Dolina degli spiriti e anfiteatro naturale de Basoviza

[molly]

Leggevo sul libretto del Triskell che i parla de un anfiteatro naturale drio a Basoviza.. qualcun sa come se ghe riva???

e poi zercando su internet me go imbatu in quella che vien ciamada Dolina degli spiriti.. mi neanche savevo l'esistenza... cosa xe???

e poi xe la stessa roba?

organizemo un escursion ?

Modificato 12 Giugno 2008 da molly

[babatriestina]

xe una dolina, ma no a Basovizza, la xe drio de Fernetti!

una volta se ghe rivava subito un poco prima del pasese, per un sentier a sinistra, che adesso xe serado del autoporto. e bisogna rivarghe de drio, per esempio dela strada Monrupin-Fernetti. la xe segnalada dei archi de piera. no credo che ghe ne sia un'altra...

una volta la iera tuta a pilastrini, sedili de piera e i diseva che i fazeva riti druidici o chissà che sporchezzi, mi go trovado solo che mace de cera de candela, parlo dei anni '70

ecote un link dove che go messo foto

http://www.atrieste.org/viewtopic.php?t=2365

le foto;

[molly]

che bel.. voio ndarghe... però non go capi comunque come se ghe riva.. se qualche anima pia ga capi me porta?

[Renè]

Mi so che in quei posti, verso mezanote, se agirano le anime del fantasma formagin e del principe dela note, al secolo Giulio Viotti.

[Nona Picia]

Mi so che in quei posti, verso mezanote, se agirano le anime del fantasma formagin

Te se ga mai portà drio el panin?

[b-chris]

una volta la iera tuta a pilastrini, sedili de piera e i diseva che i fazeva riti druidici o chissà che sporchezzi, mi go trovado solo che mace de cera de candela, parlo dei anni '70

La savevo anche mi cusì, iera addirittura stà ditto che i fazeva riti satanici, forsi perchè sul fondo ghe xe una specie de altarin e ... la fantasia galoppa!

Cmq dovessi esser giusto de fianco all'autoporto.

[babatriestina]

a mi, più che de altarin, el me gaveva fatto l'impression de una tavola de pranzo strenta e longa

[Renè]

La savevo anche mi cusì, iera addirittura stà ditto che i fazeva riti satanici, forsi perchè sul fondo ghe xe una specie de altarin e ... la fantasia galoppa!

più che altro xè ragazini brufolosi che i zoga ale mese nere con dò candele e capuzi in testa.

Inveze i riti druidici xè sempre mularia giovine che se imbosca per far..quel che no se disi.

Indubiamente anca una tola de piera, cò te ghe monti suso in tei anni tuta una serie de legende e monade varie, la acquisissi un zerto fassino!! Ma sempre na tola de piera riman..al limite la pol eser bona tra un po' de tempo con la bela stagion, per far magnada de picnic con spritz, petess e vinassa a tuto alè :)

[danielita]

Anche mi cò iero muleta son andàda a vèder se i fazzèva riti satanici in quela dolina... Ma go trovà solo che scartozzi de pan, birete svode e luganighe de viena brusade!

[Starlite]

[...] luganighe de viena brusade!

Ma se i fazeva riti satanici e magari con sacrifici... semo sicuri che iera luganighe de viena?

[danielita]

[...] luganighe de viena brusade!

Ma se i fazeva riti satanici e magari con sacrifici... semo sicuri che iera luganighe de viena?

Orpo, no so... forsi iera anca de cragno!

(Nota l'eleganza con cui go svià la maliziosità dela tua domanda)

[Starlite]

Orpo, no so... forsi iera anca de cragno!

(Nota l'eleganza con cui go svià la maliziosità dela tua domanda)

maliziosità? cossa xe?

[molly]

prima spedizion fallita BT mi e Assia, il can de mia mamma no gavemo riva scorger sta dolina.. ringrazio Baba per la cartina .. e dalla cartina me par de capir che gavemo fatto un giro intorno e gavemo chiaramente segui el sentier sbaiado :S

riguardo l'anfiteatro de Basoviza me sa però che xe un'altra roba.. nessun sa qualcosa de più?

[basketteam]

prima spedizion fallita BT mi e Assia, il can de mia mamma no gavemo riva scorger sta dolina.. ringrazio Baba per la cartina .. e dalla cartina me par de capir che gavemo fatto un giro intorno e gavemo chiaramente segui el sentier sbaiado :S

riguardo l'anfiteatro de Basoviza me sa però che xe un'altra roba.. nessun sa qualcosa de più?

in compenso gavemo calà la panza e ghe gavemo fatto quasi partir la pompetta alla povera Assia che ansimava come uno yak alle pendici del Manga Parbat :lol:

[Renè]

No son mai stado sul Manga Parbat..però son stado moltisime volte sul Nianca Pelcul!!

[molly]

la seconda spedizion xe anda a buon fine.. a presto le foto..

sai suggestivo el posto

però l'opera dei vandali xe ben evidente.. e xe davvero un pecca.. ma non i podesi metterlo a posto?

[basketteam]

ah si, se andai?

bravi bravi

[molly]

allora ecco una foto de gruppo.. con tanto de can che ne accompagnava (sembra in posa anche lui )

By elimol13

ecco gli archi:

By elimol13

un arco più vicin

By elimol13

quel che resta della dolina vista dall'alto (el tavolo xe spari :S distrutto da vandali deduco)

By elimol13

Modificato 3 Novembre 2008 da molly

[molly]

questo non so cosa sia (baba help )

By elimol13

By elimol13

[babatriestina]

questo non so cosa sia (baba help )

li go visti anche mi ma no go idea, par come i palchi in teatro.. no te penserà miga che mi sia andada a partecipar ale "riunioni" che i fazeva quela volta ? :D :P

ben, intanto go piazer che gavè trovado.

[molly]

si anzi te ringrazio ancora per la cartina

e le spiegazioni per rivarghe che xe stade sai utili

eheh no.. non penso te partecipavi alle riunioni

[tifone]

Interessante come posto però devo dir che star nel fondo della dolina me ga messo un poca de ansia,iera una strana atmosfera.....

[molly]

saremo suggestionabili ma la strana atmosfera la go sentida anche mi.. co scendeimo me xe vegnu la pelle d'oca :S

[tifone]

Si ma scendendo zò in dolina son mi che go rischià la vita miga ti

[sergio78]

Si ma scendendo zò in dolina son mi che go rischià la vita miga ti

No so se te ga rischià la vita... ma come distruttor della flora del carso te son unico.

Comunque go notà che tutto intorno alla dolina iera pien de alberi e arbusti morti...ancora un poco i se spaccava solo toccandoli...mah sarà stà una mia impression