La guerra del pese

[Starlite]

El Comun ga concesso in piaza Ponterosso la vendita diretta del pese ai pescadori cusì che la gente posi andar comprar pese fresco e spender de meno che andar in pescheria.

Questo ga sollevado le proteste delle pescherie che ga anche comprà una pagina del locale quotidiano per farse pubblicità elogiandose rispetto alla bancarella de Ponterosso (anche se non direttamente).

Mah... mi me par solo che ben se i pescadori pol vender direttamente el pese e ala gente ghe vien costar de meno. Tanto, se xe fresco dovesi eser el steso che te trovi in pescheria no? Ma a meno prezzo.

[Ikeya]

più che altro i diseva che tipo la metà delle barche da pesca vegnerà rottamade... ma semo sicuri che i pescherà bastanza pese per tutti?

[cucciolina]

Mi no bazilo perchè pesse no magno però no me par mal l'idea de vender el pesse direttamente

[Stefano79]

Ottima idea, iera ora! Meno passaggi xe e meio xe. Comunque in genere el pese vado a pescarmelo, quindi personalmente no me cambia sai

[molly]

che bel!!! come iera una volta (e come xe ancora in alcune isole dalmate )

mi me par un'ottima idea

e le pescherie che sbasi i prezzi cussì xe tutti contenti

[Ikeya]

comunque i grossisti xè el più grande mal dell'Italia... no i podessi cavarli del tutto?

[arska]

vero, vero..

Mi digo solo che el pescador xe un lavor dificile speso pagado sai, sai mal.

Quindi se i trova un sistema per poder viver meio, giusto perseguirlo! Saria sbagliadisimo da parte dela politica meter i bastoni tra le riode :-S ghe manca solo la casta dele pescherie.

I intermediari dovesi capir che magari xe el caso che anche lori i pensi a darse a setori produtivi dela società. Questo val in tuti i setori, e specialmente in quei "base" come pol eser el pese o la agricoltura.

Presempio: ghe volesi più alevamenti de pese, perchè quel del Adriatico no basta sicuro per tuti.

Perchè quei de le pescherie, o altri, no i inizia a meter su alevamenti seri come in Norvegia e Svezia?

[Gianburrasca]

Per chi che ga tempo e riva veder, ogi ale 13.45 su Tele4 se parla del mercato de Ponterosso e del pesse che se vendi là.

Sarò mi e la Nemez dela Associazion Tutela dei Consumatori in studio con Chiara Paduano e telefonade in direta.

[basketteam]

e le pescherie che sbasi i prezzi cussì xe tutti contenti

le pescherie no pol sbasar el prezzo perchè i compra el pesse a più alto prezzo de come i grossisti vendi in ponterosso...

purtroppo ghe xe drio talmente tanta magnadora che no gavè neanche idea, per questo mi no voto, perchè el discorso va ben oltre a un si che bel o un no che brutto...

resta el fatto che sta roba anderà a mandar in rovina tutte le pescherie de Trieste che no pol (e ve assicuro mi che no pol) farghe concorrenza ai prezzi de ponterosso

[dido76]

mi premeto che no magno pese...o almeno magno pochissimo e "purtropo" xè quel che costa...

cmq secondo mi el prezzo in generale xè rivado a eser tropo elevato (ma questo purtropo val per tuta la roba alimentare) e nel momento in cui qualchedun trova el modo de sbasar drasticamente el costo xè chiaro che el setor va in tilt...

ma dopotuto la gente ga de magnar, le paghe dei + xè a liveli de tirar la cinghia per rivar a fine del mese, quindi chiaro che se un trova dove el costo del cibo xè inferiore, va a comprarlo là....

el problema no xè mio che compro...xè dei comercianti in generale che ga de farse sai autocritica e pensar a quanto (dal'entrata del'euro) i ga tirado su el prezzo...senza continuar a dir: xè colpa del grossista.

vero che xè colpa del grossista che a sua volta ghe darà la colpa a chi che che porta el pese a lui e via così...però alla fine chi che compra che colpa ga???

nessuna...se non quela de gaver continuado a comprar la roba che gaveva un prezo folle e insensado, e che de conseguenza ghe ga dado la sensazion, a chi che fazeva certi prezzi, che andava ben perchè i vendeva comunque!

anche xkè,me pongo una domanda: quei che protesta e che ga fato la pagina de protesta sul giornal xè,credo, unidi come grupo tipo in qualche "asociazion"...xkè no i fa anche lori una cosa simile?

se poi inveze xè singole pescherie ok, però za sbasar el prezzo no saria miga mal.

forse go deviado dal discorso,nel qual caso chiedo venia

[trixie]

onestamente se le pescherie dovessi viver de quel che compro mi.......le saria za serade de anni

ma a parte le monade, mi sento tutti i veceti che xe contenti che finalmente pol

ciorse un pesetto senza spender 1/2 pension....

giusto Arlon el pescador xe un lavor fadigoso, ma quanto a malpagà... no saria ssai sicura

le pescherie che mi sappia le va comprar al mercato del pesce (alla ex Gaslini dove tutti i pescadori

ogni mattina scariga el pescato della notte) .......peraltro nelle pescherie cittadine te trovi un sacco de pesse congela' che riva

dai paesi del nord, ma anche pesse che riva dal Veneto e Croazia, qual che me fa rabbiar xe el fatto

che no se differenzia el prezzo, comunque che sia pesse locale o pesse che vien de lontan, costa un ocio della testa....

e allora benvenga questo genere de iniziative

[arska]

.......peraltro nelle pescherie cittadine te trovi un sacco de pesse congela' che riva

dai paesi del nord, ma anche pesse che riva dal Veneto e Croazia, qual che me fa rabbiar xe el fatto

che no se differenzia el prezzo, comunque che sia pesse locale o pesse che vien de lontan, costa un ocio della testa....

Questa xe una roba che me go sempre domandado anche mi.

Per mi qua xe el punto che, se i pescadori riva a gestir anche una certa fascia de vendita, le pescherie quela fascia la perdi.. complimenti ai pescadori che se sa organizar, e basta.

Ripeto, xe quei dele pescherie a dover adatarse a un mercato che cambia, no viceversa. (fato un esempio pochi post fa)

(lasemo star che a milan go visto pescherie che fazeva aperitivo con degustazion de sushi, ecc diventa un poco kitsch, la question)