Roba de tempi andai

[dcobau]

Me xe venu per la testa un do robete che esisteva co iero mulo (co ierimo putei revisited )

In piazza Perugino veniva ogni tanto un teatro ambulante. Chissa se de ne xe ancora robe cusi in giro. Una volta in pien inverno e el camineto fumava. Mi e i muli ierimo la che bagolavimo, el mercato gaveva fini, ma i scovazini non iera ancora venu a netar le scovaze che restava la ogni sera co el mercato serava. De iera parechi pomi marzi vanzai quel giorno. Camineto che fuma + pomi marzi + muleria de 13-14 ani = el paron del teatro che ne cori drio. Semo tuti filai pero el mio amico Sergio i lo ga beca. Me par che el xe ancora vivo

In piaza ?? (fra la fiera e montebelo ) veniva speso 'le carozele', cioe una spece de carnival. Gaveva un per de giostre, una pista de go-cart, una de auto scontri, un per de barachete etc. Anche la ierimo sempre, una trupa de muli e mule che se riunivimo dopo scola e, piu tardi, dopo el lavor. Ma cmq ogni domenica. I vien ancora la?

Ma cossa fa la muleria al giorno de ogi per divertirse?

ciao

Dave

[Starlite]

Me sfugi la storia dei pomi marzi

La muleria de ogi xe quel che xe

Comunque in piazal davanti la fiera vien ancora, soto Pasqua, per circa un meseto, el Luna Park (Fun Fair). Xe le mini-mini-mini-montagne russe, auti-scontro, caramelle, fritelle e zuchero filato.... la pesca per vinzer el pese rosso... insoma ste robe qua classiche de Luna Park.

Roba per fioi, fin 16-17 anni.

La muleria de ogi per divertirse cossa fa? Bela domanda....

No so

Tanti va ssai in discoteca... ma mi no me ga mai piaso e no son mai andà se no un per de volte.

Se va fora in clapa...

[Juliet]

mi me ricordo de un careto trainado da un caval ke andava per via di cologna fin al vecio rifugio antiaereo de vic. pendice scoglietto.

me fazeva za strano quela volta...

el luna park de p.zal de gasperi el vien amcora e sinceramente xe mejo de quel "grande" de nadal.

ve ricordè ke bel ke iera el luna park là del palazeto?

[Golfoblu]

In piazza Perugino veniva ogni tanto un teatro ambulante. Chissa se de ne xe ancora robe cusi in giro. Una volta in pien inverno e el camineto fumava.

desso che te scrivi me vien in testa sto fato...xé vero e me ricordo..no so dir quando...ma una volta son anda a veder una comedia in sto teatro, e apunto mia zia abitava quasi tacá de piaza Perugino, in via Severi. Comunque me ricordo che me ga fato sai impression...bona...sti atori sul palco. Quel che no dimentico mai xe la fiera de San Nicoló in vial, tuti i ani andavo, per mi una roba sai grande con tute le bancarele. i zogatoli, i dolci....roba favolosa per quei tempi...forsi ogi un poco meno.

Fabio.....che ancora ssai ghe piasi i dolciumi.....torron, mandorlato....e gelato..!!

[dcobau]

Forsi me sbaglio, ma l'atmosfera che iera in viale co iero muleto xe, probabilmente, la stesa che i muleti de ogi prova. Xe naturale che le robe in vendita non le xe come in quei ani (te se ricordi le bale de segadura coverte de stofa fata con triangoli de diferenti colori e attacade a elastici - quanti oci neri....), ma za co iero un poco piu grandeto la mia atitudine cominciava a cambiar. A 14 ani, gnanche non me interesava piu andar la.

Tuto somato, credo che fazi piu colpo sui piu pici, tute quele luci, un mucio de gente che camina su e zo (xe ancora cusi?), i venditori che strombaza la bonta dele robe che i vendi. Per un per de ani de iera anche un mato che vendeva piati che non se rompeva. El dimostrava sbatendo sti piati uno contro l'altro.

Che casin che iera, ma un dei piu bei ricordi che go de Ts

Dave