Suggerimenti per una corretta dieta

[erlobo]

Salve! Siccome su altri post go visto dubbi e curiosità, e mi insegnavo Nutrizione, Merceologia alimentare e roba simile ve scrivo un poche de robe che secondo mi bisognassi saver e tignir presente quando se magna o se fa la spesa.

Partimo da un presupposto: no stemo far allarmismi, mi no ve scriverò "No ste magnar questo" o "No ste magnar là": ognidun fa quel che vol.

Certe robe xè bone ma no fa ben, questo xè vero. Ma se le magnè OGNI TANTO, no le ve mazerà. Se magnè solo quel, no starè chissà che ben, no sarè in forma, ma no le ve mazerà per un bel po'. Le rotelle Haribò a mi le me fa impazzir, anche se so che xè aromi chimici. Ogni tanto me mazzo anche mi de quele, però.

Certe robe xè bone ma xè pericolose. I pedoci o le ostriche, per esempio, xè i filtri del mar. Ogni schifezza dell'acqua lori i la trattien, anche virus e batteri; se i se contamina con l'epatite A, per esempio, e no i vien boidi a 85 gradi per più de un minuto, ve la ciapè (e no xè piacevole..). Ma i me piasi anche a mi, e continuo a magnarli, anche se conosso el rischio.

Se seguissimo i telegiornali e el sensazionismo, no magnassimo più niente: no porco (l'influenza dal Messico), no mucca (la BSE), no pollo e avicoli (la SARS), no pesse (branzin al mercurio etc.), no insalata a foglia larga e funghi (perdura ancora la radioattività de Cernobyl..) etc.

Suvvia: sappiate che l'Influenza suina, SARS, BSE, invelenamento da pesse o radioattività ga mazzà molta meno gente al mondo del fumo, per esempio, o dell'AIDS e anche de qualche malattia "rara". Quindi cerchè de variar più possibile e magnar tutto, soprattutto tanta frutta e verdura. El consiglio (GIUSTO) de qualsiasi nutrizionista.

Considerè, poi, che el corpo umano xè una macchina praticamente perfetta (e qualche anno fa iera ancora meio): se te magni qualcossa che te fa mal, te vien la nausea e de butar fora. Xè una difesa: l'espelli quel che el registra come un avvelenamento. Piccolo inciso: una curiosità. Questo fatto della nausea se ga sviluppà come un istinto prima che l'omo cominciassi a moverse "su mezzi". Per questo ne vien el mal d'auto o el mal d'aria. El nostro zervel registra i movimenti ondulatori dell'orizzonte come se fossimo invelenai (o imbriaghi, che xè la stessa cosa - avvelenamento da alcool) e el ne fa nausea...Fine dell'inciso. Anni fa el nostro corpo iera più forte perchè ierimo sempre fora casa e magnavimo robe non sterilizzade, quindi sviluppavimo anticorpi e enzimi per no malarse e digerir tutto; oggi i muleti no gioga più per strada e magna tutto confezionado (quindi "quasi" senza batteri), no i sviluppa più enzimi e anticorpi e ghe xè sempre più intolleranze alimentari e allergie...Insomma, tornemo al concetto: el nostro corpo xè una macchina perfetta, MA...el ga de esser mantignù efficiente..quindi EL PRIMO CONSIGLIO IN ASSOLUTO xè e sarà sempre: FE' MOVIMENTO. Qualunque movimento, da una passeggiata de mezza ora al giorno alle scale de casa (basta una volta al giorno, no occori mazarse) a una nudada (noi semo fortunai) a portar fora el can e correrghe un po' drio. E, se gavè fioi, porteli fora a giogar e staccheghe per qualche mezza ora el pc o la playstation (che comunque sviluppa i riflessi!)

La prossima volta comincemo coi argomenti sul magnar...

[Stefano79]

Che dir, son perfettamente d'accordo. In pratica i consigli xe questi, se sa

Una domanda: cosa te pensi del cosidetto "biologico"? Val veramente i soldi che costa oppur (come sospetto) sta diventando un'esagerazion de moda?

[babatriestina]

mio papà, che iera un vecio medico, diseva: magnar un poco de tuto, come che te disi ti..

e ve dirò che mia nona, che xe arivada a 107 anni, sui 100 anni magnava luganighe de Vienna e diseva: Luganighe? xe legere! poco prima de morir la ga fato una spanzada de chifel de patate che no ve digo.. co la iera più giovine ( sui 80..) la diseva la roba più importate xe el cafelatte dela mattina.

[erlobo]

Che dir, son perfettamente d'accordo. In pratica i consigli xe questi, se sa

Una domanda: cosa te pensi del cosidetto "biologico"? Val veramente i soldi che costa oppur (come sospetto) sta diventando un'esagerazion de moda?

El biologico xè una bona roba, se fatto seriamente. Purtroppo semo in Italia e la legge i la aggira con fantasia. Oggigiorno affibbiarse la sillaba BIO vol dir poder zontar sul prezzo qualche decina de centesimi al toco, e l'affar ghe interessa a tanti; solo da poco la legge ga vietà l'uso della scritta Bio ( e light e nomi che richiama al magro etc.) per roba che no iera bio: insomma, come se ciamassimo la rotella Haribò (de cui sopra) HariBIO, cussì el nome traeva in inganno e ti te compri convinto che sia salutare...(per farte un esempio: no te trovi più prodotti SlimFast e me par anche Misura, perchè i ga vietado i nomi in quanto i prodotti no iera veramente ipocalorici).

In ogni caso bisogna sempre legger l'etichetta, e interpretarla: recentemente go sentì una pubblicità che parlava de contenuto de pollo "allevato a terra". Questo, in verità, no vol dir niente: mi lo posso allevar a terra e darghe de magnar wurstel marzi al posto del mais...

Se volessimo veramente roba BIO con la B maiuscola, dovessimo organizzarse in un gruppo de acquisto: se metti insieme un poche de persone, se trova un per de contadini e se ghe ordina la roba (DE STAGION: ricordite che per gaver la roba più sana te devi comprar quella de stagion e che la provien da più vizin de casa possibile..In un post ve spiegherò el perchè..); ogni settimana lui prepara una cassetta con frutti e verdure per ogni ordine e le porta in un punto prestabilido in cui se va a ciorsela. No te gaverà fragole a Novembre, ma se magneria molto più san..

Comunque el dottor papà de BabaTriestina gaveva ragion: e aggiungo un'altra roba. Magnar un poco de tuto vol dir magnar UN POCO de tuto. Oggigiorno se magna troppo, perchè xè tutto a disposizion e noi magnemo prima per fame e dopo per voia. Dovessimo abituarse a magnar poco e spesso.

La colazion xè el pasto più importante, sempre.

Edited July 4, 2009 by ErLoBo

[arska]

beh, su sto topic concordo in toto, e son anche bastanza alineado

[erlobo]

beh, su sto topic concordo in toto, e son anche bastanza alineado

:D

Per quanto ve go scritto dei nomi dei prodotti e delle informazioni ingannevoli, qua trovè el regolamento:

http://nutrimenti.simplicissimus.it/files/...ims_27lug07.pdf

Piccolo errata corrige: el prodotto che xè stado ritirado xè la marca SlimFit, no SlimFast (iera tardi, scuseme) e Misura xè ancora per un poco sui scaffai (vedi el regolamento de cui sopra)