Cossa costruir in porto vecio e al posto dela feriera?

[Ikeya]

oggi son in vena de sondaggi...

più precisamente la domanda xè...

quale saria la prima roba che faria voi fra queste, nei luoghi specificadi?

mi sinceramente me andaria ben un porticciolo turistico, visto che la richiesta de posti barca xè alta

[molly]

mi in porto vecio faria o porto turistico oppur attracco per navi da turismo e da crociera (che le vadi fin croazia/slovenia - dovesi za eser una ma mi faria de più )

là della ferriera penso pol starghe solo che un'altra industria tanto xe inquinada quella zona... altrimenti un bel centro commerciale anche là e via

[arska]

ma el porto vecio xe enorme come area, se pol costruir tute quele robe, no vedo perchè limitar a una.. :-S

Cmq atvità produttive/commerciali e uffici xe quel che penso mi sia meio, e no ghe xe

[arska]

anca per la Feriera, mi volessi qualche atività portual, là.

[molly]

beh dipendi ... se te fa un bel attracco per navi da turismo ghe vol anche el spazio per i auti che se devi imbarcar e quei che ga de sbarcar (tipo Livorno per capirse)

[davidin]

in porto vecio go messo un bel porto turistico..posti barca, locai e tutto il resto per il turismo...

per la ferriera una bela opera de bonifico e far un bella spiaggia...saria impossibile ma saria una robetta coccola...

[arska]

ma gavè presente come xe, el porto vecio? Limitar tuti quei magazini al solo turismo me pareria ridutivo, boh...

[molly]

beh se te fa un porto turistico stile S. Rocco saria inveze anche negozi, bar, ristoranti, piscine, hotel o bungalow ecc ecc... per cui penso saria comunque ben riempi no? mi ghe metesi a quel punto anche una discoteca o almeno un piano bar ...

dipendi sai cosa se fa... penso che poi per riempir se pol metter de tutto e de più.

[Malto]

Ikeya ma.... te ga la barca?

[Starlite]

[MOD]Go cambià el titolo dela discusion visto che el sondaggio xe dopio [/MOD]

[merlodegraia]

porto vecchio: ristrutturazione delle costruzioni esistenti e creazione di un polo culturale a 360°(musica,pittura,danza,teatro,eccecc) nelle zone senza costruzioni,campi di tennis,piste per pattinaggio,skateboard,,agility,eccecc inutile dire che dovrebbero essere zone aperte a tutti (anche possessori di cani,disabili,eccecc)

all interno del tutto zone di ristoro (vietata vendita alcolici e consumo alcolici all interno dell area)e alberghetti e posteggi attrezzati camper solo per turisti referenziati (no rom,no balordi eccecc) a prezzi accessibili,gestiti dal comune che con i guadagni manterrebbe il tutto.

ferriera: troppo complicato perchè opterei per una spiaggia,ma bisognerebbe valutare lo stato dei fondali e linquinamento del terreno.

nel dubbio,raderei al suolo tutto e bonificherei con spazio verde pubblico apoerto a tutti(anche chi possiede cani)

ovvio che tutte e due le soluzioni(porto vecchio e ferriera),dovrebbero essere sempre controllate per evitare che diventino territorio di personaggi sgraditi.

[Ikeya]

Ikeya ma.... te ga la barca?

si, go una canoa che va a scorese

[Nona Picia]

Mi per el porto vecio go votà la sette, per la ferriera per la ridada go votà la statua de Dipiazza, ma in realtà me va ben la spiageta.

[Malto]

(vietata vendita alcolici e consumo alcolici all interno dell area)

...te sa benissimo che a Trieste questo xe impossibile :D

[babatriestina]

mi go dito marina in porto vecio, perchè fra triestini che ga tante barche e magari foresti forsi se fa afari, ofrirghe un posto per tuti uei che dopo va in dalmazia..

per la ferriera, scartada la spiaggaia che me sa che xe logo inquinado, go messo el rigassificator mi: se veramente xe de farlo, femolo là che xe za bruto..

[merlodegraia]

...te sa benissimo che a Trieste questo xe impossibile

di fronte alla possibilità di non pagare,avvengono anche i "miracoli"...

[Starlite]

(vietata vendita alcolici e consumo alcolici all interno dell area)

Capiso l'intento. Ma xe infattibile E inutile.

Scusa se i apri un ristorante la no i podesi far un piato de pese abbinado a un vin?

[Stefano79]

Al posto del porto vecio faria un porto novo Ma non per mega yacht che no se li pol permetter nisun, ma per i comuni mortali. Quindi posti barca a prezzo ragionevole in proporzion alla lunghezza.

Per la ferriera no so, me basta che i la seri. Go votà per un porto anche là. Se l'opzion "discoteca" fossi stada messa per la ferriera, la gaveria scelta. Cusì no serviria nianche cambiarghe el nome, "disco dance ferriera"

Ok, me copo

[arska]

me va ben la spiageta.

con le petroliere / cargo vari a 1m, la vedo dura che i te lassi

[arska]

(vietata vendita alcolici e consumo alcolici all interno dell area)

Misura fallida miseramente in qualunque posto la xe stada portada. Ma proprio sempre

[arska]

ma scusè.. go capì la marina, ma de quele 2/3 file de magazini, faremo solo piano bar? No saria forsi de veder el tuto in maniera più global??

[merlodegraia]

Misura fallida miseramente in qualunque posto la xe stada portada. Ma proprio sempre

ma proprio non sono daccordo,io per sette anni ho avuto una briocherie notturna a barcola e non ho mai venduto una lattina di alcolico,eppure avevo la fila fuori e quando vedevano che non ho alcolici,bevevano le bibite,l acqua o il caffè.eccecc.a volte si sottovaluta la capacità di adattamento delle persone.

[Nona Picia]

con le petroliere / cargo vari a 1m, la vedo dura che i te lassi

Ma per far la spiageta podemo spostar in qualche altro posto le petroliere no?

[dancan]

Se podessi far de tuto,sicome no se fa lavori con la cariola ,ma coi mezi pesanti (tanti) .Per quala strada te li fa venir,se femo i giusti calcoli xe una sola e la rischia sovraccarico. Zona turistica in porto vecio e fiera in zona industriale,perche' fata coi prefabricati e panei solari la costassi sai de meno.Gavemo l'abitudine de portar tropa roba vicin el centro.In una lavatrice sta 5 kg......

Adeso se vol serar Feriera e tra qualche ano visto che no sara' petrolio la SIOT.Nella zona strutture del porto

Edited November 14, 2007 by dancan

[stephanos]

Via dal centro i veci rompiscatole (che i fa serar i concerti) e se Dipi riva a serar la ferriera se merita una statua!