Lima centravanti?

[iguanadan]

Si è sentito parlare dell'argomento, nel fine settimana. Ok l'autarchia, ma forse qui siamo all'assurdo... oppure lo Zar e il Tonno sono dei geni? A voi il giudizio!

d.

[SandroWeb]

Secondo mi i sta fazendo de necessità virtù...cmq se la mossa xe indovinada xe de darghe la medaia Anche se credo poco in tutto ciò

[saretta]

Non digo niente anche perchè non go presente el giogador.... Cmq meio spetar de vederl in azion no?

[Tonn(ellott)o Nostromo]

Mah, vedremo! Magari xe una soluzion che funziona, mai dire mai!

Ve ricordè de Guerino Gottardi? Messo centravanti in coppa italia a Terni ga fatto una doppietta...

vedremo!

[iaga]

Mi speto de vederlo prima de giudicar.. forsi pezzo del vecchio Mosca non sarà :D

[AquilaBiancoRossa]

Mi speto de vederlo prima de giudicar.. forsi pezzo del vecchio Mosca non sarà :D

quoto

[Matt]

[OT]xe el mio idolo guerino Gottardi...

el ga segnà anca al Bernabeu contro el real...che emozion [/OT]

Mi son sempre più convinto che el zar e Tonnell8 i sia due geni...quindi speto de veder come che se comporta...

Son Fiducioso

[Giots]

non me par un abona idea...un zogador che fino adesso non ga mai zogado neanche nel suo ruolo non vede perche dovessi metterlo in un altro ruolo che non xe el suo....

[Maurizio72Ts]

mah, mi son de l'idea de dover spetar prima de dar giudizi, magari el Tonno e lo Zar ga visto giusto e xe un sior zogador

[Cor^]

Va saver magarifa ban vederemo

[Born to run]

Provar nn nuoce...

[Maurice]

Xe azzardà.....magari el ne segna 3 gol,ma nn son granchè convinto staremo a veder

[Jazz]

Considerado la crosta che el xe in difesa el pol far solo che meio in attacco (o almeno meno danni )

[Maurizio72Ts]

azzardo un pronostico (no stè bastonarme se sbalio eh )

Triestina - Catania 6-0 (tripletta de Lima , due de Godeas e za che semo..un autogol de lori )

[iaga]

Me par Mauri che te gabbi sbaglià

[Born to run]

Esperimento riuscito!! Il ragazzo ha giocato bene, molto bravo nelle sponde...peccato per la sconfitta ingiusta

[AquilaBiancoRossa]

Me par Mauri che te gabbi sbaglià

anche de molto

Cmq el ragazzo se gà impegnà, pecà x la sconfitta

[Giots]

secondo mi l'esperimento nn xe riusci...el mulo xe bravo si ma sicuramente el suo ruolo nn xe attaccante......-.-......resto sulla decison che nn xe una bona idea metterlo in attacco.....

[Cor^]

Ghe la ga messa tutta ma secondo mi nn xe x lui l'attacco

[iaga]

Dopo gaver visto la partida de ieri diria che neanche Baù giogava nel suo ruolo.. quindi aspetto de vederlo meio, se lo Zar me darà l'opportunità.

[diego]

No stemo a scherzar, Lima xe un terzin e se ga visto .No basta la volonta, me vien a mente un cross de Bau che Lima ga incornado come che colpisi un terzin, cioè per rinviar e senza indirizzar la bala.Come diseva la Debegnac, mi penso che i scrivi ste robe solo per insempiar la gente Gavemo sa dei boni attaccanti, spetemo che i torni dall'infermeria.

[Delio]

Tonnell8 ga batù sai sul caratere e la determinazion de Lima, ma no se pol miga vinzer solo con quei, alora ciolemo 11 maori del rugby e sbreghemo el campionato... Te pol eser determinà quanto che te vol, ma senza tecnica no se va lontan...

Tut'al più i podessi far un clone con la tecnica de Baù e la determinazion de Lima, saria un zogador da serie A...

[iaga]

Non se va lontan neanche se te ga 11 come Bau in campo a ogni partida.. Non xè amisibile che un giogador vadi in campo per vardarse intorno e spetar de ciapar la paga. Non posso tollerar el fatto che sti qua sia stanchi perchè i ga fatto una partida 4 giorni prima. Noi fa altro che questo e alzar el bicer.

[Maurice]

Ga ragion Iaga

Lima no gaverà el talento de Baù,ma sicuramente no ga l'egoismo e la poca voia de far una corsetta per andar a cior la bala.

Baù contro el Catania xe sta penoso....Lima invece se ga impegnà come un mato.

Se el segnava anca per una bota de cul ora ierimo tutti qui a parlar de quanto che xe bravo Lima,perchè el se impegna e segna....

11 Lima per la determinazion ne servissi proprio

[SandroWeb]

Sembra che Lima sabato vegnerà confermado in attacco....domanda: ma fa troppo schifo metter Esposito dal primo minuto? Gavemo visto che Lima xe volonteroso come nisun altro, però a puntar la porta el fa una fadiga immane...buh...