El "balòn" de Capodanno !

[chompo]

Rientro a casa da un normalissimo, tranquillissimo Capodanno, che tanto mai me ga entusiasmado come ricorrenza.

L'unica roba che tra una monada e l'altra, iero in bona vena e quasi senza accorgerme go tacado a piriar. E tra una ciacola e l'altra con alcuni amici, go impinido e svodado parecchi biceri e desso all'uscita dal local, el responso xe inequivocabile. Son carigo!

Rientro casa, me sento un attimo in cusina e verzo el picio televisor, xe el canal de Sportitalia. Vedo inquadrado in primo pian uno che son sicuro de conosser, ma go un'esitazion...el tempo de codifica dei dati da parte del mio zervél (o de quel che xe rimasto...) xe rallentado, la banda me vien ciuciada dall'utente Teràn, che filtra la mia connession sia in entrata che in uscita...

Ah ma si xe Leo, Leonardo, vecchio cuore rossonero. Omo de azienda e anche allenador del Milan l'anno scorso. Come che i allarga el campo dell'inquadratura, me par de veder che sulla tuta che el indossa xe el stemma dell'Inter...drio de lui poi altri loghi,stemmi e sponsor dei nerazzurri milanesi. E sto bimbìn de brasiliàn che parla come se el fussi l'allenador dell'Inter...

Si Leonardo che allena l'Inter e mì son Massimiliano D'Austria! Che carigo ara che son me digo...sghignazzando me mando cagar solo e me digo de andar in leto che xe meio, prima de gaver altre allucinazioni...

Go la bocca impastada però, savè come che xe el Teràn, liga .

Ciogo la bottiglia de acqua per darghe una slucada, come che svido el tappo però la me fila de man e cussì me svodo mezzo litro de acqua sul pavimento.

Invoco ripetutamente el suino, infamandolo! :incazzado:

Ecolo ah...voi subito a pensar mal...el suino a cui me riferivo, no iera miga Dio. Bensì Fantinel! B)

Me strassino in camera de leto, dove fin che me cavo le scarpe e me spoio go modo de apprezzar el basculamento sincopato della mobilia. Che naturalmente centellina queste esibizioni, riservandole solo ai grandi momenti.

Me buto finalmente in paiòn e me digo che oggi no xe scuse! Xe el primo dell'anno e son imbozzetà, questo me da dunque diritto a far qualche bel sogno! Possibilmente entusiasmante! Avvincente! Positivo!

Eeeeeee che cazz...!!!

No fazo in tempo a zercar de immaginarme in qualche logo caldo e soleggiato, in compagnia magari de una moraccia da urlo, che vegno avvolto da quel stato de semi incoscienza con bocca spalancada e respiro pesante, che spesso precedi el sonno del carigo.

Giusto el tempo de molar una nera. De quele che te senti el fermento nel ventre e poi un lungo e strozzado...ffffffffffffffffff.

Si, le terrificanti e olfattivamente temutissime foffe!!

Vegno graziado da Morfeo che me avvolgi e fa indormenzar, senza rivar ad apprezzar l'aroma sicuramente corposo ed intenso della nera in oggetto.

Aaaah...parti le immagini...finalmente sogno!

Vedo el vecio stadio Grezar...ussstia ara che picio che son! Ma e quei che zoga con l'unione chi xe? L'inquisizion forsi...con quela maia crociata !?! Ah no xe el Parma! E sti bucài i ne anche lavora! I vien a vinzer 1-0, rovinando quel che podeva esser el preludio ad una promoziòn quasi raggiunta. Me riprometto che magnerò solo Grana Padano e no tocherò più nianca una scaglia de Parmigiano Reggiano.

Mmh che bale però...se gaveva parlado de bei sogni...no de brutti ricordi d'infanzia...

Improvvisamente cambia lo scenario, vedo rivar ingrandindose sempre de più (tipo effetto zoom in entrata) una testa rossiccia. Ma si ah xe el Buffoni de Colle Umberto.

"ADRIANOOOOOOOOOOOOOOOOOOOOOO" zigo.

Orpo el xe inveciado desso che lo vedo de vizìn, però el ga sempre quella faccia che emana simpatia, genuinità, con quela sua timida anda che cela la brava persona che el xe.

El ga un caliceto in man, con ancora un dedo de roba dentro, "sa.." el me fa "non ho portato niente per te, perchè mi sembra tu sia già abbastanza in ordine.... . E ad ogni modo non vedo a cosa si possa brindare in questo momento a Trieste..."

Sogni entusiasmanti...positivi...ma cooooome xeeeeee ouuuuuuuuuuuuu !!!

El scompari de colpo lassando posto ad un mouse...

Un grande mouse nel nulla...

Poco a poco però el topo se deforma, e comincia ad assumere i connotati de un viso umano...Ancora qualche movimento eh...ULO!! Ma si ah! Xe Totò-Franco nostro! Parto col coro: segna per noi Franco DeFaaaalco...segna per noi Franco DeFaaaalco!!

El verzi la boca, esibindo l'inconfodibile roditore style e el me fa:

"per accedere al Bios prima del caricamento del ssccisscctema premere F 10

per accedere in modalità provvisoria prima del caricamento del ssccisscctema premere F 8

per accedere a Fantinel prima della retrossccessiò dell'Unione premere F ANCULO"

E el logo caldo e soleggiato...e la moraccia da urlo...

Me ribello! Incazzado come un'orso a cui i gha ga appena ciulado el miel, me meto zigar "BAAAAAASTA!! BAAAAAAAASTA!!!"

Me sveio tutto sudadiz, sempre carigo e con la certezza che la risposta alla domanda se la vita è un sogno...o i sogni aiutano a vivere meglio, mi no la go!

De sicuro però so che se gavesi Marzullo per le man.....u'uuuuuuca mare :baston:

Me sento sul leto e sconsolado penso che se el bongiorno se vedi dal mattino, sto anno podessi esser longhi, ma sssai longhi.

Son pervaso da un ultimo agghiacciante, atroce sospetto...ma possibile esser ridotto cussì ?!? Mi capisso che son impetessà, ma de gaver incubi...de no poder nianca far un bel sogno co' l'allegria dela bala che gavevo 'dosso...???

Ciò ma...digo ma...no sarà miga che quel barbòn de oste, ga fatto l'infame e inveze che Teràn del Carso, ne ga propinado qualche morchia de vin Fantinel ???????????

L'angoscia de questa raccapricciante ipotesi forse troppo pessimistico-complottistica, xe la goccia che fa traboccar el vaso!

Vado in condotto a raccàr!

Ah si, bon 2011 !

Edited January 2, 2011 by chompo

[dido76]

:merodolodalrider: :merodolodalrider: :merodolodalrider:

fantastica

[Nona Picia]

Fortissima!

[romanowar]

Chompo, praticamene un artista!

[atleticoiero]

Quanta poesia!! Grande Chompo!!

[fashionkeeper]

Poche volte go ridu tanto....

[foresto]

Spettacolo, me sn son rivisto in più de qualche scena .........

Complimenti

[El Capitano]

son cascà dal divano ...

[Nona Picia]

son cascà dal divano ...

Spero che no te se gabi macà el "posteriore"......

[basketteam]

bellissima :merodolodalrider: