Versailles e Malmaison

[babatriestina]

Visto che go trovada tirada in ballo Versailles a proposito de Schoenbrunn, ve meto un per de foto fate l'anno scorso e do anni fa a Parigi. A Versailles iero za stada molti anni fa e me gavevo fatto tute le visite dei apartamenti interni, dei Trianon, e ghe gavevo messo un girono intiero, e stando in albergo propio a Versailles. Stavolta l'obiettivo iera i giardini, che no gavevo mai visitado, ma za che iera nel biglietto, dove che no iera de meterse in gruppo, me go fatto un giro per el castel, i soliti Grands Appartements, che saria i appartamenti de parata, in origine ancora del Seicento del re Sole e po adoprai nel Settecento de Luigi XVI e Maria Antonietta. Dopo no li ga abitai nissun per cui qualche sala vol evocar el castel al momento del inizio dela rivoluzion.

La classica facciata verso i giardini

la cappella

el cosiddetto salon dela guerra, col bassorilievo in marmo de Luigi XIV

un salon seicentesco con ritratti reali

un salon settecentesco a pianterren, là stava i delfini e anche le zie del Luigi XVI, quele che xe scampade a Trieste

sempre del pianterreno, un cosiddetto letto alla polacca

[babatriestina]

El salon dei Speci o gran galleria ga dado origine a infinite gallerie simili, de cui la più scopiazzada xe quela al HerrenChiemsee del mato Ludwig de baviera. Co iero mi, con tuto che la occupa una gran parte dela facciata, la iera in restauro e iera libero solo elultimo toco. In origine par che iera tuto in argento, ma el re Sole se ga magnado el argento ala fin del regno per finanziarse le guerre

un particolar dele torcere

uno dei tantissimi ritratti de Maria Antonietta a Versailles, questo xe dei primi anni de regno

un busto del povero Luigi XVI

i letti de parata dei appartamenti reali, dove che iera gran cerimonie co i li metteva a dormir ( po, me par cheLuigi XV se alzava del letton e andava cole sue babe): questo xe el ultimo de Maria Antonietta- a Schoenbrunn ghe ne xe uno del genere, de Maria Teresa

e questo xe quel del re, che ricostruissi unaa variante seicentesca. El letto iera drio de una balaustra, e

re o no re presente, chi che passava doveva far un inchino al letto, anca svodo

[babatriestina]

e la Malmaison iera inveze la residenza privata de Napoleon, e co el ga divorziado el ghe la ga lassada ala moglie Giuseppina.

Pochi la visita, e inveze val la pena per i ricordi e i mobili stile Impero:

el castelletto ( se ghe ariva ciapando un autobus ala Défense)

un primo salon tipo tenda de guerra

un camera de letto de Napoleon

uno dei tantissimi ritratti dela parona de casa

la sua camera de letto de parata

una più leggera estiva, col tavolin de lavor davanti

un abito de sera col strascino de Giuseppina

la tavola coi piatti de porcellana dorada

e un ritratto no de giuseppina, ma de sua fia Ortensia, che gaveva sposado un fradel de Napoleon e la iera la mama de Napoleon III: el bel xe i particolari dei gioielli

[tuxav]

Sai bela che devi eser Versailles cavoli!!! in effetti ricorda tanto, tantissimo Schoenbrunn.. bele e otime anche le foto.. quele dela capela me piasi sai come inquadratura, e anche la altre xe riuscide ben come composizion e esposizion !!! ottimo

me sa che prima o dopo tochera farghe un salto... chisa quando...

[molly]

bella si!!!!! eh prima o poi anche mi voio ndarghe

[Giada]

Belle foto davvero!!!

Cmq Parigi xe più vicina e più economica de quanto se pensi... Fe conto che mi vado in settembre col treno (prenotando tre mesi prima go riva a ciapar i biglietti Smart Price a 35 euri andata + 35 ritorno) e partindo giovedì sera da Venezia e ripartindo domenica sera da Parigi, gavendo trova un'offertona delle solite sul sito dei hotel Ibis (Ibis Tour Eiffel, tra l'altro), in tutto el weekend romantico (con tre giorni pieni a Parigi) me costa 134 euri a testa... dopo ovviamente xe i extra ma costa come andar de qualsiasi altra parte!

[tinuviel]

bele foto

comunque, continuo a pensar de esser l'unica sfigada che xè andà quando la stanza degli specchi (se ciama cussì, vero? ) iera praticamente impachettada per el restauro...

eh! Me sa che xè el caso che torno

[babatriestina]

comunque, continuo a pensar de esser l'unica sfigada che xè andà quando la stanza degli specchi (se ciama cussì, vero? ) iera praticamente impachettada per el restauro...

ben, anca mi la go trovada cussì, quel che go fotografado xe el ultimo toco.. ma la gavevo visitada altre do volte, prima

[Giada]

Mi invece co son andada a Versailles iera le fontane studade Sarà per quel che el giardin de Schonbrunn me ga piasso de più!!!