Vienna anche mi

[babatriestina]

Anche mi son stada un per de giorni a Vienna e go fato zirca 500 foto... mi go un poco la passion per l'architettura e zercherò de meter un poco de tuto

comincio col classico, el interno del S StefansDom la catedral, un poco in controluce

dei tanti edifici che xe sul Ring ( Opera, Municipio, Musei, Hofburg, teatri) ve meto solo el mio preferito: la gran statua de Minerva davanti el Parlamento neoclassico

dei tanti parchi in fior, solo una rosa, esposizion manual per no perder l'intensità del color del fior

Vienna barocca: el palazzo del belvedere dal lato alto

tipici del barocco e rococò viennese xe ste figure de Atlanti o Telamoni che sostien i portai, de solito i ga sempre l'aria de far ssai fadiga

nela cesa de san Michele el bassorilievo barocco o rococò ( i do stili in Austria sfuma un ne l'altro) col angelo, marmo e oro

[babatriestina]

La casa de la ditta Julius Meinl, coi stemmi dele città del caffè, in mezzo quel dela Trieste asburgica

a Schoenbrunn iera un concerto per l'Europa, far i ospiti de onor, Clinton!

l'insegna de una profumeria

Altro in sezion fotografica e altro ancora sul forum ATrieste ( e ancora tanto no pubblicado..)

[arska]

ste profumerie xe legendarie, ormai

..cmq concordo sul parlamento, proprio bel!

[tuxav]

Yeah... beelle!

Acc no go mai fato caso al stemma de TS sulla casa de Meinl Figoooo! :D

mi gavevo visto anche un negozio de scarpe che se ciamava al steso modo de quela profumeria... ma no ricordo dove

E te ga riva a avicinarte a clinton?!?!?!

La foto de S.Stefano forsi xe un poco brusada...

[babatriestina]

mi gavevo visto anche un negozio de scarpe che se ciamava al steso modo de quela profumeria... ma no ricordo dove

E te ga riva a avicinarte a clinton?!?!?!

La foto de S.Stefano forsi xe un poco brusada...

go visto anche mi un altro negozio, sempre a Vienna, con quel nome, ripetuto dapertutto ..

Clinton stava entrando a Schoenbrunn, iera una decina de curiosi che fotografava, el mato se ga messo in posa e anzi el xe vegnudo vizin e el ghe dava la man ala gente, gavessi podudo anca mi, ma gavevo la machina fotografica in man. Stile american, po!

per le foto a S Stefano, za le xe un poco sgranade de rumor che go alzado i ISO, col sol che entrava per le finestre poco iera de far, ma devo dir che no me dispiasi, xe come se ghe fussi un alon.. istesso xe vegnudo co go fotografado la tomba del imperator Federico III sempre in cesa, come se un ragio de sol arivassi de sora... mah, misteri dela fotografia.

[merlodegraia]

ma che belle fotooooooooooo.....coplimenti...clinton è uno scoooooooop!!!!!!!