia e Tojo...

Baaasta, dei!

[molly]

mi no me dispiasi le feste.. servi per movimentar la vita .. basta non lasarse trasportar dalle cavolade che se inventa per farne spender de più ed entrar nello spirito giusto e non abbassarse al solo livel consumistico.

http://digilander.libero.it/viaconforti/hallo/origini.htm visto che gavè cita Halloween magari ve interesserà saver le origini

Edited November 5, 2008 by molly

[Renè]

No per far polemica, ma manca poco che la Kinder fazzi anca el cofanetto celebrativo per la nassita de Pepi de Ponziana o per l'aniversario de Ucia e Tojo...

Baaasta, dei!

i li fa zà..mi go visto la confezion natalizia de tre ovetti Kinder con la scrita: "Una sorpresa su tre xè Ucio Spinaza semovente".

in un altro ovo dela kinder go trova un pupazeto de Bandelli che se te ghe frachi el pulsantin drio la schena el taca automaticamente a zigar tuto felice: "EL COMUN GA BUTA' ZO' EL CASTEL DE MIRAMAR PER FAR UN NOVO PARCHEGIOOOOOOO, BON NADAAAAL A TUTIIIIIIIIII!!"

P.s.: Mi son d'acordo con Molly..i fa cussì perché xè crisi anca per lori e alora i devi invoiar la gente. Ma no xè per forza obligatorio comprar, quindi un se pol anca goder el bel clima de festa. Pò per mi el Nadal xè veramente ancora una gran festa piena de atmosfera e significadi..la speto sempre con impazienza.

Inoltre se qualchidun se ricorda go anca un dialogo particolar con un mio socio in afari..Natale Babbo in arte Babo Nadal

[danielita]

P.s.: Mi son d'acordo con Molly..i fa cussì perché xè crisi anca per lori e alora i devi invoiar la gente. Ma no xè per forza obligatorio comprar, quindi un se pol anca goder el bel clima de festa. Pò per mi el Nadal xè veramente ancora una gran festa piena de atmosfera e significadi..la speto sempre con impazienza.

Proprio perchè me piasi le feste me da fastidio che i le fazzi diventàr cussì comerciali! Mi adoro Nadal e Pasqua perchè me piasi de mati cò femo le feste in familia e se trovemo in 20 de lori, magnemo come porchi e bevemo come mussi, cantemo e femo scandàl. E in quei momenti francamente no me interessa se ghe xè l'albero e el presepe o se fora i ga tacà un de quei orendi pupi a forma de Babo Nadàl (che ogni volta che li vedo me ciapa un colpo, perchè me par che sia una cratura che se tombola zò del pergolo!). Xè 'ste robe inutili che me da fastidio! La roba de magnàr che compro per el pranzo de Pasqua la ciogo lo stesso anche se no i la infiochèta con ovètti e coniglietti e rivo soportar benissimo San Nicolò anche senza impinìrme la casa de ghirlande e adobi.

Come dir, i fa de tuto per far figo l'involucro, ma sai poco per la qualità del contenuto...

P.S.: Renè, dove te ga trovà Ucio Spinaza? Xè proprio quel che me manca per finìr la coleziòn! (Per adesso go Mario Tombìn, Gigi Crimine, Bruno Rockenrol, Nini Barèto e Tojo Coroneo)

Edited November 5, 2008 by danielita

[giuli]

In piazza Unità stamattina stavano già posizionando le basi per gli alberelli

[dido76]

In piazza Unità stamattina stavano già posizionando le basi per gli alberelli

me toca smentirte...purtropo za ieri sera tuto el lato destro, guardando el comun, gaveva i porta alberi

[molly]

danielita: su quel che te ga dito te dago ragion.. però l'importante xe tenir alta l'importanza della festa e non lasarse coinvolger dal consumismo

orpo ciò.. za gli alberelli.. e qua si che ve dago ragion che me par troppo presto

[giuli]

In piazza Unità stamattina stavano già posizionando le basi per gli alberelli

me toca smentirte...purtropo za ieri sera tuto el lato destro, guardando el comun, gaveva i porta alberi

Ancora meglio

si vede che hanno fatto il lato destro ieri e quello sinistro oggi

[dina]

CHe sfiga mi vivo in periferia e prima de veder un alberello o una lucetta bisognerà spetar chissà quanto tempo

ahhhhhh che bei tempi co vivevo in Viale.. mi sentivo montar La Fiera de SANICOLO' de sera tardi, vivevo in piano tera... e podevo anche vedere i baraccai.. spetavo quel momento per SENTIR la festa che arrivava.. qua a dir la verità ste robe me le sogno.. devo venir in città per capir che xe un poco Festa che xe Nadal.. Mi adoro il Nadal, le luci, gli odori i profumi le spuzze ah xe tropo bel..

Voi vivè tuti in centro mi me sento esclusa da tuto questo.

Beh go le tori ma no xe la stessa roba..

[picia_tata]

Voi vivè tuti in centro mi me sento esclusa da tuto questo.

tutti tutti no

[danielita]

In piazza Unità stamattina stavano già posizionando le basi per gli alberelli

me toca smentirte...purtropo za ieri sera tuto el lato destro, guardando el comun, gaveva i porta alberi

Ancora meglio

si vede che hanno fatto il lato destro ieri e quello sinistro oggi

Anche se Roby no me xè proprio sai cocolo, devo dir che con i alberèti messi cussì in piazza Unità la la ga imbrocada, i fa sai una bela figura. Mejo che quei pai dela luce con dò bale in crose che i mettèva normalmente... No?

(Pensièr cativo: pecà che i alberèti dopo i li cava via... ma no i podeva far stagionale anca el porta CD de piazza Goldoni?!)

[dido76]

Anche se Roby no me xè proprio sai cocolo, devo dir che con i alberèti messi cussì in piazza Unità la la ga imbrocada, i fa sai una bela figura. Mejo che quei pai dela luce con dò bale in crose che i mettèva normalmente... No?

(Pensièr cativo: pecà che i alberèti dopo i li cava via... ma no i podeva far stagionale anca el porta CD de piazza Goldoni?!)

mi i alberi fati con le luci messi sui pai dela luce me piaseva sai sia sule rive che in giro x cità, decisamente meo de come i ga fato l'altro anno con i alberi messi sulle rive che iera uno + storto dell'altro.

[Nona Picia]

Mi go votà no, perchè me par assurdo meter tanto tempo prima i adobi e tuto el resto. Bastava cominciar i primi de dicembre, come i fazeva una volta. Ma una volta dopo i morti per television i cominciava con la publicità dei panetoni......

[dina]

Beh mi go già comprà il paneton Bauli Noir, e chi resisti te li vedi già in giro.. Vojo dir una volta anche la roba se vendeva a tempo debito, il paneton non se podeva de certo magnar i primi de novembre .. LO go già SBAFADO TUTO.. Il Paneton iera sacro se verzeva solo per la Vigilia a casa nostra de sera.. scoccada l'ora.. No ste chiederme perchè ma da noi se fazeva cussì.. Insomma iera un RITO.. Adeso no ga nianche senso. COntinuerò a magnarne fino a Pasqua come se nula fosse. tanto...

Ga perso il significato - no xe per rimpiager i tempi antichi, mi son diventata sicuramente più vecia, non antica però in ogni caso mi rendo conto che si sono persi i valori e a volte anche i simboli di questi valori se Svenduti così non hanno più Senso.. é un peccato..

Boh provvederò a rimediare qualche altro simbolo e significato strada facendo.. Infondo il Natale o anche il dicembre è sempre stato un periodo molto ricco, anche se solo di luci o abbagli..

Edited November 6, 2008 by dina