lamulatriestina Inviato 17 Settembre 2006 Segnala Condividi Inviato 17 Settembre 2006 ooops !!! me son accorta che questa canzon stava già nell'archivio... Per rimediar, meto questa: TRIESTE MIA Trieste mia, che nostalgia mi go lontan de ti... Son vagabondo, girago el mondo, ma sempre penso a ti... Poder tornar, a Miramar, col vecio amor, per dirghe ancor te vojo ben, te me vol ben... Trieste mia, te pregheria, de farme un gran favor, saluda tuti, e coi saludi, te mandi un fior... al vecio campanon che sento far din don ma in fondo al... cuor Cita Link al commento Condividi su altri siti Altre opzioni di condivisione...
babatriestina Inviato 14 Ottobre 2006 Segnala Condividi Inviato 14 Ottobre 2006 Visto che ve piasi el Can de Trieste, ve posto una version scherzosa che gavevimo fato nel 68: iera el momento del maoismo e la gavevimo trasformada nel can de Pechin Xe tanti ani che mi son lontan de ti mia vecia Cina Rossa me sento solo e qua no ghe xe gnanca una sommossa Alora Mao Tse Tung ma ga mandò un bel can nato in una risaia Però quel fiol d'un can quel fiol d'un can d'un can el iera sempre triste nol fazeva mai casin alora go mandà una cartolima una cartolina de protesta alora Mao Tse Tung me ga risposto el me ga spiegà perchè Solo davanti a un libro de Mao quel fiol d'un can fa casin Perchè el xe un can de Pechin Perchè el xe un can de Pechin e ghe piasi el Mao! (Altre canzoni triestine le go postade in atrieste.org) Cita Link al commento Condividi su altri siti Altre opzioni di condivisione...
arska Inviato 14 Ottobre 2006 Segnala Condividi Inviato 14 Ottobre 2006 hahaha tropa roba sta ultima Cita Link al commento Condividi su altri siti Altre opzioni di condivisione...
Nona Picia Inviato 15 Ottobre 2006 Segnala Condividi Inviato 15 Ottobre 2006 Forte la canzon del can in versione riveduta! ciao ciao Cita Link al commento Condividi su altri siti Altre opzioni di condivisione...
diego Inviato 15 Ottobre 2006 Segnala Condividi Inviato 15 Ottobre 2006 BONA FORTUNA (Gigia col borineto) (Parole di F. e G. Venezian, Musica di E.Luzzatto - 1890) I. Gigia, col borineto A caminar xe un gusto; Da brava, svelta, vestite E vien con mi a San Giusto E là su quel mureto Se sentaremo arente; Coi oci parlaremo E co' la boca gnente. Ritornello: A Roma i ga San Piero, Venezia ga el leon, Per noi ghe xe San Giusto E 'l vecio suo melon. II. La luna ghe fa ciaro Ai monti, al mar lontan: Gigia, che bela note... Guantime per la man. Pensar da quanti secoli Quel campanil xe là! Pensar che in quela ciesa Me son inamorà. Ritornello: A Roma i ga San Piero, Venezia ga el leon, Per noi ghe xe San Giusto E 'l vecio suo melon. III. Scóltime bionda: el mondo Te pol assai girar, Cità come Trieste Te stenterà a trovar. Xe vero, tuto el giorno Se sgoba in tel lavor; Epur no se xe bestie, Se ga qualcossa in cuor. Ritornello: A Roma i ga San Piero, Venezia ga el leon, Per noi ghe xe San Giusto E 'l vecio suo melon. IV. E, quando vien la festa, Lassèmo ogni secada: A Servola o a Prosseco Se fa la baracada. La ciribiricócola Farse scaldar col vin E, saldi in gamba, musica! El goto fa morbin. Ritornello: A Roma i ga San Piero, Venezia ga el leon, Per noi ghe xe San Giusto E 'l vecio suo melon. Cita Link al commento Condividi su altri siti Altre opzioni di condivisione...
diego Inviato 15 Ottobre 2006 Segnala Condividi Inviato 15 Ottobre 2006 LA BORA (Comare che bora) (Parole di "Ermanzio", Musica di S. Negri - 1903) La sburta, la sbati, El naso la impizza, La jazza le jozze Che in tera se schizza. La sufia de soto, La sufia de sora: Ferai e camini La manda in malora. Ritornello: Comare, che bora, Comare, che inferno, Che vadi 'n malora La bora e l'inverno! Co' un colpo de bora Un sior se scapela, Le còtole in aria Ghe va ala putela. Va via la paruca De qualche vecieto, A quel dei maroni Se svoda el bancheto. Ritornello: Comare, che bora, Comare, che inferno, Che vadi 'n malora La bora e l'inverno! La porta nei oci Sabion e scovazze, I muri la passsa, La passa le strazze La va dapertuto, Ma questa xe bela: Che ti te la trovi Perfin in scarsela! Ritornello: Comare, che bora, Comare, che inferno, Che vadi 'n malora La bora e l'inverno! Cita Link al commento Condividi su altri siti Altre opzioni di condivisione...
diego Inviato 15 Ottobre 2006 Segnala Condividi Inviato 15 Ottobre 2006 Questa canzonetta la cantavimo sempre in corriera quando 'ndavimo a sciar a Sappada nel lontan 1964-65, spero che no la vegni censurada I Love You Johnny (Mio Caro Johnny) E adeso che xe partì 'l batel No poso più fumar "Camel". Caro Johnny, co ti te son partì Mi me ricordo che iera un venerdì. E la sera butada sul paion, te disevo: "I love, I love you, John!". Mi go pianto, go pianto dal dolor Perché te jeri un negro cussì bon! Bon! Bon! Bon! E mi mai più no troverò un altro american Come ti che te me davi in man el chewinggum I love you Johnny, I Love you Texas se tu vuoi far l'amor con me, tu mi dare ciocolata, io ti dare la patata tu mi dare sigarete, io ti dare bele tete 'Sti Americani xe tutti muli OK i fa barufa tirandose i cavei i ga inventà però una nova moda co' i fa barufa i bevi wiskey e soda e mi no trovo un' altro american cussi bon cussi bon che me daghi el chewinggum in man I love you Johnny, I Love you Texas se tu vuoi far l'amor con me, tu mi dare ciocolata, io ti dare la patata Cita Link al commento Condividi su altri siti Altre opzioni di condivisione...
Mirwen Inviato 3 Dicembre 2007 Segnala Condividi Inviato 3 Dicembre 2007 Allora mi conosso sta canzon... ZITA' VECIA Zità vecia, crosada e ghetto Ga formado un novo dialetto Un incrocio furlan piranese Che xe un misto fra el grego el barese In sti tempi de progresso Zità vecia la torna a fiorir, ma però xe pecà, xe pecà che i la vol demolir Qua xe el grego che ingruma poltrone Armadietti, caldere e madone Qua finissi fra pianti e proteste El mobilio de meza Trieste In sti…. Alle donne de tutto el rione Ga tajado a tutte el cocone Ga tajado perfin i mustaci Alla vecia che vendi pistaci In sti…. Finalmente con arte e con gusto I ga fatto i lavori a San Giusto E più bela e più lustra difati Xe la vecia capela dei Frati In sti… Secondo mio nono la xe stada inventada quando negli anni '30 xe sta butada zo per far el Corso parte de Zità Vecia e se no cascava el Fascismo probabilmente i la gavessi butada zo tutta... Comunque qualchedun conossi altre strofe? Mi la cantavo alle elementari... e son quasi sicura che iera altre strofe ma non me le ricordo.... Cita Link al commento Condividi su altri siti Altre opzioni di condivisione...
Starlite Inviato 3 Dicembre 2007 Segnala Condividi Inviato 3 Dicembre 2007 Secondo mio nono la xe stada inventada quando negli anni '30 xe sta butada zo per far el Corso parte de Zità Vecia e se no cascava el Fascismo probabilmente i la gavessi butada zo tutta... Comunque qualchedun conossi altre strofe? Mi la cantavo alle elementari... e son quasi sicura che iera altre strofe ma non me le ricordo.... Grande Sta qua la cantava Cecchelin nei sui spetacoli all'epoca. Iera proprio in quel periodo che i ga tirà zo 3/4 de zità vecia per far tuto novo come che xe deso Me par che no altre strofe.. adesso la riscolto e in caso posto Cita Link al commento Condividi su altri siti Altre opzioni di condivisione...
Renè Inviato 4 Dicembre 2007 Segnala Condividi Inviato 4 Dicembre 2007 O mula co te vedo me inamoro, dove te va? in qualche magazin del porto novo a lavorar de pevere e cafè. Sesolo-Sesolota triestina con quel'anda e con quel far simpaticon Se pol giurar xè roba triestina su dai dai dai per mi te xè un bonbon Se pol giurar xè roba triestina su dai dai dai per mi te xè un bonbon Cita Link al commento Condividi su altri siti Altre opzioni di condivisione...
danielita Inviato 17 Novembre 2008 Segnala Condividi Inviato 17 Novembre 2008 Riporto sta canzòn che canto de cò iero mulèta. Mio nono e mia nona defonti i diseva che la iera de Cecchelìn, ma mi sinceramente in tute le registraziòni che go, no la go mai sentida. Però lori i andava vèder Cecchelìn praticamente ogni setimana, quindi pol anche darse che i la gabi imparada sentindola dal vivo. Ah, no son sicura che le strofe le sia nel giusto ordine e probabilmente manca qualchedùna. El tranvai de San Saba Per digerìr 'sta qua, no xè una fiaba, Xè un gran portento el tranvai de San Saba, Xè quasi mezz'ora che lo speto, Ecolo che'l riva, però xè zà al completo! Mi me sburto, me fazzo un fià de strada, Zapàndo calli, molando qualche piada, Xè triestini quatro volte boni, Che xè costreti a viagiàr in queste condizioni! Un me sburta el comio qua, Che me lassa senza fià, Un me fraca in tel dedrio el suo zenocio. Una siora passa in quel, Con un ago in tel capèl, E per poco no me cava fora un ocio! Po de drio go un furlàn, con un sigaro toscàn, che me fa s'ciopàr de tosse drio man! Fiol d'un can! A un certo punto el controlòr vièn suso, Mi lo sbircio, lui me fis'cia in muso, El me dimanda "Lei dove ci ha il bilièto?" Mi ghe rispondo "La scusi benedèto!" Lui se rabia "Non c'è niente da dire, E di multa lei pagherà due lire!" Due lire, questa si xè bela, Che no rivo nianca tiràr fora i soldi de scarsèla! Go de drio un contadìn, Che se spela un crodighìn, E la pele me la meti a mi in scarsela. Go davanti un muradòr, Con un vaso de colòr, Che me freza tuto el tempo sula panza! E po passa un stobasuàl (??) Che me spuda in tel stivàl, Perchè in tera disi lui, no xè creanza! Son smontàdo in confusiòn, Che fazzèvo compassiòn, Ma go fato un'ecelente digestiòn! Orco tron! Cita Link al commento Condividi su altri siti Altre opzioni di condivisione...
pacio Inviato 15 Gennaio 2011 Segnala Condividi Inviato 15 Gennaio 2011 volevo ringranziar tutti perchè go finalmente trovado un pochi de testi de canzonni triestine, le se ormai diventade rare e non tele trovi nanche nei negozi de musica. me piasi cantarle in compagnia ( alla vecia ) strimpellando con la chitarra e n grazie a voi ne so qualcheduna in più ma volevo ancora chieder se se trova anche le note, de certe che go visto me serviria anche l'intonazion perchè non le ga mai sentide. penso de poder aggiunger qualche vecchio pezzo anche mi( appena me le rivo a ricordar completamente ciao Cita Link al commento Condividi su altri siti Altre opzioni di condivisione...
Stefano79 Inviato 15 Gennaio 2011 Segnala Condividi Inviato 15 Gennaio 2011 (modificato) Ciao Pacio, benvenuto. Se te vol te pol presentarte QUA Modificato 15 Gennaio 2011 da Stefano79 Cita Link al commento Condividi su altri siti Altre opzioni di condivisione...
Renè Inviato 18 Gennaio 2011 Segnala Condividi Inviato 18 Gennaio 2011 Ve devo ringraziar anca mi.. de apassionado de folk triestin, ne go scovade tante anca qui.. in giro pel forum ghe xè tanti bei topic de cultura morbinara in general.. no lassemoli morir in tei meandri del forum.. zerchemo de riativarli e de riportarli a gala, perché i xè ssai bei e interessanti. Cita Link al commento Condividi su altri siti Altre opzioni di condivisione...
arska Inviato 19 Gennaio 2011 Segnala Condividi Inviato 19 Gennaio 2011 Eh, volesi anche mi poderle scoltar sonade e registrade, son curioso de che "perle" che podesi saltar fora Cita Link al commento Condividi su altri siti Altre opzioni di condivisione...
babatriestina Inviato 21 Gennaio 2011 Segnala Condividi Inviato 21 Gennaio 2011 Rispondo a memoria, Cecchelin Due e venti sul novo codice fascista dela strada Per far che vadi in ordine el movimento in strada Xe bula star trovada del Comun [..] Ritornello: No se cori in bicicletta No se pica zo del tram Tra le stricche se sgambetta e ligà se tien el can No se ingombra la contrada Sul canton no se fa el pal Se traversa in ( caregiada? carendada?) co xe verde sul feràl me paghè sta multa in strada? o finimo in tribunal. Cita Link al commento Condividi su altri siti Altre opzioni di condivisione...
Pulcetta Inviato 12 Ottobre 2016 Segnala Condividi Inviato 12 Ottobre 2016 Il 3 dicembre 2007 at 14:23, Mirwen dice: Allora mi conosso sta canzon... ZITA' VECIA Zità vecia, crosada e ghetto Ga formado un novo dialetto Un incrocio furlan piranese Che xe un misto fra el grego el barese In sti tempi de progresso Zità vecia la torna a fiorir, ma però xe pecà, xe pecà che i la vol demolir Qua xe el grego che ingruma poltrone Armadietti, caldere e madone Qua finissi fra pianti e proteste El mobilio de meza Trieste In sti…. Alle donne de tutto el rione Ga tajado a tutte el cocone Ga tajado perfin i mustaci Alla vecia che vendi pistaci In sti…. Finalmente con arte e con gusto I ga fatto i lavori a San Giusto E più bela e più lustra difati Xe la vecia capela dei Frati In sti… Secondo mio nono la xe stada inventada quando negli anni '30 xe sta butada zo per far el Corso parte de Zità Vecia e se no cascava el Fascismo probabilmente i la gavessi butada zo tutta... Comunque qualchedun conossi altre strofe? Mi la cantavo alle elementari... e son quasi sicura che iera altre strofe ma non me le ricordo.... La finisso mi. Go trova un foglio delle elementari! Anche mal stampada. Ma se leggi lo stesso. In 'sto mondo ghe xe baroneti chi i ga l'auto e i xe cavalieri de ignoranza i ga bona dose i se firma fazendo la crose! Tuto in bianco vestido de tela ogni vigile par 'na candela de lavarse el sparagna la spesa se 'l se intocia in tal gesso de presa! Ma savè che xe una gran peste caminar su e zo per Trieste. Zitadini, ande per le striche se no el tubo ve guanta le fliche! Se a sto sport i ga la tanta peste vedaremo su e zo per Trieste in ociai in gambai e bareta anca i zimisi in motocicleta! Cita Link al commento Condividi su altri siti Altre opzioni di condivisione...
Guiz Inviato 12 Ottobre 2016 Segnala Condividi Inviato 12 Ottobre 2016 bella, però te ghe ga impiegado 5 anni a trovarla.... Cita Link al commento Condividi su altri siti Altre opzioni di condivisione...
LUCIO Inviato 13 Ottobre 2016 Segnala Condividi Inviato 13 Ottobre 2016 Devl aver de qualche parte la version de Cecchelin. Cita Link al commento Condividi su altri siti Altre opzioni di condivisione...
Cazzaballe Inviato 10 Febbraio 2017 Segnala Condividi Inviato 10 Febbraio 2017 Come qualcun de voi saverà, me son sbizzarrido nei ultimi mesi a far qualche parodia Spero possa esser una sezion giusta dove poder linkar le mie "operete" con voi, sperando de regalar una ridada a qualcun In fondo no ne go fate 200, ma solo 3 Tuto xe inizià ad aprile, grazie a una base sonada da Maxino e alle mie parole e voce e video: xe nata Piazza Brande, una parodia de Piazza Grande de Lucio Dalla Link Facebook Link Youtube Ad agosto inveze me son spinto a far una parodia de "Matti", la canzon de Renatone Zero che xe anche sigla de Ciao Darwin Link Facebook Link Youtube Infine l'altra setimana go publicà "Chi ve ga dado sta patente?", parodia de "Canzone intelligente" de Cochi e Renato Link Facebook Link Youtube Me piasesi saver cosa ne pensè Grazie a tuti! Cita Link al commento Condividi su altri siti Altre opzioni di condivisione...
Cazzaballe Inviato 19 Agosto 2017 Segnala Condividi Inviato 19 Agosto 2017 Ciao muli, zonto anche una canzon de BON COMPLEANO pei triestini e non solo, pena publicada... Spero che ve piasi Link Youtube Link Facebook Cita Link al commento Condividi su altri siti Altre opzioni di condivisione...
Rocle Inviato 17 Aprile 2018 Segnala Condividi Inviato 17 Aprile 2018 Me piasaria ciapar un areoplan,veder trieste picia,tocarla co le man. Chi sa dirme de che canzon se trata ? Cita Link al commento Condividi su altri siti Altre opzioni di condivisione...
Messaggi raccomandati
Partecipa alla conversazione
Puoi pubblicare ora e registrarti più tardi. Se hai un account, accedi ora per pubblicarlo con il tuo account.