Novo largo tra le rive Grumula e Ottaviano Augusto

[Starlite]

Xe sta fato el sondagio dal Piccolo.

Ma qua volesi veder nove idee.

Tra le risposte piu' serie pervenude al Piccolo xe:

Maria Teresa (la proposta a mio avviso piu' valida tra quele del Piccolo, anche se saria un poco fora zona - quindi non ottimale)

Straulino-Rode (iera atleti triestini de quel che go capì, ghe stassi meio quindi intitolada una struttura sportiva - per esempio perché continuar a ciamar impersonalmente el PalaTrieste?)

Giovanni Paolo II (no me par che c'entri ssai, anzi per niente, ok xe sta una figura storica importantissima ma cossa ga a che far con Trieste? si.. xe passa' de qua, come in tuto el resto del mondo... no... piutosto la via che porta al tempio mariano de m.te Grisa saria meio intitolarghe)

Sacchetta (xe difronte alla Sacheta.. al limite ghe stassi, toponimo e via)

in piu' suel segnalazioni de ieri, un ga proposto:

Angelo Cecchelin (anche se ghe stassi meio intotolado un teatro - però xe tra le proposte, l'unico personaggio Triestin, molto importante secondo mi, che pero' no xe mai sta valorizzado culturalmente, poca gente lo conosi, e per el periodo in cui ga lavorado e quel fazeva... secondo mi meritassi che ghe sia intitolado qualcossa a Trieste - xe un personaggio storico triestin)

E poi... "Largo" o "Piazza"? Mi me va piu' Largo, perché Piazza me ga piu' de qualcosa de ben delimitado, che la non xe. Ma questa forsi xe una sottigliezza.

[arska]

son per le prime 2, pari merito

[Maurizio72Ts]

alora, vedemo un pocheto:

Maria Teresa : come ga za dito qualchidun xe un pocheto fora man (me par );

Straulino-Rode : visto che probabilmente questi xe atleti (se podessi darghe el nome a una palestra o zone limitrofe;

Giovanni Paolo II : figura molto amata dalla gente e, come dito da star, se ghe podessi intitolar la via che porta Monte Grisa;

Angelo Cecchelin : artista teatrale triestin e val lo stesso discorso, solo in ambito teatrale, fato per i due atleti de cui sora;

no resta altro che darghe el nome de Sacchetta (za che semo in zona )

[Starlite]

Podè propor anche altro eh

[trert]

Largo della Sacchetta xe el meio a mio aviso..

[Stefano79]

Mhhh...sarìa de trovar una persona che ga fatto qualcosa de concreto per la città. Basta con nomi de papi, cardinali, santi, santini e compagnia bella...

In alternativa Largo della Sacchetta pol andar ben

[Juliet]

Largo della Sacchetta

[Beck's]

Per mi o Sacchetta , o Tiberio Mitri (ma anche Duilio Loi)

Non so perchè, ma un nome de un pugile per mi là ghe stassi.

[Starlite]

Non so perchè, ma un nome de un pugile per mi là ghe stassi.

Per mi fa a pugni col resto... battudon.. ok.. bona domenica

[saretta]

Diria Largo Giovanni Paolo II o Woytila.. come che i vol!

[Beck's]

Per mi fa a pugni col resto... battudon.. ok.. bona domenica 

Saria proprio un pugno in un ocio, te ga ragion, meio largo sacchetta.

[tifone]

Largo Angelo Cecchelin non me dispiasessi per niente,un giusto riconoscimento a un grande personaggio.

[cenerentola82]

Per quanto riguarda Maria Teresa mi ghe dedicassi qualcossa de più importante come la via centrale del Novo Porto Vecio riqualificado e magari con una bela statua. Me par assurdo no dedicarghe qualcossa de importante visto che se no fossi sta per ela, Trieste saria ancora una cità de pescadori dove se parla furlan in provincia de Muja.

Per sto qua me 'ndassi ben a Cecchelin, ma anche al baron Goffredo de Banfield, a Carolus L. Cergoly o a Mariano Faraguna. Probabilmente xe tanti altri che se meritassi, a mi me xe vignù in mente questi.

[Malto]

eeeh un bel Largo Carpinteri&Faraguna ghe stassi...anche se me par che el primo xe ancora tra noi!!!