Wild card, cossa pensè?

[arska]

mi personalmente digo de si perchè, come go za dito in un altro post, gavemo za ciolto i diriti de Dueville per star in B2..

Ovio che qualificarse sul campo saria mejo, ma xe un delito che no ghe sia piu la pallacanestro de un zerto livel in cità.

[SandroWeb]

Tutto molto bel, ma finanziariamente saremmo in grado de star in sta superlega? Ricordemose sempre del puf accumulado prima de fallir...

E poi non cambio el mio modo de pensar: la wild card xe alettante, ma no xe niente de meio che la promozion sul campo

[Maurizio72Ts]

E poi non cambio el mio modo de pensar: la wild card xe alettante, ma no xe niente de meio che la promozion sul campo

Non se pol che quotar quanto scrito dal Boss.

Xe facile salir de categoria senza fadiga, ma xe ancora più bel e anche entusiasmante, domando conferma a chi che iera l'altro anno a Venezia per i play-off, sofrir e spudar sangue (se servi) in campo fina l'ultima partida.

[80 revival]

Concordo con quel che ga dito Sandro.Mi personalmente son contrario e lo go dito espressamente già qualche tempo fa.Preferisso prima consolidarme e ricrearme una solida struttura societaria e crescer gradualmente.Le promozioni xe più belle conquistarle sul campo e non a tavolino.Basta con ste pseudo fusioni e compravendite de diritti.NO ETERNO AL BASKET MODERNO!

[romanowar]

El meccanismo delle retrocessioni / promozioni xe arcaico! Lasemoghelo al calcio e puntemo a sviluppar ulteriormente lo spettacolo del basket.

Confermar 2 retrocessioni dalla lega A, limitar a una promozion dalla lega 2 e introdur una wild card per una società particolarmente meritevole me sembra una bona idea (anche se no me xe ciaro come vien deciso chi devi ricever sta wild card). Me sembra + che ovvio che una società che no sia più che sana no riceverà MAI una wild card.

Quindi, se in un prossimo fututo Trieste fossi in grado de garantir una buona solidità economica, ben venga la wild card. O preferimo gaver in serie A realtà come Capo d'Orlando con un palazzo da 500 posti (o poco più)?

[The Rock]

chiaro meio una promozion sul campo, su questo no ghe piovi...ma sta superlega fantomatica funzionassi ancora con promozioni e retrocessioni?...xke in caso contrario te son fora una volta e te son fora no digo x sempre...ma quasi...

[Delio]

Parlemo de spetacolo? Ciapemo diese boni zogadori per un numero tot de città, se dividi le spese e le entrate, se sortegia la maia con cui zogar, nissun retrocedi e se fa spetacolo.

Ma saria ancora basket? Saria ancora sport? A mi no me fregassi proprio un *****.

Se Capo d'Orlando xe in serie A xe perchè qualchedun ga lavorà (e tirà fora bori) per rivar là. Noi, ala fin fine, come cità valemo meno de lori... tanto no xe el publico che fa riche le società, gavemo un palazeto figon ma semo in B1 (e grazie all'acquisto de diritti sportivi, sinò zogavimo ancora col Don Bosco...)

Ghe dago sempre più ragion a Berti quando el ga dito "Finalmente la Triestina avrà il presidente che si merita". In quel momento nissun ga capì cos'che intendeva, sul serio, ma xe la realtà de sta cità. In nesun campo semo più in grado de star sul grande palcoscenico.

METEMOSE EL CUOR IN PAXE...

NO WILD CARD!!!!!

[arska]

che bel, fin deso parità. Altre opinioni?

[tuxav]

mi son per la promozion solo sul campo... e po dove 'ndemo cior i soldi ?

[Jazz]

Se i vol far tipo franchigie Nba senza retrocessioni xe chiaro secondo mi che saria de cior la palla al balzo...con tutti i ma del caso, come che go letto. Ovvio che ghe dovessi esser una stabilità economica (che come sempre andassimo a zercar via de qua) e che le promozioni xe più bel e corretto guadagnarsele sul campo...ma se non dovessimo esser invitadi, per quanti anni ancora dovessimo vardar basket su sky?

[paladozza ritorneremo!!]

Parlemo de spetacolo? Ciapemo diese boni zogadori per un numero tot de città, se dividi le spese e le entrate, se sortegia la maia con cui zogar, nissun retrocedi e se fa spetacolo.

Ma saria ancora basket? Saria ancora sport? A mi no me fregassi proprio un *****.

Se Capo d'Orlando xe in serie A xe perchè qualchedun ga lavorà (e tirà fora bori) per rivar là. Noi, ala fin fine, come cità valemo meno de lori... tanto no xe el publico che fa riche le società, gavemo un palazeto figon ma semo in B1 (e grazie all'acquisto de diritti sportivi, sinò zogavimo ancora col Don Bosco...)

Ghe dago sempre più ragion a Berti quando el ga dito "Finalmente la Triestina avrà il presidente che si merita". In quel momento nissun ga capì cos'che intendeva, sul serio, ma xe la realtà de sta cità. In nesun campo semo più in grado de star sul grande palcoscenico.

METEMOSE EL CUOR IN PAXE...

NO WILD CARD!!!!!

Quoto, quoto e straquoto!!!

ODIO ETERNO AL BASKET MODERNO!!!

E poi andemo avanti cossa andemo far in ste leghe?!? a ciapar 60 a bologna, treviso ecc....come i ultimi anni? uhhh....che figada!

Xe poco cossa far, gavemo quel che se merita sta città...niente!!!!

Almeno adesso gavemo 10 omini oltre che giogadori, che suda cori e se impegna iera cussi i anni scorsi? diria de no...

L'unica card che voio xe quella dei punti benzina per vinzer el balon dei mondiali!!!

[arska]

ma se non dovessimo esser invitadi, per quanti anni ancora dovessimo vardar basket su sky?

purtropo xe sai triste, ma questa xe anca la motivazion principal che me ga spinto a dir si.

[assist]

Son contrario.......mi son ancora per le conquiste genuine ottenude sul campo......... e poi andar su senza soldi non servi sai.

[arska]

sempre piu interesante sto sondagio... 7-7, completa parità

[SandroWeb]

sempre piu interesante sto sondagio... 7-7, completa parità

Go notado sta roba anche mi...xe logico che la wild card presenta pro e contro....e fa rifletter come (almeno a livello de sondaggio) el risultato sia in assoluto equilibrio.

Se vedi chiaramente che

-PRO PIU' IMPORTANTE: ritornar subito nel basket che conta

-CONTRO PIU' IMPORTANTE: tutto ciò ga un costo, e no xe 2 lire, con annesso el discorso che i ripescaggi xe una roba odiosa

[cucciolina]

Esatto! Tornar subito in A1 vol dir aver tanti soldi alle spalle che noi no gavemo L'emozion de una promozion sul campo no ga eguali. L'anno scorso con Venezia xe stada una gioia immensa. Mi go seguido tutte e tre le gare, sia in casa che in trasferta, e me son divertida poche volte come quella

Sti muli (lo go dito centinaia de volte) i xe fenomenali: i lotta, i se butta, ghe tien alla maia e ad una città che no xe la loro. In A1 xe diverso, poco de far. I giogadori xe stra-pagadi e no ghe interessa più de tanto vinzer o perder (non tutti per fortuna eh).

Se se adottassi una filosofia tipo quella americana (campionato senza promozioni/retrocessioni, tetto massimo de spesa, ecc) son convinta che i giovani cressessi de più e i vivai saria molto più seguidi. Ma qua nassi un altro problema.... O i addotta tutti in Europa sta filosofia o el discorso casca. Con questa soluzion, no ghe saria più le squadre italiane nelle coppe perchè spagnoli, francesi o russi andassi a spender de più gavendo senz'altro squadre più competitive.

Insomma tirando le somme.... diria che son fortemente contraria alla wild card

[pinaard]

Asolutamente contrario a sta wild card. Mi voio rivarghe in quela cavolo de A1 sudando, cantando, sostenindo i muli e sofrindo, voio eser fiero de dir che noi ghe semo rivadi per meriti nostri e no grazie a bori, ala politica o cazade simili. L'unica posibilità che me faria votar a favor de sta roba (e con molto, ma molto astio ) saria che se no aderimo sto anno no andemo più de nisuna parte. Comunque deso pensemo al presente, e questo se ciama Riva del Garda. Andemo a vinzer sta partida che dopo ne speta Pesaro e Soresina. Avanti Trieste!!!

[diego]

Da sempre contrario alle regalie, quoto tutto el discorso de Sandro

[gufo805]

Mi son titubante e x questo non go votà. Voleria tanto che tornassimo in A1 o almeno in A2 xrò xè question de bori e no gavemo nessun magnate ma anche rimaner sempre in B1 e barcamenarse no xè bel. Metti caso che tiremo su dei bravi giogadori ma dopo sicuramente qualche squadra ne li porta via e restemo de novo in braghe de tela.

[cenerentola82]

In un campionato ristruturado senza promozioni o retrocessioni saria giusto esserghe.

Come scorciatoia per andar su no saria bel.

[80 revival]

ODIO ETERNO AL BASKET MODERNO!!!

E poi andemo avanti cossa andemo far in ste leghe?!? a ciapar 60 a bologna, treviso ecc....come i ultimi anni? uhhh....che figada!

Xe poco cossa far, gavemo quel che se merita sta città...niente!!!!

Almeno adesso gavemo 10 omini oltre che giogadori, che suda cori e se impegna iera cussi i anni scorsi? diria de no...

Concordo pienamente con ti,anche perchè visto che gavemo partecipa a dei raduni ultras dove questo iera un degli argomenti più importanti la pensemo alla stessa maniera.Le promozioni bisogna conquistarsele sul campo con sudor e sacrificio come gavemo fatto noi l'anno scorso e non attraverso uffici o tribunali.Non come ga fatto Pesaro con Gorizia o Udine in epoca recente.La B1 non sarà un granchè ma al momento se meritemo questo sia come città e anche come pubblico.Piuttosto ritornemo alla vecia con squadre anche in serie A fatte de otto italiani e due soli stranieri che la gente se divertiria de più.Mi me diverto più a veder sta squadra qua che no sarà fatta de fenomeni,ma xe composta prima de tutto de omini che quella dell'ultimo anno de A1 che me ga fatto odiar el basket.Sperando che in un futuro ghe sia qualchedun che gabbi più voia de investir nello sport sempre e comunque FORZA TRIESTE!

[MONTAG]

Ho votato si, anche se non sono tifoso di pallacanestro perchè trovo assurdo che due piazze che hanno dato così tanto al movimento cestistico siano ridotte alla serie B.

[assist]

Onestamente non pensavo ghe saria stado cusì tanto equilibrio.......8-10 non me lo aspettavo proprio. Vabbè xe che el mio giudizio xe condizionado in questo caso da quel che penso mi...ovvero che no me piasi andar su senza zogar.

[Beck's]

Favorevole o contrario?

Se questa superlega non gavessi retrocessioni/promozioni la wild-card me sa che bisognassi gaverla per forza per entrarghe e saria anche un peca' non farlo (soldi permettendo).

Se inveze per superlega se intendi la serie A1 attuale son contrario, credo che morissimo istantaneamente sul campo e nei bilanci.

Quindi voto no.

[80 revival]

E po el bel de tutto xe che ogni squadra gabbi qualche obbiettivo che sia play-off,scudeto o salvezza.Un campionato senza promozioni o retrocessioni sinceramente no ga viz.