Campo San Giacomo vietado ai cani

[Starlite]

El piccolo de oggi scrivi:

Quel che penso mi:

dopo gaver recintado con le transenne la scalinata de Sant'Antonio novo,

dopo gaver segado le panchine per no farghe dormir i barboni,

adesso se vieta el passaggio coi cani nelle piazze?

Inveze che controllar e risolver i problemi come andassi fatto, se fa le robe al contrario...

Sporca? Certo che sporca, ma xe colpa dei singoli che sporca, che se ne frega, alora vietemo anche el passaggio a chi mastiga la gomma americana che se no dopo la spuda sulle piere nove... ma che discorsi xe?

E po', pero'... sul marciapie tuto intorno inveze se pol... ma in piazza no...

Xe sanzionabile in qualunque posto chi che sporca e chi no ingrumar la del proprio can? Ben, alora che se controlli e che se sanzioni!

Questi provvedimenti xe totalmente inutili, perché cmq se no xe urbi in giro un passa lo stesso e fa lo stesso... uguale come prima...

E alora vietemo anche lungo tutti i marciapiedi delle rive che xe appena ripavimentadi, anche lungo el viale che xe pavimentà a novo, e anche in via Dante, via San Nicolò, p.za Unità, Cavana...

[fra_fre]

xe incredibile!!!! no pol esser dai... no che bramo de portar freddie in campo san giacomo,fatto sta che sta roba me fa pensar: e se sti divieti se estendi anche in altre zone della città??

[basketteam]

purtroppo paga tutti la lastra per l'inciviltà de alcuni paroni de cani che no pulisi i ricordini del loro amico peloso...

se la gente fossi più civile certi divieti assurdi no gavesi senso de esister...

cosa xe de più bel de gaver una piazza in cui se vedi fioi che gioga e cagneti tranquilli che fa le loro corse? mah...

[arska]

ma che cazzada! Multar quei che no neta, tropo facile?

Come con la storia dele panchine, i più incivili e ottusi xe i legislatori.

No go parole. O anca si, ma meio che taso.

"per l'inciviltà di pochi si è costretti a penalizzare tutti" Costretti? Ma va in ****!

Edited February 26, 2008 by arlon

[molly]

son d'accordo ... xe una ca**ada grande e grossa... ciò no digo che un ga de portar proprio là el can .. ovio che se un pol preferisi portarlo in Carso a correr... ma se un ga de passar per la piazza o vicinanze ga de far el giro del mondo perchè ga el can con lui (e come disi Fra se sta roba se estendi ad altri posti cosa femo?)

bastasi aumentar i controlli dato che la legge con tanto de multa xe e bastasi applicarla... te vedi un che no racogli te lo multi e via. la prossima volta ghe penserà do volte...

ma no so.. tra poco i ne vieterà anche de respirar

[bronza coverta]

me stago sempre piu' convinzendo che per esser uno che legifera o gestissi una città.........

basta esser mone! No servi altro!

Ma no i gà niente altro cossa pensar? Xe ovvio, questo xe el primo passo e son quasi sicuro che se estenderà a altre zone della città per la gioia de quelle che no tira su' qul che fa i propri cani................Spero solo che con qualche protesta e lamentela, i se ricredi e i metti in strada un poca de polizia municipale in borghese a piturarli per ben......'sti str***i!

Gnanche mi, no porto el mio cagnetto in piazza a S. Giacomo, ma xe tante persone anziane sole, che gà un cagnetto come unica fonte de affetto e magari i abita dalle parti de S. Giacomo, no i se pol sentar sule panchine del piazzal perchè???? perchè in Campo S.Giacomo xè el divieto per la bestiuza? o perchè qualche nostro amministrator abusa de qualche strana sostanza????

I xè ridicoli!!!!!

Se va avanti cussì, porteremo a spasso i nostri cagneti sulle rotatorie.........

[cucciolina]

Ve quoto tutti quanti

Xe veramente ridicolo sto provvedimento! Xe come metter la polvere sotto el tappedo (la piazza tutta bela e intorno pien de tutto). No xe così che se risolvi i problemi

Disemo che me censuro da sola che xe meio ma son molto vicina ad Arlon

[saretta]

secondo mi i ga fatto ben! già le persone che non ga un minino de buon senso sporca le piazze con carte, chewing gum e quant'altro... se ghe mettemo anche i cani... sa che scagaz!

mi credo che i gabbi avudo una bella idea... sulla multa la vedo un pò eccessiva. Ma i cani ga altri posti dove cagar (scuseme el gergo) i ga de farlo proprio in piazza? e soprattutto in un rion in cui i paroni non tira mai su la roba del loro can???

[molly]

saretta: son d'accordo a darghe contro alle persone incivili... ma no son per niente sicura che il vietar ai cani de frequentar piazze sia el modo più giusto. Ripeto che ghe xe una legge... perchè no i la fa rispettar.

e poi scuseme.. piazze pulite e i marciapiedi o i giardini? là lasemo che la gente incivile continui sporcar??? non saria meio sti benedetti controlli?

[bronza coverta]

secondo mi i ga fatto ben! già le persone che non ga un minino de buon senso sporca le piazze con carte, chewing gum e quant'altro... se ghe mettemo anche i cani... sa che scagaz!

mi credo che i gabbi avudo una bella idea... sulla multa la vedo un pò eccessiva. Ma i cani ga altri posti dove cagar (scuseme el gergo) i ga de farlo proprio in piazza? e soprattutto in un rion in cui i paroni non tira mai su la roba del loro can???

...scusa saretta......la question no xè che i cani no gà dove cagar(scuseme el gergo) ....la question xè che come sempre, xè piu' facile sparar sul mucio, che becar i veri colpevoli e farli giustamente pagar.

I cani, va a far i suoi bisogni dove che i vol, questo xè sicuro, ma xe quei str***i de paroni che li porta in piazza a S. Giacomo o in ogni altro logo, che no i neta!.

Alora in tutte le vie e piazze riqualificade i cani no pol andar e no se pol mastigar gomma americana inveze a chi che abita per esempio in via Giulia, che xè un bordel za de suo, i ghe pol ca*ar davanti ai portoni????

[Starlite]

secondo mi i ga fatto ben! già le persone che non ga un minino de buon senso sporca le piazze con carte, chewing gum e quant'altro... se ghe mettemo anche i cani... sa che scagaz!

El problema no xe la gomma americana. El problema xe chi la mastiga e la spuda per tera.

El problema no xe le carte per tera. El problema xe chi le buta per tera.

Quindi...

El problema no xe i cani. El problema xe i paroni.

[cucciolina]

El problema no xe la gomma americana. El problema xe chi la mastiga e la spuda per tera.

El problema no xe le carte per tera. El problema xe chi le buta per tera.

Quindi...

El problema no xe i cani. El problema xe i paroni.

Esatto! Xe i paroni INCIVILI dei cani che ga de esser colpidi non tutti i cani e i loro paroni.

Edited February 26, 2008 by cucciolina

[arska]

amen!

[dido76]

la penso come la maggioranza...me par che esisti chi che lavora per far questo servizio de prevenzion e de eventuali multe ai paroni vero? se poi te zonti anche tanti cassetti con le palete o i sacheti per ingurmarla no saria una cosa negativa...

ve fazo un altro esempio che xè ot ma xè per capir el modo de gestir la city.

sul sito del capo de sta città una signora ga chiesto che in via modiano (che attualmente ga la precedenza immettendose su strada de fiume) vegni cambiada la segnaletica e la diventi o con un stop o con un dare precedenza...perchè????perchè la gente che transita in strada de fiume no se ferma a dar la precedenza...

risposta del sindaco: el ga informado i uffici e che se entro un mese no xè sta fato el cambio de riscriverghe.

quindi come ghe go scrito mi e nol me ga risposto: ga ragion chi no rispeta el codice dela strada...meter pattuglie a far el proprio lavor no se ghe ne parla neanche.

eco..questo xè chi gestisi la città in sto momento...reprimer e via...

[_titti_]

Quoto starlite su tutta la linea....e anche gli altri ovviamente!

Xè pazzesco...la gente incivile no igruma le del proprio can e inveze che far più controlli e multar chi no tira sù, i vieta l'ingrasso ai cani? Per mi xè inconcepibile.... Proprio un mesetto fa i gaveva dito che xè stati assunti circa 15 "operatiri ambientali" (o come cavolo se ciama) che dovesi controllar proprio che i paroni netti....e dove cavolo xè sti operatori?

Inoltre..nell'articolo xè scritto che a san giacomo ghe xè ben due giardini attrezzadi per i cani...a mi me giungi nova...qualchidun sa per caso dove i xè?

[Ikeya]

de quel che ga dito dipiazza, el problema xè che tantissime volte la gente porta fora i cani de mattina presto (e no i neta mai)... quindi no ghe xè tanti vigili in giro a quele ore

[Starlite]

de quel che ga dito dipiazza, el problema xè che tantissime volte la gente porta fora i cani de mattina presto (e no i neta mai)... quindi no ghe xè tanti vigili in giro a quele ore

se no i xe a quele ore per controlar che la gente neti

no credo che i sarà nianche per controlar che la gente no vadi proprio

quindi....

[_titti_]

se no i xe a quele ore per controlar che la gente neti

no credo che i sarà nianche per controlar che la gente no vadi proprio

quindi....

son d'accordo...infatti con questo provvedimento non se risolvi el priblema. Inoltre...no xè solo i vigili che pol multar i paroni indisciplinadi...xè anche sti famosi "operatori ambientali" (o come cavolo se ciama )...e da quel che so xè assunti da agenzie private...quindi...bastassi farli iniziar a lavorar presto, come fa mille altri lavoratori per altre robe...

[Renè]

Ghe proibissi mi a certe giunte de pensar zerti "capolavori". Pena multon e piada in cul e a casa..

[Stefano79]

El problema no xe la gomma americana. El problema xe chi la mastiga e la spuda per tera.

El problema no xe le carte per tera. El problema xe chi le buta per tera.

El problema no xe le armi, ma chi le usa Verissimo.

Non approvo nianche mi sto divieto. Son sempre sta dell'idea che per colpa de pochi no devi pagar tutti. Però, se poprio devo far l'avvocato del diavolo, posso capir in parte questa scelta.

Per multar chi trasgredisi ghe vol vigili a sufficienza. De assumerne de più no se ne parla perchè no xe soldi, resta solo la scelta de come impiegar quei che gavemo za. Ora, se spostemo i vigili dalla strada al controllo dei cani, gavesimo soste ancora più selvagge e casin in strada. Se spostemo i vigili dalle strade a piazza Venezia a controllar che i barboni no se accampi...idem come sopra.

Molto più facile lasar le robe come sta e metter dei bei divieti con tanto de multa scritta sotto. Difficile che i vegni a farte la multa perchè i vigili xe in strada, ma almeno con alcune persone pol far da deterrrente.

Ripeto, no condivido sta scelta perchè punir tutti no xe la soluzion, ma xe stada fatta una scelta de priorità...xe più urgente aver un vigile in un incrocio in caso de incidente piuttosto che averlo in piazza a controllar che le vecete gabi l'apposito scartozo per la

Edited February 27, 2008 by Stefano79

[arska]

..e po' cmq un distributor de sacheti e guanti tipo supermarket per i paroni saria sì un modo utile de comportarse!

Ma quei ghe vol far manutenzion.. un cartel, inveze, te lo pozi e te se dimentichi.

[b-chris]

Lo gavevo za visto un per de giorni fà, penoso.

Vado in dialisi al maggiore ogni due giorni e no ve digo attorno all'ospedal quanta che riva esser, gnanche ghe fossi un cartel con scritto "fazela quà".

I dovessi metter che sia obbligatorio gaver sempre con se un kit raccogli e fermar sempre chiunque i vedi con un can al guinzaglio. Se no i ga drio el kit, multa!

Xe facile farghela far e scampar via, come te fa a dimostrar che xe sua se no te li vedi? Con sto obbligo invece che el gabi o meno de farla ti te devi gaver drio sacchetto e paletta.

[_titti_]

Per multar chi trasgredisi ghe vol vigili a sufficienza. De assumerne de più no se ne parla perchè no xe soldi, resta solo la scelta de come impiegar quei che gavemo za. Ora, se spostemo i vigili dalla strada al controllo dei cani, gavesimo soste ancora più selvagge e casin in strada. Se spostemo i vigili dalle strade a piazza Venezia a controllar che i barboni no se accampi...idem come sopra.

però..innanzitutto quei che xè podessi ogni tanto buttar un ocio anche su ste robe qua...e poi...no ghe xè solo i vigili, ma anche delle figure apposta...anche se mi no lo gò mai viste....e qui sorge il problema: dove cavolo i xè?

[Bonovox767]

Ahimè, il problema sono i padroni incivili...i distributori c'erano se ricordate, ma nella nostra città manca molto senso civico. C'era gente che non ne prendeva uno, ma si faceva la scorta, con il risultato che erano quansi sempre sforniti.

La soluzione di Cris non è così campata in aria...se vai in giro con un cane, metti in preventivo che gli possa scappare, ergo devi essere palettamunito...

Se vai in giro con l'auto, non ti capiterà per forza un guasto, ma se ti ferma la polizia per un controllo e non hai il triangolo, ti possono fare la multa.

C'è tanta gente che non ha rispetto per gli altri e per le parti comuni della nostra città e l'unica cosa che può forse educarli ( ma dico forse) è la sanzione pecuniaria.

Questo divieto sulla piazza, sebbene ne capisca il senso, lascia il tempo che trova, anche perchè i cani escono anche all'alba, quando non ci può essere nessuno a vigilare...al solito ci saranno dei controlli i primi giorni e poi amen... Quando mai avete ad esempio i vigili fermare qualcuno perchè sta parlando al cellulare mentre guida? Io onestamente mai! Quel divieto non è più di moda, e si fa finta di non vederlo...

Qui è proprio una questione di mentalità... c'è ben poca gente che ci mette del proprio affinchè le cose migliorino, e quelli che giustamente rispettano le regole, o sono casi isolati, o alla fine cadono nella trappola del "E cosa mi son el più mona" e si uniformano ai maleducati menefreghisti...

Una giusta punizione sarebbe una volta preso in flagranza di reato il trasgressore atto alla rimozione della deiezione canina, obbligarlo a tenersi il corpo del reato al centro del soggiorno per una settimana... per la serie "E se la piazza fosse il soggiorno di casa tua, ci lasceresti ca**re il tuo cane?"

Magari una volta che ci montano sopra con le pantofoline nuove nuove, si rendono conto del disagio che provocano ai fruitori di piazze e marciapiedi, che in quel momento non si sentono molto baciati dalla fortuna, checchè ne dicano i proverbi!

[DarkFlower]

che provvedimento ridicolo.....