Giochi a premi in TV

[Stefano79]

Come da titolo. Secondo voi la gente vinzi sul serio?

Mi go sempre pensà che sia tutta una grande montatura per far ascolti. Almeno quando se tratta de grosse cifre, penso che in realtà i se gabi za messo d'accordo prima. Xè tante piccole robe che me porta a pensar questo. Innanzitutto in molti zoghi tipo "Affari tuoi" e simili, xè sempre le stesse persone che speta el turno per zogar, sperando de azzeccar la prima domanda. Certi xè stadi mesi prima de zogar. Quindi me chiedo: ma sta gente no ga un lavor? no i ga una vita? Go capì che le puntate xè registrade e probabilmente ne registra più de una al giorno, ma comunque xè de assentarse per molto tempo. Immaginemo uno che lavora che devi cior ferie, cosa ghe disi in ufficio..."Me servi un paio de giorni de ferie, ma podesi esser anche 4 o 5....o forsi anche un mese. Nessun problema vero?" No so, francamente xè pochissimi lavori dove se pol far cusì.

Un'altra roba xè la poca naturalezza nel comportamento dei concorrenti.....gente che vinzi milioni de euro e no batti ciglio...nianche una lacrimuccia nè niente....

E podesi andar avanti ancora con le "anomalìe" che go riscontrado.

Mi ghe credo a Striscia la notizia che un paio de anni fa ga dimostrà come in realtà i concorrenti che vinzi cifre importanti, no sia altro che dei mezzi figuranti che, a rotazion, i partecipa a più de un quiz televisivo su vari canai. I se metti d'accordo prima e i recita.

Cosa disè voi?

[tifone]

Gavendo partecipà come concorrente dodici anni fà a un giogo televisivo (ok il prezzo è giusto) posso dir che ben o mal,almeno nel mio caso,la conduttrice un piccolo aiutin la riva anche a dartelo ma se trattava de premi disemo cussì minori.Ma xè la politica degli ascolti,se la gente che partecipa non vinzessi mai niente nessun guardassi quel giogo a quiz.Quando se tratta de cifrone alte il dubbio lo go sicuramente che non ghe sìa qualche cossa sotto,solo chi che partecipa e vinzi pol saverlo

[Ghost]

Si sono veri. Se siano truccati o meno non saprei.

Comuque dire "cifroni" è una parola grossa.

1)Una buona percentuale viene trattenuta in tasse.

2)Il rpemio non può essere in contanti per legge. Di solito gettoni d'oro o buoni acquisto nei prodotti degli sponsor.

Babbo natale è morto

[assist]

Ma anche mi penso che sia vero......qua in italia gavemo vissudo e viveremo con el quiz ( Mike Buongiorno rulez ).

Xe vero quel che disi ghost......el premio effettivo no xe quel che el concorrente vinzi causa la valutazione ( dovesi eser in oro il corrispettivo ) e tasse.

[saretta]

da quel che so te incassi ma molto tempo dopo!

Cmq xè anche desso difficile rivar a partecipar a questi giochi!!!!

[Stefano79]

Xe vero quel che disi ghost......el premio effettivo no xe quel che el concorrente vinzi causa la valutazione ( dovesi eser in oro il corrispettivo ) e tasse.

Ok, sarà anche tassadi, ma certe vincite (se le vien veramente corrisposte al vincitor) resta comunque enormi. Quando iera...sabato scorso me par, una signora ga vinto 1 milion de euro là dei pacchi.....metemo anche una ritenuta tipo IVA al 20%, resta comunque 800mila euro E anche se i te dà una parte subito e el resto a rate, xè comunque soldi che esci da qualche parte.

Un'altra robetta...gavè notado che "casualmente" sotto le feste e in occasioni importanti xè sempre qualchedun che vinzi cifrone? Come se la matematica delle probabilità gavesi un occhio de riguardo per Nadal, Pasqua e...le elezioni?