fai un'infrazione in bici? via i punti patente

[666]

Infrazioni in bicicletta, ora si perdono anche i punti della patente

La legge sulla sicurezza equipara le sanzioni accessorie del codice anche per chi usa le due ruote a pedali

http://tinyurl.com/nfqtmb

[Stefano79]

Da una parte son d'accordo. Cusì forsi i ciclisti ghe penserà due volte prima de passar REGOLARMENTE col rosso agli incroci. Però se i vigili no li ferma xe come niente. Giusto l'altro giorno go visto una bella scena in viale miramare al semaforo de Barcola. Semaforo rosso, auto della municpale ferma in prima fila, in quela riva un ciclista a destra e passa tranquillamente col rosso davanti ai vigili. E sti qua nianche pel fiocco. Se la stessa roba la fazeva una moto iera la fine.

[B_Stefano]

ah..... quindi caschetto obbligatorio?

[arska]

MA STEMO SCHERZANDO?

Xe ridicolo.

Esisti za le multe per chi che va in bici: basta darle e el ghe pensasi do volte a rifarlo.

Cossa centra la patente per auto e moto con una bici, po'?

E perchè no a pie o in casa, po'? Te pisi in un canton? via la patente!

Semo ala frutta: questi no sa più come tirar su do bori, e i ga de inventarse ste robe del tuto non-logiche e butade su.

E i soliti benpensanti-fin-che-no-me-toca-a-mi dirà: "mi ghe fazessi.." "mi ghe dasi.." etc.

La lproporzionalità – come che va de moda ultimamente – podemo lasarla in cassetto.

Modificato 3 Luglio 2009 da arlon

[molly]

mi me par una cavolada..anche perchè mica tutti quei che va in bici ga la patente.. come mica tutti quei che ga el 50in ga la patente ... e el patentin no ga punti :S

infatti i diseva che col 50in i pol darte la multa ma non tirarte via i punti dalla patente :S

[Stefano79]

E perchè no a pie o in casa, po'? Te pisi in un canton? via la patente!

Pisar per strada no xe un'infrazion da codice della strada

Mi no me par tanto sbagliado. La bicicletta xe un veicolo, e el fatto de no aver un motor sotto al popoci no pol e no devi esser una scusa per far quel che se vol. Te passi col rosso pur savendo che no se pol (perchè appunto te ga una patente)? Via i punti.

E per quei che va in bici senza patente no so cosa dir.....anzi a dir el vero saveria, se fossi per mi chiunque giri su strada con un qualsiasi tipo de veicolo dovesi aver almeno un patentin.

[dido76]

ma dato che andar in bici no ga l'obbligo della patente diria che xè una cosa ingiusta x chi inveze la gà.

poi una persona ga l'obbligo de girar con la carta d'identità, no con la patente...

se vado in bici e te riscontri che go fatto un'infrazion che punti i me togli?i punti bestemmia? scuseme

[Stefano79]

Se paga in base ai titoli che se ga. In tante robe xe cusì eh. Per dir, un poliziotto o un funzionario dello stato che commetti un reato, se vien giudicado colpevole, in genere paga più de una persona qualunque. Perchè data la posizion che el ricopri xe ancora più grave. Cusì uno titolado a guidar mezzi ben più pericolosi de una bicicletta se sbaglia paga de più. Cusì se va a colpir quella moltitudine de persone che se sfoga con cinquantini e biciclette con la compiacenza de una legge bonaria.

[arska]

E perchè no a pie o in casa, po'? Te pisi in un canton? via la patente!

Pisar per strada no xe un'infrazion da codice della strada

Ah, mi ghe lanciavo sugerimenti de la stesa lungimiranza che i dimostra regolarmente

Mi no me par tanto sbagliado. La bicicletta xe un veicolo, e el fatto de no aver un motor sotto al popoci no pol e no devi esser una scusa per far quel che se vol. Te passi col rosso pur savendo che no se pol (perchè appunto te ga una patente)? Via i punti.

Ma dai xe come dir che un che no ga la patente pol eser giustificado e pasar col rosso

e dopo? No te va più in bici? Ah, no, no te va più in auto e in bici te pol continuar a andar e far danni. Sgaia come roba!

E per quei che va in bici senza patente no so cosa dir.....anzi a dir el vero saveria, se fossi per mi chiunque giri su strada con un qualsiasi tipo de veicolo dovesi aver almeno un patentin.

Ripeto: el problema no xe che quei in bici no sa come se gira e quale che xe le regole. Ghe xe vari problemi a riguardo:

– quei con le bici no vien mai fermadi dala polizia, principalmente perchè xe dificile, in cità. (e fora perchè in genere no ghe xe le ragioni per farlo)

– le cità xe pensade a misura d'auto. Questo xe un problema, perchè tuti i semafori (specialmente quei pedonali) xe studiai solo e esclusivamente per i mezi a modor.

No giustifico, e se son in bici son de quei che a tuti i rossi se ferma. Però tanti semafori che per i auti ga un senso, per le bici asolutamente no.

E no xe un problema che se risolvi dando multe o cavando punti, questo. Va proprio ripensade le cità. (inutile dir, che al estero i lo sta fazendo o ga fato in tanti posti. In Italia, solo Parma, Mantova e poche altre)

– Proprio per questo, chi se "ostina" a andar nel traffico in bici, con tuti i svantagi e risci che se ritrova, psicologicamente se senti "in credito" e no se fa scrupoli a infranzer qualche regola che xe stada scrita in un codice che pensa quasi solo ai mezi a motor e ai pedoni.

Questo lo go scrito perchè (no a Trieste) ghe ne conosso tanti/e che ga fato ste scelte, e queste xe le spiegazioni che i da lori.

Se paga in base ai titoli che se ga.

Teoricamente saria giusto, in realtà in sto caso no xe sensado.

Un che va in bici con la patente e un che va in bici senza la patente ga esatamente le stese responsabilità, in quel momento.

E, riripeto, no xe che un che va in bici senza patente no xe che no'l segui certe regole perchè no le conosi e no ghe ga sborsado $$$ ale scole guida lo fa per el semplice fato che no ghe frega. Esatamente come un che la patente la ga.

No vedo l'agravante in un o nel altro, quindi no vedo perchè che ghe gabi de eserghe disparità de tratamento.

Modificato 4 Luglio 2009 da arlon

[arska]

E no solo. Visto sto stato de disparità, deso quel che ga la patente e ga de decider se andar in bici o in auto, indovinè cos' che scelzerà?

Questa sì che xe una otima politica per incentivar l'uso dele bici, complimenti!

[dido76]

se andarò in giro in bici (prima devo ricomprarmene una) laso la patente casa

e dopo ghe ne discutemo sui punti

[Ikeya]

non vedo cosa cambia, dato che ste robe accadi da quando xè stada introdotta la patente a punti...

go sentì tanta de quela gente che se ga trovà punti in meno andando in bici...

a sto punto, allora, quando un pedon attraversa col rosso, via 5 punti!

Modificato 4 Luglio 2009 da Ikeya

[DiegoSbiego]

a sto punto, allora, quando un pedon attraversa col rosso, via 5 punti!

..efetivamente, me par la stesa roba anca a mi.

mi son un cultore dela bici, son pena tornado da un giro in austria e germania e là i xe pazzescamente avanti, con le ciclabili te arrivi veramente dove che te vol, cartei speciali solo per bici per dirte dove te devi andar...insoma veramente avanti. dovesimo imparar parechie robe da lori.

punti patente me par ridicolo toglier. multe a chi in bici contravien ale regole dela strada invece si.

comunque se volemo considerar la bici come i altri mezzi, alora co xe la doppia striscia continua in strada nisun dovesi sorpasarle. voio proprio veder.

[diego]

Diversi de voi xe a conoscenza che mi son un "innamorado" cronico per la bici de corsa (iero anche stamattina a farme un sessantin)) ma devo ammeter che i ga fatto sai ben far una legge per "punir" i ciclisti "cattivi".La sanzion xe effettivamente un poco troppo pesante. Dir che in Italia non esisti una cultura per la bici saria superfluo ma xe anche vero che spesso vedo gente in bici far infrazioni de paura. Ma de suo lo metti anche i automobilisti che no perdi occasion per renderghe la vita impossibile a chi dopra le due rode.Questa mattina a Barcola go mandado letteralmente a c....r diversi "fenomeni" che me ga verto le portiere al mio arrivo. Oramai son abituado ad aver 100 oci ma no sempre pol andar ben....... El caschetto no xe obbligatorio......ma fa tanto diol quando te fa PUMMMM!!!

[Rolf]

un poliziotto o un funzionario dello stato che commetti un reato, se vien giudicado colpevole, in genere paga più de una persona qualunque.

per favor.... non stemo sparar cazzade cosmiche.

La teoria xe una roba ma nissun de noi xe tanto mona de creder a una roba del genere. Xe piu' verosimile la favola de cappuccetto rosso

[Ikeya]

un poliziotto o un funzionario dello stato che commetti un reato, se vien giudicado colpevole, in genere paga più de una persona qualunque.

sisi, come nel caso de Stefano Furlan o de Rasman

[arska]

go sentì tanta de quela gente che se ga trovà punti in meno andando in bici...

Fin deso, in certi casi i lo fazeva. Pecà che no i podeva, e che con un ricorso te li gavesi facilmente ciapai indrio.

[Stefano79]

La teoria xe una roba ma nissun de noi xe tanto mona de creder a una roba del genere.

Bon, allora beata l'ora che almeno per una volta i meti in pratica la teoria!

sisi, come nel caso de Stefano Furlan o de Rasman

Oh, ma proprio lo sport nazionale xe farghe la punta al ???

[Stefano79]

– Proprio per questo, chi se "ostina" a andar nel traffico in bici, con tuti i svantagi e risci che se ritrova, psicologicamente se senti "in credito" e no se fa scrupoli a infranzer qualche regola che xe stada scrita in un codice che pensa quasi solo ai mezi a motor e ai pedoni.

Psicologicamente che i se senti come che i vol, no me interessa. Se i cicilisti xe una sparutra minoranza allora te par logico e democratico rivoluzionar una città a loro immagine e somiglianza?

E no solo. Visto sto stato de disparità, deso quel che ga la patente e ga de decider se andar in bici o in auto, indovinè cos' che scelzerà?

Questa sì che xe una otima politica per incentivar l'uso dele bici, complimenti!

Ma scusime, deso sinceramente...te pensi davvero che la bicicletta possi esser un mezzo de spostamento abituale e non solamente un hobby? Te par concepibile che uno usi la bici ogni giorno per andar a lavorar, anche d'estate, in una città come Trieste dove ghe xe una salita da qualsiasi parte te volgi lo sguardo?

Ma chi lo fa? Nianche gli appassionati Rivasi sul lavor za spacà de fadiga e coi scai che spuza

Al limite posso capir in Friul, che xe tutto dritto come un biliardo e xe ampi spazi, ma non in una città.

E quindi, se la bici di fatto xe un hobby (per quanto salutare e lodevole, per carità) te par sensato rivoluzionar una città per questo?

[dido76]

se te vol far una città con el centro pedonale, una dele cose da far xè meter una zona per le bici anche x cità...salite o no...che po' cmq le salite al limite saria solo un "problema" per chi che le fà. xkè chi che no va in bici,el fato no ghe faria nè caldo nè freddo.

se nella maggior parte dei paesi esisti queste cose, un motivo ghe sarà

mi za co vado a monfalcon e vedo la ciclabile in centro me par de eser in un posto sai lontan da noi...quà sembra talmente imposibile far una cosa del genere e xkè? solo x mentalità de dir: a trieste no servi

[Ikeya]

Oh, ma proprio lo sport nazionale xe farghe la punta al ???

xè i unici due casi in cui i poliziotti ga sbaià a Trieste... eppur no me par che gabbi ricevù la stessa pena de un civile... anche perché se no i iera poliziotti i se becava un 10 annetti almeno

[Stefano79]

mi za co vado a monfalcon e vedo la ciclabile in centro me par de eser in un posto sai lontan da noi

Ma chiaro, parlemo de un paesetto in confronto La se pol farlo tranquillamente. Ed oltre ad esser picia la ga un'archietettura recente (strade larghe, case distanziade ecc), ma in una città fatta dall'Austria che fu questo xe saai più complicato.

[Stefano79]

xè i unici due casi in cui i poliziotti ga sbaià a Trieste...

Su Rasman se non sbaglio el processo o i ricorsi xe ancora in piedi, su Furlan...........no stemo provocar per piacer

E cmq semo notevolmente OT e in cima al specio rampigado in free climbing El concetto dell'aggravante dado dalla propria posizion esisti, se dopo no i lo applica sempre no xe colpa mia.

Modificato 4 Luglio 2009 da Stefano79

[Ghost]

Norma stupida contro la quale si può far tranquillamente ricorso e vincere ad occhi chiusi.

Se uno ha la patente perde puniti, se uno non ha la patente non perde nulla. Disuniformità della appicazione della legge, è incustituzionale e farà la stessa fine di altre norme simili che abbiamo già visto in passato.