superstizioni

[saretta]

Visto che oggi xè venerdì 13, e mi già el 13 me porta un pò de nera, in più venerdì 13... oggi meio che non movo...

... me chiedevo voi quanto se superstiziosi? e se lo se, in che cosa? Mi per dir non in tutto, go solo la fissa del 13 e de non passar sotto la scala.. el resto non e preoccupa e non me tangi...

[cucciolina]

Go votado...per niente

No ghe credo alla scala, ai gatti neri, ai venerdì 13, al sal cascà o a tutto el resto.

[iguanadan]

Io non metto il cappello su letto e poltrone...

ma solo perché poi mi ci siedo sopra

[cenerentola82]

Mi go messo "dipendi".

Per esempio no guido mai coontroman in autostrada.

I disi che porta 'sai mal.

[mula alabardata]

Per esempio no guido mai coontroman in autostrada.

I disi che porta 'sai mal.

e credo ben.. no so quanto te sopravvivi!

[trert]

se posso evitar certe robe le fazo (tipo passar soto una scala o butar soto un gato nero.. però altro no credo

[Cat832]

Mi go messo per niente, infatti nn go nessun problema, nè coi gatti neri odiadi da tanti, e tantomeno me fazo problemi a passar sotto a una scala o un'impalcadura...

Neanche i giorni me crea problemi, però co andavo a scola se iera quei giusti come ven 13 o 17, fazevo lippe, perchè gavevo una scusa

[babatriestina]

Mi no ghe credo, però.... co son passada soto una scala propio quela sera me go becado un strapo muscolar che me ga fato star tre setimane ingessada e tre mesi che caminavo mal.

Ogi venerdì 13 ancora un poco e vado soto un autobus, iero sule striche e el mato xe arivà de corsa taiandome la strada, go solo che ciapado paura e un picio colpeto sul brazo , podemo anca dir che al contrario go avudo sai fortuna!

Però no meto mai capel o ombrela sul leto.

[iaga]

Go messo dipendi.. perchè a volte ghe fazo caso.. altre no..

oggi per esempio gavevo un esame ma non me xè neanche passà per la testa che iera venerdì 13

El gatto nero preferiso che el speti che passo prima de attraversar la strada.. ma se proprio el ga furia che el passi ah! cossa posso farghe?!?!

[trert]

El gatto nero preferiso che el speti che passo prima de attraversar la strada.. ma se proprio el ga furia che el passi ah! cossa posso farghe?!?!

te acceleri.. gavemo parlado tante volte ai meeting della nostra usanza coi gati per strada..

[iaga]

Si, ok, ma.. quel nero?!?!? bah.. preferiso farlo passar che butarlo sotto.. (anche perchè a pie xè difficile stirarlo.. e in bus non son mi che decido! )

[Ghost]

Tra le opzioni dovevi mettere la classica risposta istriana.

Creder no costa niente quindi meio pararse el cul.

Non credo nelle supersitzioni... come non credo nelle religioni.

Ma quando evitare un malocchio o fare un gesto flocloristico che fa far due risate non costa nulla non vedo perché evitare per sola "opposizione".

[Maurizio72Ts]

Ah...perchè ogi xe venerdì 13? Varda, mi a ste robe no ghe credo x niente e se xe de pasar soto una scala o soto una impalcadura ghe passo tranquilamente, se vedo un gato nero ghe passo vizin senza problemi...in conclusion el 13 e el 17 xe giorni come altri, anche se i capita de venerdì, ma se proprio in quei giorni te se fa mal o te va tuto storto, vol dir che xe el destin che ga voludo cussì e niente altro.

[tifone]

Tra le opzioni dovevi mettere la classica risposta istriana.

Creder no costa niente quindi meio pararse el cul.

Non credo nelle supersitzioni... come non credo nelle religioni.

Ma quando evitare un malocchio o fare un gesto flocloristico che non costa nulla e fa far due risate non costa nulla non vedo perché evitare per sola "opposizione".

Son daccordissimo al 100x100,no ghe credo ma non costa nulla farlo

[cucciolina]

te acceleri.. gavemo parlado tante volte ai meeting della nostra usanza coi gati per strada..

Poveri miciniiiiiiii !

Vergogna!

[assist]

Go messo poco........ieri che iera el 13 go avudo una ricaduta che me ga costretto a star in letto.

[Matt]

Per niente!

[polpetta]

se per "dipendi" se pol dir che me piasi ogni tanto veder cos che me riserva el futuro digo si.. ma non ghe credo.. xe piu un fatto spicologico..

..se i scrivi o i me disi robe bele te guardi tutto con oci diversi..se xe contrario te se ciapi una crisi de nervi sperando che non sucedi.. [e matematicamente sucedi qualcosa de bruto] <-- questo xe solo un pensier..non quel che me sucedi.

[trert]

ieri sera.. per evitar de tornar a casa el venerdi 13.. son stado fora fin dopo mezanote cussi no go rischiado! no beh.. grave saria se fussi cussi superstizioso!

[Stefano79]

No ghe credo per niente

[assist]

se per "dipendi" se pol dir che me piasi ogni tanto veder cos che me riserva el futuro digo si.. ma non ghe credo.. xe piu un fatto spicologico..

..se i scrivi o i me disi robe bele te guardi tutto con oci diversi..se xe contrario te se ciapi una crisi de nervi sperando che non sucedi.. [e matematicamente sucedi qualcosa de bruto] <-- questo xe solo un pensier..non quel che me sucedi.

Pensiero condivisibile

[Giots]

un poco superstizioso si dei!

[Kiriranshelo]

Per esempio no guido mai coontroman in autostrada.

I disi che porta 'sai mal.

e credo ben.. no so quanto te sopravvivi!

mi go votado "per niente" però vista la motivazion de cenerentola me son quasi pentido.. disemo che podevo esser più creativo

mah.. mi me son trovado uno in scooter che, mentre andavo a muggia, el se ga immesso in autostrada con la freccia a sinistra partindo controman nella corsia de sorpasso...

indovinè cosa stavo fazendo?

Stavo giusto finindo un sorpasso con el fiorin de lavor...

cosa far? sangue freddo go accelerado e me son ributtado sotto mentre la macchina che sorpassavo ga rallentado.

nel speceto dopo go visto che el tipo el se ga fermado e el ga inizià a girar el mezzo con calma...