Sauris e Laggio di Cadore

[Giada]

Siccome gavevimo voia de montagna, sto sabato se gavemo ciapà e semo andai verso Sauris, con la borsa frigo piena de tramezzini e nessun itinerario preciso in testa

Prima tappa, appunto, Sauris e el suo lago: peccà che iera nuvoloso, perchè i paesini (Sauris di Sopra e Sauris di Sotto) merita una visita più approfondida. Peccà anche che no se pol andar in riva al lago!

Questa xe una foto fatta in corsa dalla macchina delle montagne intorno a Sauris (scuseme se no rivo a esser più precisa!).

Sempre dalla stessa strada, tra Sauris di Sopra e Casera Razzo, se ga un fantastico panorama sulla valle sottostante e el lago - azzurrissimo - sul sfondo:

Sandro che fotografa la valle con la nostra compatta Casio:

Una delle solite curve che me piasi sempre fotografar:

L'azzurrissimo lago de Sauris fotografado dalla località La Maina, el punto più vicin al lago che se raggiungi con la macchina:

Sempre el lago de Sauris:

El lago con, in alto, el paese:

[Giada]

Dopo esserse avventuradi fin Sauris di Sopra, gavemo scoperto che una strada che no xe sempre verta collega direttamente el paese con Casera Razzo, un posto che conosso ben perchè andavo in vacanza da quelle parti de picia (come vederè dalle foto dopo!). Là se gavemo ovviamente fermà a magnar formaggio de malga... troppo bon! Dopo semo tornadi indrio fin el lago.

La diga che forma el Lago de Sauris: la fa VERAMENTE impression!!!

La diga vista dal parapetto!!! Ve prego de notar i tunnel per el passaggio dei operai:

Dopo Sauris, semo passadi velocemente con la macchina per Forni di Sopra e Lorenzago e gavemo raggiunto el paesin del Cadore dove go passa tutte le mie estati fin ai 12 anni: Laggio di Cadore. Là gavemo magnà un gelato (una coppa grande al cioccolato 3,50€!!!) e se gavemo incamminà per el sentier botanico che sora el paese conduci alle postazioni militari della Grande Guerra e alla chiesetta de San Daniele. Questo xe el panorama da lassù: Laggio davanti e, sulla destra, Vigo di Cadore:

Nella passeggiata semo rivadi fin alle postazioni militari, molto ben tenude e numerose:

Laggio visto dal bunker:

Sempre da una postazion militare, fioretti e Laggio sul sfondo:

Un pozzo in un giardin del paese:

Un giglio sempre in un giardin:

Modificato 14 Luglio 2007 da Giada

[giuli]

Grande Giada!.. la "gita dell'ultimo momento" porta punti nella sfida vs Marina

[tuxav]

Uff tutti che va a sauris adeso.... :D

podesimo inserir nela sfida de no val i posti dove ghe semo zai sta prima ...

cmq bele tute ma in particolare la vista dal bunker e dala postazin militare !!

[tinuviel]

Acc! qua bisogna darse da far! op op! za due settimane che non andemo da nessuna parte!

belle foto, mi me piasi sai el pozzo e el giglio

Ma come? Te va a Sauris e te magni gelato??

NONONO! Te persi subito un punto!

El formaggio tira un po' su, ma a Sauris xè d'obbligo prosiutto e birra artigianale

come da:

sauris e dintorni

[Giada]

Eh eh eh Infatti domani andemo alla sagra del prosciutto de Sauris

[tinuviel]

cussì me piasi

bravi!

[Stefano79]

Ehm, una domandina che me xe vegnuda in mente vardando le foto della diga, bellissime tra l'altro:

xe forsi Sauris quel lago dove i ga allagà el vecio paese per poi ricostruirlo là vizin? So che da quele parti xe un lago artificiale con un paese sotto acqua, ma no me ricordo qual

Chiedo perchè me piaseria far un'immersion in quel posto Grassie