Jump to content

Muleria fora de testa?


Recommended Posts

Go letto sul piccolo l'episodio avvenudo su un bus, un gruppo de muletti xe salidi e ga iniziado a saltar sulle sedie, impiccarse sui pal de sostegno e a giogarse con el martel frangi vetri. co l'autista ga fermado el mezzo proprio sto martel xe svolà in testa a una vecia ferindola, l'autista ga ciamà gli urbani ma co ga verto le porte i xe scampai e solo tre ne xe stadi fermadi. Ma i xe del tutto senza cervel? O i genitori i ghe ga insegnado a fregarsene degli altri?

Bella però xe la notizia de quel muletto de 11 anni beccado dai vigili in scooter, i lo ga portado al comando e quando xe rivadi i genitori la mamma ghe ga tirado un sano sberlon! Me sa che ghe ne volessi de più alle volte...

Link to comment
Share on other sites

mah dipendi sa..

a volte xe i troppi sberloni.. a volte xe i troppo pochi...

comunque la colpa xe solo parziale dei genitori.

secondo mi xe tutto l'ambiente che ne sta intorno che non aiuta a tirar su ben un muleto.

comunque quando andavo a scola notavo che ghe iera muleria ogni anno pezo.

son contento de gaver finì.

:noghesemo:

Link to comment
Share on other sites

xe robe de matti ciò...

saria de far una sola roba, due piade tal c** :baston: ogni volta che i combina monade del genere, se parlava alcuni mesi fa de chi pol esser la colpa, in parte xe sicuramente dei genitori, e in parte dell'ambiente nel qual i cressi...ma xe colpa dela società se ghe xe sto ambiente intonro a lori...xe un cercio difficile de romper...

Link to comment
Share on other sites

Mi invece penso che quel che xè sta fatto xè troppo poco.. un do notti in canon a tutti e quanti ghe gavesi fatto solo che ben.. el sberlon dalla mami che el giorno dopo ghe compra le merendine o el novo gioghetto sparatutto della play no servi a sai... minorenni o non minorenni non vedo la differenza. Se te se meti a giogar con el martelletto su un autobus te son in grado de sopportar una notte in prigion.. più se lasa corer pezo sarà nei prossimi anni.

:bye:

Link to comment
Share on other sites

un 'do sani scapeloti ghe vol ogni tanto!

el problema xe che se el sberlon vien associado a: "no xe giusto, tutti la ga con mi" inveze che a: "go fatto el mona e son stado punido" non servi a niente neanche quel.. oramai xe la mentalità formada e modellada cussi dalla società.

l'insegnamento dei genitori servi a dar un stampo iniziale.. poi tutto dipendi dalle esperienze e da come l'individuo reagisi alle amicizie che el se trova.

quando scrivo cussì me fazo paura da solo :cossaaa?:

Link to comment
Share on other sites

l'insegnamento dei genitori servi a dar un stampo iniziale.. poi tutto dipendi dalle esperienze e da come l'individuo reagisi alle amicizie che el se trova.

quel xe sotointeso...un scapeloto servi al fio 'co ga 8 anni a 15 servi solo a ti. intendevo un discorso più ampio dell'educazion 'co se xe pici. se fin de pici te meti dei paleti e te crei un certo rapporto xe meno possibilità ke el fio devii. le cative compagne agissi in genere su persone deboli senza una propria personalità o capacità critica e sta nei genitori a insegnarghe al fio a ragionar con la propria testa. fermo restando le eccezioni...

e cmq la società dà un bruto esempio...più ke te son criminal meno ani de canon te fa...ovio ke i fioi pensi ke nn ghe sucedi niente...

Link to comment
Share on other sites

Ma te credo che i fioi vien su quando ai genitori no vien neanke concesso de utilizzar un poca de autorità nei loro confronti: se te ghe provi a dar un papin in pubblico el genitor ciapa del "mostro" e el picio vien difeso.

Scuseme tanto ma mi son dell'opinion che co servi la piada in tel popoci, xe de darla! :baston:

:bye:

Link to comment
Share on other sites

infatti, le sberle da grandi ga l'effetto contrario al voluto, le va somministrade, poche ma bone, quando xe ancora fioi. mi de picio go ciapado qualche sberla de mia mamma ed una anche de mio papà, a distanza de tanti anni ricordo ancora perfettamente el motivo. non digo de dar lignade come niente ma anche la teoria che ga preso piede che i fioi non devi neanche eser sculacciadi xe assurda, le persone xe prima de tutto degli animali e i fioi xe come i cuccioli, zigarghe servi a poco, vedo i miei tre nipoti, te ghe urli de non far una roba, i se caga addosso per 10 minuti e poi la rifà perchè el ricordo xe sbiadido ed alla fine un urlo non fa mal, quando i combina qualcosa e ghe rifilo una pappina invece chissà perchè poi non la fa più. ma i xe pici, se li tirassi su a urli poi da grandi non serviria a niente darghele o sbatterli in galera perchè noi capiria perchè fin a quel momento ghe iera permesso tutto e poi no.

Link to comment
Share on other sites

Vara....mi che fazo parte dei muli de sta età....ve assicuro che quei con la testa sulle spalle xe davvero pochissimi  :ehno:  :ehno:

te dago ragion, anca qua de mi, nela bela Vienna (città che me ospita) i muleti de quell'età fa robe incredibili, allucinanti talvolta. Me ricordo che i miei se fazevo una cazada grande i me me meteva agli "arresti domiciliari", e se sgaravo iera papini. Ora no saveria dir se xe giusto, ma me ricordo che mi almeno portavo rispeto verso i miei veci.

Link to comment
Share on other sites

infatti, le sberle da grandi ga l'effetto contrario al voluto, le va somministrade, poche ma bone, quando xe ancora fioi. mi de picio go ciapado qualche sberla de mia mamma ed una anche de mio papà, a distanza de tanti anni ricordo ancora perfettamente el motivo. non digo de dar lignade come niente ma anche la teoria che ga preso piede che i fioi non devi neanche eser sculacciadi xe assurda, le persone xe prima de tutto degli animali e i fioi xe come i cuccioli, zigarghe servi a poco, vedo i miei tre nipoti, te ghe urli de non far una roba, i se caga addosso per 10 minuti e poi la rifà perchè el ricordo xe sbiadido ed alla fine un urlo non fa mal, quando i combina qualcosa e ghe rifilo una pappina invece chissà perchè poi non la fa più. ma i xe pici, se li tirassi su a urli poi da grandi non serviria a niente darghele o sbatterli in galera perchè noi capiria perchè fin a quel momento ghe iera permesso tutto e poi no.

Purtroppo xe tutto sbagliado! I genitori de oggi no xe in grado de gestir la vita dei propri fioi. I tempi xe cambiadi (me par de parlar come mia nonna :D ) nel giro de pochi anni e del tutto in pezo. Per farve un esempio... mi no podevo girar de notte, el mio coprifuoco iera le 22 fino a 17 anni. Andavo a ballar al pomeriggio, il cellulare lo go avudo al secondo anno de università, i miei controllava con chi iero, dove andavo, i me diseva a che ora tornar e guai se fazevo ritardo.

Adesso te vedi i fioi delle elementari col cellulare, che i disi parolaze fora delle scole. E quel che xe più sconvolgente che i genitori xe a due metri e no i disi niente! Me fa una rabbia! Mi ghe gireria la testa dall'altra parte così te impari. No digo de usar la cinghia o la bacchetta per darghe sulle man come 50 anni fa ma concordo con Tommy che una bona sberla ogni tanto xe solo che salutare!

:baston::baston:

Link to comment
Share on other sites

Mi co iero picio ghe ne go ciapade de mia mama, ma tante che gnanche no ve digo :baston::caregaintesta::baston::caregaintesta::baston::baston: . E savè una roba? Credo proprio che la gavesi tute le ragioni de rochetarme e grazie a ela son vignù su drito come un manigo de scova! 'Deso i muleti no te li pol tocar, comanda lori e anche a scola no se devi darghe un picon perché dopo i se stresa!

Ma dove 'ndaremo a finir?

Link to comment
Share on other sites

Cmq i genitori ga le proprie colpe perchè non xè in grado, a mio avviso, de dar un'educazion anche perchè xè i genitori stessi che la ga persa per strada. Però xè tanti i casi in cui xè el/la giovinotto/a che per puro spirito de contraddizion e libertà che se metti a far robe che i genitori ghe ga sempre spiegà che xè sbaglià. E questi se trova un gruppo de gente simile fa una brutta fine.. :(

:bye:

Link to comment
Share on other sites

resta el fato che oggi i esagera; mi de muleto le go ciapade perchè son andado a rubar le ciliege dale suore a Roian (be ma iera un bel albero grando e pien de ciliege), go ciapà papini perchè con i muloni semo entradi in una viletta abbandonada (naturalmente recintada), e no se semo accorti che ghe iera un guardian e chel gà ciamà i caramba; e altre cazade, ma non me saria mai venù in mente de far tarzan in bus e darghe martelade in testa ale vecette. :confused:

Link to comment
Share on other sites

non me saria mai venù in mente de far tarzan in bus e darghe martelade in testa ale vecette. :confused:

ripeto: per mi xe el piccolo che cariga le notizie, come ogni estate. E, sopratuto per i muleti, carigar le notizie equival speso a dar esempi... pronti a eser emuladi. Per mi i podesi evitar...

Del resto come xe za sta dito no cori darghe sciafe al fio quando te lo impinissi de monade, celular in primis

Link to comment
Share on other sites

Ogni tanto i genitori devi darghe una sana sberla... :baston:

In ogni caso son convinto che bisogna essere sottili con sti comportamenti, mi vedo sai ben le punizioni all'americana, riva i vigili e processo in diretta per i minori con seguide delle belle ore de "servizio sociale" netarghe el cul ai veci, o pulir le strade alle volte pol esser una punizion peggiore della sberla e i se la ricorda...

:baston::baston:

Link to comment
Share on other sites

putroppo xe un problema che ga moltissimi "colpevoli"

genitori: sti ultimi genitori li vedo molto lassisiti...no digo che te devi esser tipo i marines, ma un po' de fermezza a sti fioi va dada! e questo no accadi, anzi, se pensa che far el genitor sia un hobby, e inveze xe un mestier difficilissimo

tv/giornali/media: domanda: quali ideali ve dà ste robe? zero virgola zero. no digo che una volta iera tutto rose e fiori, ma... putroppo i giovani varda molto tempo la tv, e i ideali che la tv propina xe totalemente sbaiai... e se un genitor fa danni la tv li raddoppia

punzioni: anche qua ghe xe buonismo...anche qua bisognasi un poco usar un poco de pugno de fero, farghe far servizio sociale (netarghe el sederino ai non autosufficienti, taiar le aiuole, robe così) anche per farghe capir che la vita xe diversa da quel che i pensi...

insomma, xe un discorso difficile...e el problema xe che troppi pochi sembra rendersene conto...

Link to comment
Share on other sites

anche se no go letto tutto.. cosa che proverò a far in sti giorni :rolleyes: .. concordo con el fatto che la muleria de oggi xe veramente fora dei copi...

I ga troppe cose intorno a lori che li istriga a violenza, a cercar valori che non xe quei giusti.. i trova risposte in te la tv invece de chiederse come vadi vissuda la vita reale.

el brutto xe che i xe anche piu consapevoli de quel che i fa.. no xe più l'innocenza de una volta.. la stupida incoscienza de far la marachella se proprio volemo dir.

e bon che non xe che vadi sai lontan dalla mia generazione.. :puntini:

Link to comment
Share on other sites

No me piasi quando se comincia un discorso atribuindo tute le colpe ala societa`: come saria dir che no xe responsabilita` dei adulti? Xe lori per primi a dar el cativo esempio o a esser lacunosi nela magior parte dei casi. Tante volte i xe completamente assenti e dopo i ga el coragio de lamentarse se "i altri" no ghe tira su ben el fio!!! Purtropo xe una grande quantita` de gente no propriamente inteligente in circolazion e questi xe i risultati. Gavendo 39 ani e due fioi, go avudo modo de conosser altri genitori e fioi e veder i rispetivi ategiamenti. Tali genitori...tali figli.

Certe volte par un miracolo che uno rivi vignir su san e drito! Pero` solo el tempo pol confermar 'sta grazia ricevuda, nel senso che fioi che par a posto 'desso, i pol scapotar a 15 ani. Parlo per esperienze de conoscenti.

E a proposito dei scapeloti: no i servi a gnente nianche a 8 ani me par! A 15, bisogna far ragionamenti inveze. Me par che la limitazion dela liberta`, come 2 noti in galera, poderia andar ben, se no i vignissi servidi e riveridi, con tv in cella e robe simili pero`. Due noti de lavor fadigoso poderia andar ben.

Link to comment
Share on other sites

Join the conversation

You can post now and register later. If you have an account, sign in now to post with your account.

Guest
Reply to this topic...

×   Pasted as rich text.   Paste as plain text instead

  Only 75 emoji are allowed.

×   Your link has been automatically embedded.   Display as a link instead

×   Your previous content has been restored.   Clear editor

×   You cannot paste images directly. Upload or insert images from URL.

Loading...
  • Recently Browsing   0 members

    No registered users viewing this page.

×
×
  • Create New...
×
Il Forum di Elsitodesandro
Home
Activities
Sign In

Sign In



Search
More
×