Come se vivi in Australia?

[SandroWeb]

Visto che da oggi gavemo un novo amico triestin leggermente lontano dai nostri lidi, magari che el ne conta come che xe da quelle parti...

[Starlite]

Intanto un benvenudo, o bentornado, come che te vol

[dcobau]

grazie per el benvenuto.

Mi stago in Canberra, la capitale del'Australia (Oz). Praticamente Canberra xe divisa in 5 sezioni, el centro de Canberra e 4 cita satellite: Tuggeranong, Woden Valley, Belconnen e Gunghalin. Mi stago in Tuggeranong nel soborbo de Kambah.

Lavoro a Belconnen, pero devo pasar per civic (centro de Canberra) per molar mia moglie che lavora la. De sera, torna repete ma ala riversa. Se ve fa piazer, cuche qua per veder dove che son:

http://www.suburbs.canberra.net.au/html/fsregion.htm

Co rive in Kambah, zerche Tepper Circuit, mi son la. Veni dentro per un cafe o un bicier (sorry, non go trapa - qua la xe illegale, ameno che non la sia importada).

Per dir la verita, su certe robe tuto el mondo xe paese. Quei che lavora devi pagar per quei che non lavora. Qua in Oz quei che non lavora xe tanti, tra i pensionai, malai, fioi, e quei che non pol o non vol lavorar quei che lavora mantien meta dela popolazion totale. Che saria OK se la popolazion fossi alta, ma qua la xe sui 20 milioni. Percio gavemo una dele piu tassade nazioni del mondo: 33.33% de quel che te guadagni va in tassa. Po te ga el costo de tute le altre lusurie, tipo $4.50 (sui 2 euro) al giorno per parchegiar la machina sul lavor, el prezo dela benzina che va su e zo come le bale dei oci, (oggi la xe 1 dollaro, l'altro ieri la iera a $1.9) etc. Non de xe incentivo per andar a lavorar, xe meio star a casa a ciapar el dole (orpo, come se disi - xe quel che el governo te pasa per mantinirte co non te lavori)! Varde, xe fin gente che vien qua con l'intenzion de sfrutar el sistema. Meno mal che go smeso de fumar 6 ani fa seno non me bastava per magnar. Question economica finida.......

In quanto ala vita, mi son impiegato governativo (da circa 32 ani), grazie al'esperienza ingrumada in tuti sti ani, ciapo una paga migliore de un che ga un mestier (tipo eletricista, mechanico, etc). Non che me li merito (el mio moto xe fa el meno posibile al piu speso posibile) anche perche non go nesuna qualificazion ma coss vole, xe un lavor sporco e qualche d'un devi farlo

Canberra xe sai spaziosa ma con poca popolazion (sui 300,000). Per andar a lavorar me ocori far sui 30 minuti de machina viagiando a 80-100 kmh. Le distanze xe assai grandi ma semo abituadi cusi. Voi per andar cior pan e late ande zo per le scale e gave la botega fora (o quasi) dela porta. Noi gavemo de saltar in machina e meno de 10 minuti per arivar a uno dei centri commerciali non se fa. Gavemo anche centri de negozi piu picoli in ogni soborgo, ma anche quei xe sui 5-10 minuti via de casa.

In quanto alla vita sociale, e qua semo rivadi su un dei mii topic favoridi, da vero triestin magno, bevo e fazo casin. Ma cossa vole, go avu boni maestri

Me intereso de musica, computer, letura e cusina italiana. A casa cusino mi, mia moglie, da brava australiana (aussie), non xe tanto braveta cusi, se volemo magnar un poco decente, fazo mi. Go crea un mostro, una volta non la saveva gnanca coss che vol dir pastasuta, adeso, se el piato non vien fora tanto ben, la me disi "Mmmm, go magna meio". Bah

bon gente, non voio scriver un libro, ma gave domanda......

saluti

Dave

[SandroWeb]

Fantastico!

Grazie per l'esauriente spiegazion

[polpetta]

orpo... za finì?? e mi che me entusiasmavo a legger :-)

ehm.. mi son Daniela. piacere.

benvenudo!!!!

[Starlite]

Effettivamente te son sta alquanto esauriente :-D

Ma te son mai torna' in visita?

Xe mia cognada che ga parenti lazzò, ma no so dove, no li go mai gnanca visti, ma ogni qualche anno i passa de qua.

[dcobau]

ciao ragazzi, ciao (ehm, Celentano early 60s - figooooo),

Daniela, go una cugina a Ts del steso nome. Te me son za simpatica (ma non de xe una faccina che da un baseto?)

Si, son venu una volta un 20 ani fa (e me comincia spizar i pie de novo - tipico deto inglese/australian indice de voia de farze un viagetto). Pero za quela volta Ts non la me pareva la stessa. Esendo abituai al'aria aperta, spazio, giardini etc co son venu la nel 82 son resta un poco deluso, vedevo Ts grigia e picia. Ve asicuro che la xe sai meio nela mia memoria dei anni 60.

Xe sai triestini in Oz, specialmente a Melbourne, Adelaide e Sydney. Qua a Canberra semo sulla cinquantina e ogni ano, purtropo, ne sparisci un per.

saludi

Dave

[SandroWeb]

Xe sai triestini in Oz, specialmente a Melbourne, Adelaide e Sydney. Qua a Canberra semo sulla cinquantina [CUT]

Dave,

ciamili che vegni anche lori qua a contarne come che i sta

[dcobau]

Xe sai triestini in Oz, specialmente a Melbourne, Adelaide e Sydney. Qua a Canberra semo sulla cinquantina [CUT]

Dave,

ciamili che vegni anche lori qua a contarne come che i sta

la magioranza de lori non sa gnanca come che xe fato el computer....co zerca de interessarli co iero membro dei Giuliani a Canberra ma nista.....

steme ben, bon week end

Dave

[Golfoblu]

Solo desso go' letto sto argomento, e trovo interesante dal momento che solo chi vivi sul logo pol dar informazioni complete e sicure, inoltre xe' bel sentir i triestini dele altre parti del mondo.

Se ve fa' piazer e come informazion, vedo de butar zo' do righe parlando de mi, S.Paolo e del Brasil.

se sentimo..... B) B) B)

Fabio

[Juliet]

ke bel!!!! scrivi ancora

xe stado bellissimo leger.

se te vedessi desso trieste penso ke te la vederia ancora più grigia...ultimamente xe de moda tajar alber e far sparir girdini o zone verdi...cmq resta e resterà la città più bela ...almeno per mi.

spero ke te ne conti ancora q.cossa.

a presto

[dcobau]

cara Juliet,

so che la Ts de adeso non xe piu quela che go visto l'ultima volta. Infati iero sta piutosto deluso co iero la in vacanza e me ricordo piu la Ts dei ani 60 che quela dei 80.

Go segui le notizie dei alberi de campo S Giacomo. Xe veramente un peca. D'altro canto, xe sempre sta cusi. La prima roba che patisi xe l'environment. Qua a Canberra i sta fazendo un'autostrada nova che colleghera la nova cittadina satellite con una strada piu larga de quela che xe adeso. Naturalmente de xe un mucio de alberi che xe sta butai zo (Canberra xe la cita dei parchi del'Australia). I verdi (greens - environmentalists - orca che paroloni che uso ara!) sta fazendo un casin che no te digo. Si xe peca, ma ocori per viver meio (forsi).

Forza Fabio, contine un poco de S Paolo (cugin de S Giacomo?)

Dave

[Oliver De Iaco]

Ciao muli! Come xe la zo de voi? Quà in Italia xe una vergogna! Xe tuti drio el canton pronti a ciavarte..

Me chiedevo se xe facile trovar lavor in Australia e come ve trové voialtri. Un saluto a tutti i Triestini!!!

[dcobau]

Ciao muli! Come xe la zo de voi? Quà in Italia xe una vergogna! Xe tuti drio el canton pronti a ciavarte..

Me chiedevo se xe facile trovar lavor in Australia e come ve trové voialtri. Un saluto a tutti i Triestini!!!

ciao,

in Australia, al giorno de ogi, se vivi come che se vivi in tuto el mondo - se tira avanti. Una volta, ani 50, l'Italia e tantissimi altri paese gaveva disocupazion, inflazion, ecc che impediva un tenor de vita confortevole. Cusi la gente emigrava altrove, Germania, America, Australia, ecc.

Oggidi, me par, el tenor de vita xe quel che xe da per tuto. Pero me par de capir che a Ts xe un poco piu dificile de trovar lavor. Vero?

Al momento, specialmente in Canberra dove che vivo, xe un boom edilizio che durera ancora un pochi de ani. Specifico che Canberra xe una cita costruida specialmente per el governo, tipo Washington in America, cusi el boom prima o dopo finira.

stame ben

Dave

[Oliver De Iaco]

Lavoro se trova sempre, basta gaver un poco de testa e de voia, il problema xe che se te ga un mestier e te son bravo te se ritrovi a sgobbar per un che no sa far un klinz ma che ciaccola sai ben e visto che la schena me la go za spezzada svolando in cantier me vardo in giro per trovar un posto dove se un xe bravo e ga testa possi lavorar in pase, costruirse un futuro senza che i parassiti staghi pronti a magnarte tutto!

Scuseme el sfogo ma xe che son circondà dai blagheri ruffiani. Buon Natale a tutti!!!

[Renè]

Ciao..picio quasi OT

Me par che pure Coce che una volta me ga risposto gentilmente ad un topic e che frequenta el forum de Giacomin, el sia de l'Australia o me sbaio?

[babatriestina]

Ciao..picio quasi OT

Me par che pure Coce che una volta me ga risposto gentilmente ad un topic e che frequenta el forum de Giacomin, el sia de l'Australia o me sbaio?

sì Coce vivi la zo de tanti anni, e el frequenta anche el forum aTrieste, olte che quel de Giacomin

[Renè]

thank's (che no xè Tom Hanks abbrevià) babatriestina :)

Un saluto a Coce che xè pure molto simpatico

[bronza coverta]

Grazie a Dcobau per le notizie.

Me piasi sai leger come che se vivi in altre parti del mondo, anche perchè, e forsi xè un luogo comune, te senti tanti che disi: uh...in Australia, se vivi de Dio, inveze me par de capir che tutto el mondo xè paese.....

Comunque...se te spiza i pie....movite, che te spetemo! Una bela cantada in compagnia e un bon bicer,xe za pronti che te speta!

[Coce]

Grazie a Dcobau per le notizie.

Me piasi sai leger come che se vivi in altre parti del mondo, anche perchè, e forsi xè un luogo comune, te senti tanti che disi: uh...in Australia, se vivi de Dio, inveze me par de capir che tutto el mondo xè paese.....

Comunque...se te spiza i pie....movite, che te spetemo! Una bela cantada in compagnia e un bon bicer,xe za pronti che te speta!

No savevo de esser ben volu' anche sul sito de Sandro, Grazie del pensiero Rene', ciogo l'ocasion de augurar a tuti i forumisti del sito de Sandro UN BON ANNO. In ogni caso xe meo che me presento

come che Dio comanda. Si son Coce (Cesare per i amici), abito in Australia per la magior parte dela mia vita che la xe abastanza longa. Abito a Melbourne, ma go abita' anche a Sydney per 4 ani, go gira' in tuto el mondo civile del'Australia. Go sempre lavora' nell'industria metalmecanica segiundo el mestier che me go imparado a Trieste. Son Sposa', e me tegno al corrente dei eventi locali e anche quei del mondo Trieste inclusa, per questo devo ringraziar Baba, Giacomin e el resto. Se qualchedun xe interessa' de saver come vivi i Triestini in Australia faro' del mio meo per acontentarli. Ciao Coce

[cucciolina]

Sisi, Coce, contine più che te pol

Me piasessi sai venir nel paese dei canguri (mi nella mia vita precedente iero de certo un koala ). Quel che me angoscia xe le troppe ore de aereo

[bronza coverta]

Coce....se sà che l'Australia xè un paese evoluto.....ma gavè porzina?????

Scherzo! Grazie se te ne volerà contar come che xè la de ti.........A noi ne piasi tanto.

Un saluto affettuoso..........

[Manuela]

Ciao! Mi son Manuela. Guarda non te ghe crederà ma in sto momento me ga messaggiado un mio amico australian de Melbourne per dirme che el iera al supermarket e che el ga fato do ciacole con una vecia lady e tra una ciacola e l'altra el ghe ga dito che el xe sta a Trieste e questa la ghe ga dito "anche mi"!

Certo che il mondo comincia a esser tropo picio.. :s'ciopado:

[Coce]

Coce....se sà che l'Australia xè un paese evoluto.....ma gavè porzina?????

Scherzo! Grazie se te ne volerà contar come che xè la de ti.........A noi ne piasi tanto.

Un saluto affettuoso..........

Rispondendo ala domanda original: Qua se vivi no tanto diferente de a Trieste, aparte che le stagioni xe oposte ale vostre, se lavora , chi in ufficio, chi in fabrica chi nei negozi ecc..A mi me par che la vita xe piu' facile qua', ma se uno parla con i giovani quei che vol far famiglia e meter insieme una casa son sicuro che i giuraria che la vita xe assai dura. Me par che ogni generazion ga i sui problemi, el standard de vita migliora continuamente, ma al stesso passo aumenta le ambizioni e le esigenze dela vita moderna che in conclusion va a finir che la gente ga de piu', ma mai abastanza. Penso che tuto questo ve suoni famigliare

anche a voi. Noi gavemo dele diferenze, vivemo in un paese continente, nel'estremo Nord fa sempre caldo e umido estate, inverno, la parte del Sud gavemo le stagioni piu' miti che voi d'inverno, ma assai piu' caldo de

estate. El bel xe che qua te pol viagiar 2000 o 3000 KM. e la gente parla la stessa lingua, e semo una societa' Multicolturale perche gavemo gente de tute le razze e de tuti i colori. El grande vantaggio qua xe che

semo richi de risorse naturali, e che el paese xe in continuo sviluppo, per el prevedibile futuro senza limiti.

I Triestini come i se la cava? Abastanza ben, la magior parte xe de eta' pensionabile e i ga visu' de veri Triestini,

intendo dir ala modesta, i ga lavora' nele fabriche iga porta' su la famiglia, tuti se ga fato la sua caseta, i ga educa' i fioi tanti de questi ga fato Universita'. Mi penso che i ga otegnu' i obietivi che i voleva quando i ga lassa' Trieste. I giovani Triestini che xe vegui qua coi genitori fino ai 12-13 d'eta' o quei che xe nati qua' lori

xe Australiani e anche se i parla el nostro dialeto i lo parla con un accento straniero.

Ala domanda de Bronza, Si gavemo Porzina anzi gavemo de tuto e anche tropo. Ciao a tuti Coce

[kangoo]

Coce....se sà che l'Australia xè un paese evoluto.....ma gavè porzina?????

Scherzo! Grazie se te ne volerà contar come che xè la de ti.........A noi ne piasi tanto.

Un saluto affettuoso..........

Rispondendo ala domanda original: Qua se vivi no tanto diferente de a Trieste, aparte che le stagioni xe oposte ale vostre, se lavora , chi in ufficio, chi in fabrica chi nei negozi ecc..A mi me par che la vita xe piu' facile qua', ma se uno parla con i giovani quei che vol far famiglia e meter insieme una casa son sicuro che i giuraria che la vita xe assai dura. Me par che ogni generazion ga i sui problemi, el standard de vita migliora continuamente, ma al stesso passo aumenta le ambizioni e le esigenze dela vita moderna che in conclusion va a finir che la gente ga de piu', ma mai abastanza. Penso che tuto questo ve suoni famigliare

anche a voi. Noi gavemo dele diferenze, vivemo in un paese continente, nel'estremo Nord fa sempre caldo e umido estate, inverno, la parte del Sud gavemo le stagioni piu' miti che voi d'inverno, ma assai piu' caldo de

estate. El bel xe che qua te pol viagiar 2000 o 3000 KM. e la gente parla la stessa lingua, e semo una societa' Multicolturale perche gavemo gente de tute le razze e de tuti i colori. El grande vantaggio qua xe che

semo richi de risorse naturali, e che el paese xe in continuo sviluppo, per el prevedibile futuro senza limiti.

I Triestini come i se la cava? Abastanza ben, la magior parte xe de eta' pensionabile e i ga visu' de veri Triestini,

intendo dir ala modesta, i ga lavora' nele fabriche iga porta' su la famiglia, tuti se ga fato la sua caseta, i ga educa' i fioi tanti de questi ga fato Universita'. Mi penso che i ga otegnu' i obietivi che i voleva quando i ga lassa' Trieste. I giovani Triestini che xe vegui qua coi genitori fino ai 12-13 d'eta' o quei che xe nati qua' lori

xe Australiani e anche se i parla el nostro dialeto i lo parla con un accento straniero.

Ala domanda de Bronza, Si gavemo Porzina anzi gavemo de tuto e anche tropo. Ciao a tuti Coce