Matteo Boniciolli out da Roma

[SandroWeb]

Divorzio consensuale tra la Virtus Roma e Matteo Boniciolli: fatale per l'ex coach della Lottomatica la sconfitta rimediata a Bologna nell'ultima gara di campionato.

[west ham]

Orpo, adesso el sarà sempre qua! Non so se sarà un ben...

[SandroWeb]

Orpo, adesso el sarà sempre qua! Non so se sarà un ben...

Dalmasson tirerà sicuramente un sospiro de sollievo, fidite

[alvin66]

me pareva strano che el iera ancora la'....roma non sta zogando chissache' ben da molto tempo..

[romanowar]

Boh!

Secondo mi Matteo xe un ottimo allenador. Però el zogo de Roma xe INGUARDABILE! Alcune cause?

Errori de creazione della squadra:

I zoga senza playmaker, perché Washington xe un realizzator, Vitali xe l'esempio de involuzione più clamoroso del basket italiano dell'ultimo decennio (ve ricordè che bestia che el iera co'l zogava a Montegranaro?) e Giachetti (che comunque xe rotto) xe un casinista che te pol rigirar la partida con le sue entrate 'ignoranti' ma non esisti che el crei zogo.

No i ga gente con punti nelle mani:

Perché Smith ga zogà in modo indecoroso a parte un paio de partide. Washington fa el play per cui el xe in altre faccende affacendato. Datome xe ancora troppo insicuro per regger la squadra sulle sue spalle. I ga trovà Dedovic che ghe ga risolto alcune partide de puro talento, ma no'l pol far tutto da solo.

No i ga un centro affidabile:

Crosariol xe indisponente e Traoré xe acerbo. Gigli (che comunque xe A/C) xe rotto dall'inizio e Hetyvelt xe perso tra i sugamani sporchi della panchina.

La domanda a questo punto xe: chi ga fatto la squadra? Se la risposta xe: Matteo, allora forsi ghe xe stado qualche errore tattico.

L'omo che ga messo i ciodi sulla bara de Roma durante la partida de domenica scorsa a Bologna, Kennedy Winston, l'anno scorso zogava a Roma e no'l xe stado confermà.

Altra scelta errata??

Egoisticamente son contento che el torni a TS, cusì ghe starà drio all'Acegas. Se poi vien fora che i ghe da l'incarico a Boscia de metterse in panca ... me ciapo e vado a Roma a veder el mio "papi" nuovamente in panchina in Italia. Mi adoro Boscia!!!!

Non c'entra niente, ma me xe vignù in mente una roba che ne ga dito una volta un nostro alenador. Iera i gioche della gioventù e zogavo nella rappresntativa della mia scola ai campionati interregionali per andar alle finali nazionali. Gavevimo vinto la prima e zogavimo contro una scola de Pesaro. Coach Pituzzi, prima de mandarne in campo, ne fazeva la presentazion della partida e quella volta el doveva darne un po' de morbin perché i mati iera enormi e i fazeva paura solo a guardarli. Iera tutti come Ivan Drago, ca**o!

El Pit ne ciama e el fa:

"allora muli: oggi xe dura perché el Playmaker riva a veder el zogo anche se el xe girà del altra parte e el pol passar la bala dove che el vol. La guardia xe infallibile de fora, ma se ghe ste tacadi el ve batti in 1c1. L'ala xe un grandissimo ribalzista offensivo e xe el primo terminale della transizion. El centro xe enorme, una boa inamovibile che quando ciapa la bala va su e schiaccia nel canaestro la bala e chi lo marca".

El mitico Ragno ghe fa: Pit, e el quinto zogador?

Risposta del Pit, con faccia alla Clint Eastwood: " Xe el più forte della squadra"!

Gavemo ciapà un trentin e semo tornadi a casa.

[basketteam]

"allora muli: oggi xe dura perché el Playmaker riva a veder el zogo anche se el xe girà del altra parte e el pol passar la bala dove che el vol. La guardia xe infallibile de fora, ma se ghe ste tacadi el ve batti in 1c1. L'ala xe un grandissimo ribalzista offensivo e xe el primo terminale della transizion. El centro xe enorme, una boa inamovibile che quando ciapa la bala va su e schiaccia nel canaestro la bala e chi lo marca".

El mitico Ragno ghe fa: Pit, e el quinto zogador?

Risposta del Pit, con faccia alla Clint Eastwood: " Xe el più forte della squadra"!

Gavemo ciapà un trentin e semo tornadi a casa.

hahahhahahaahahha... no centra niente, ma fantastica :merodolodalrider: :merodolodalrider:

[SandroWeb]

Beh, viva l'onestà intelletuale de 'sto Pit

[gus]

Ma vara ti ... va a finir che mi e Romanowar se gavemo incrocià per qualche anno al Dante ...

[forazogo]

el mato ga'anche un caraterin no facile, sempre stado un leader da quando che iera picio, el comandava i amici anche se iera piu'giovani de lui (ma piu'pici de altezza..) e co'zogava al Lloyd giovanile o all'Inter 1904 ghe zigava ai compagni se no i lo serviva al millimetro. Delle volte pol starghe sule bale agli Usa che zoga in squadra (come giustamente riportado sora,l'ex Winston lo ga'giustizia'praticamente da solo domenica nel big-match) , e anche ai vari dirigenti, ga' fatto assai baruffe (Savic, Ercolino,Antonetti)e comunque cavolo el ga gira'squadre come una trottola, Udine,Messina,Teramo,Avelin,le 2 Bologne,i belgi del Charleroi,desso Roma. Un pochetin narciso comunque, de quei che pensa de gaver inventa' la palla a spicchi,mitica la sua "autoproclamazion" come miglior coach del campionato italiano 3 anni fa. El suo obietivo sognado xe'la nazionale italiana de palacanestro, su questo mi scometessi. E 'bastanza grave lo scempio sulle spoglie dei poveri fioi de RietiNapoli l'anno scorso,el ga' zoga'con i americani che fazeva come i harlem globtrotter contro i fioluzi de sedici anni che zogava in campo per Napoli l'anno scorso,causa il ciclone-Papalia . Iera stado assai criticado per sto atteggiamento in tutti i forum, tipo aver vinto de zento punti,el gaveva dito che ghe interessava la differenza canestri con i avversari de pari rango,che saria stada utile.. Se podeva no infierir sui muleti,pero'..al di la'della differenza canestri in quel caso che voleva un onor delle armi.

Troppi alti e bassi,comunque.Mal in campionato, piuttosto grave non essere nei primi 8,inveze ben in Euro, ma el giron no me pareva impossibile. Anche l'altro anno,comunque, no me ga parso tutta sta bona stagion che el disi, butadi fora subito ai playoff.

Ah,che lacrimuze de bei ricordi, le squadre de Pituzzi. Esigente el giusto coi muli,ma un pan de omo. Bellissimo l'anedoto,tipico dell'omo. Ecco,Rovatti iera un che podeva continuar al de la'delle squadre della scola. Zarotti dei talenti locali inveze no me piaseva assai nei movimenti,nella corsa,nei rientri e nella lettura de zogo,pero'ga'calca'palcoscenici boni.

[gus]

(...) mitica la sua "autoproclamazion" come miglior coach del campionato italiano 3 anni fa (...)

Autoproclamazion? Me son perso qualcossa. Te me conti?

[forazogo]

niente,praticamente iera el maggio 2007,quindi prima annada ad Avelin,e Boniciolli gaveva dito che el iera sta indubbiamente de gran lunga el miglior coach dell'anno,anzi del secolo,gavendo riva'a far ottime cose in Irpinia,come che el fossi anda'in Burundi. I colleghi no i gaveva tanto apprezza'questa autoproclamazion del messia triestin, ma sopratutto el GM de Avelin, Menotti Sanfilippo, suo nemico e infatti fatto scarigar da Boniciolli per l'anno dopo,gaveva risposto picado che allora Avelin iera la societa'del secolo e il suo pubblico quel del millennio.che Avelin iera da 11 anni fra A1 e a2 e che no i gaveva bisogno dei messia come boniciolli per star al mondo.Anzi,ghe gaveva anche imputado el pessimo acquisto de Pecile. A onor del vero,va dito che Boniciolli l'anno dopo ga'porta'a casa coppa italia e qualificazion eurolega,

anche se ,sempre a onor del vero, con una formazion con Green,Smith,Righetti,Radulovic,Williams ,quindi no proprio i primi arrivadi, tutta gente che el presidente Ercolino gaveva ciolto de sua tasca ,dubito che con la gestion precedente de Avelin se podeva vinzer,messia o no messia. Dopo ghe iera sta quela sceneggiada spiacevole,gaveva dovudo intervenir addirittura Renzi della lega per convinzerlo, che Boniciolli no voleva tornar ad Avelin sentado sulla panca della Virtus BO per paura dei tifosi contro e la sua incolumita', e Ercolin se gaveva assai picca' disendo che Matteo el guardava troppi film ,che el se fazeva fantasie,e che al massimo ghe saria stado qualche fischio come in ogni palasport. Infatti la gente non gaveva apprezzado che il mato gavessi lassa'Avellin per la famosa scelta de "libro cuore"de star con la famiglia a Trieste,

salvo piombar con valigie,cappotto e cappel a Bologna in autunno,ciamado dalla Virtus al posto de Pasquali

[basketteam]

son d'accordo con Forazogo sul fatto che Matteo veramente nei ultimi anni xe sta semprte con la valigia in man... segno inequivocabile de un carattere no facile e de risultati sul campo no sempre eccellenti.

per mi rimani un buon tecnico de gran lunga el migliore dei triestini da 30 anni a sta parte...

[romanowar]

Ma vara ti ... va a finir che mi e Romanowar se gavemo incrocià per qualche anno al Dante ...

Dipendi da quanti anni fa te ghe ieri. Per mi ghe ne xe passadi parecchi ...

Ah,che lacrimuze de bei ricordi, le squadre de Pituzzi. Esigente el giusto coi muli,ma un pan de omo. Bellissimo l'anedoto,tipico dell'omo. Ecco,Rovatti iera un che podeva continuar al de la'delle squadre della scola. Zarotti dei talenti locali inveze no me piaseva assai nei movimenti,nella corsa,nei rientri e nella lettura de zogo,pero'ga'calca'palcoscenici boni.

Se te conosi Ragno, allora xe probabile che se conosemo anche mi e ti.

Altra Carambada???

[SandroWeb]

(OT) A breve me metto un parruccon biondo e fazo finta de esser la Carrà, con tutte 'ste carambade! :s'ciopado:

[romanowar]

per mi rimani un buon tecnico de gran lunga el migliore dei triestini da 30 anni a sta parte...

E sfido! Mi go smesso de allenar

[gus]

Dipendi da quanti anni fa te ghe ieri. Per mi ghe ne xe passadi parecchi ...

(...)

Se te conosi Ragno, allora xe probabile che se conosemo anche mi e ti.

Altra Carambada???

Romano, se no sbaglio, mi iero un anno avanti a Ragno ... stessa sezion, dirìa, a memoria ... Credo, almeno ... Go fato la matura due giorni dopo la vitoria del Mundial ... Fa ti ...

[romanowar]

Romano, se no sbaglio, mi iero un anno avanti a Ragno ... stessa sezion, dirìa, a memoria ... Credo, almeno ... Go fato la matura due giorni dopo la vitoria del Mundial ... Fa ti ...

Mi iero uno drio de lui e iero in sezione B (Ellade Tagliaferro, Schmidighen, Barzellatto ecc. ecc.) e go finido 2 anni dopo de ti.

Se semo sicuramente incrosadi spesse volte