Nitidezza (filtro usm)

[tuxav]

Ciau

stavo sbisigando con i soliti programi e tra le varie robe che volesi capir un poco come funzia xe el filtro 'unsharp mask' per la nitidezza.

Qualchidun sa come utilizar quei parametri ? mi me son zoga un poco e el risultato xe sta dele imagine schifose go leto in giro che cambia in base al sensor dela fotocamera o del imagine scansionada e altre robe..

Mi generalmente scatto in raw e dopo esporto in jpg con le impostazioni fate al momemnto del scatto o regolando al max un poco i colori o el wb...

chi sa aiutarme a capir come regolar sto filtro x aver dele imagini piu nitide anche in fase de stampa oltre che sul web? (al di la de discorsi de micromosso, obietivi blablabla...) ? esisti impostazioni diverse se l'imagine dovera eser stampanda o mesa su web?

ciau e grasie

[trert]

me iero perso sta discussion.. perdoneme..

el filtro unsharp mask xe un filtro che servi ad aumentar el sharpen (nitidezza) delle foto.. varia da parecchi fattori come te disi ti..

prima de tutto dalla granulosità dell'immagine.. se un immagine xe sai rumorosa, bisogna star attenti e no se podarà far miracoli.. se invece la xe nitida.. te poderà giogarte meio..

per spiegarte i parametri da usar xe difficile in quanto no conosso el programma che te usi.. mi uso el TLR sharpening che xe un plugin x PS.. xe parecchio complesso ma xe el migliore per i risultati che te da.. (se xe altri avviseme)

el sharpening fa in modo che i contorni dell'immagine sia più nitidi e accentuadi.. in modo da gaver più dettaglio.. in fase de stampa servi molto in quanto te vedi sai la differenza! mentre su web come gavemo visto le immagini varia in maniera enorme da monitor a monitor e quindi no ga sai scopo.. ma un poco xe sempre ben darghe..

se me son spiegado mal dimme

[tuxav]

Uhm ok za qualcosa

ma me domando come se regola e in base a cosa e su cosa influisi el raggio e l'intensita' del filtro ? xe delle regole de seguir?

[trert]

in linea de massima.. i parametri xe:

dimensioni in MP dell'immagine..

nitidezza

tipo de immagine

se un immagine xe picia, xe rischioso far el sharpening (mi no lo consiglio) xke gavendo meno dettagli tendi a crear contorni de roba che no esisti

se la xe grande se pol giogarse za de più..

per la nitidezza un immagine più nitida te pol metter un raggio più picio e intensità più elevata in quanto el filtro tendi a crear contorni ed aumentar dettagli e se xe nitida ciò diventa più facile..

se la xe rumorosa el rumor "incasina" el filtro che tendi a crear contorni de robe che no dovessi.. tipo el sporco nel ciel..

per i tipi de immagine beh.. se podessi generalizzar disendo che macro e panorami xe i tipi de foto più portadi a questa elaborazion.. mentre i ritratti no.. xke vien fora le imperfezioni e i pori della pelle..

cmq.. consiglio de elaborar le foto a maschere de livel.. co gaverò tempo ve mostrerò con delle foto i risultati..

i risultati migliori vien fazendo el sharpening su: acqua, erba, cavei, controluce (ma minimamente), macro de animali..

[tuxav]

Charissimo!!!! grassie mille e spetemo le tue prove!

[Frankie]

se la xe rumorosa el rumor "incasina" el filtro che tendi a crear contorni de robe che no dovessi.. tipo el sporco nel ciel..

No xe proprio cusì... Se el ciel xe rumoroso basta impostar la tolleranza a un valor + alto (5-8), così il filtro lo ignora

Una buona guida la trovi qui:

http://www.photorevolt.com/articoli_id_56.html

[trert]

ma te ottien un effetto pastello..

finalmente un altro che se intendi de photoshop!! son contento!