Squadra attuale e futuro

[tuxav]

Sto sondagio xe nato discutendo con Sandro...

mi go l'impresion che Stefe' fazi zogar tanto el terzetto perche' ga paura che qualchidun ghe disi qualcosa se sto anno no i vien promossi, fregandosene del futuro dela squadra el prossimo anno.

Se andemo in B1, forsi tegnimo Muzio ma i altri due (C&C) sicuramente no... chi ne resta ? i muleti ovio.. che ga zoga talmente poco in B2 che in B1 i vignisi magnadi vivi...

Se sto ano andemo su, semo un castel de sabia .. senza fondamenta... inutile sperar che 3 veterani ne salvi una B2, xe ovio che i xe tropo forti x non poder cambiar una partida ma confronto le altre squadre che pian pianin se costruisi le basi, noi semo ancora zero...

quindi mi voto 1. Spero che andemo in B1 ma no saria nianca dispiasu' se restemo in B2... e no stemo tirar fora questione de soldi xche bastava pagar de meno (C&C&M + alenadori, vice alenadori, vice del vice, acompagnator e ometo del tavolo) ... volesi veder quanto beca un Ciampi/Corvo e quanto beca un Godina (che forsi vien paga' in birete e un panin a fine partida se ghe va ben...)

a voi la parola

[SandroWeb]

El tema che, giustamente, ga tirado fora tuxav, poni due filosofie de pensiero:

-la prima, che vol risultati favorevoli possibilmente da subito, puntando su gente de esperienza che conossi za un certo tipo de basket e inserendo nel roster i muleti in modo tale che i "veterani" ghe fazi de chioccia

-la seconda, che vol una squadra fatta da tanti muleti (semo in B2, xe giusto tirar su i fioi) e con poche prime donne. I risultati se li podarà veder fra un paio de anni e non subito.

In questa annata, dopo le sciagure post-fallimento, se ga puntado alla prima filosofia de pensiero: partindo dal presupposto che tireremo le somme solo a fine play-off, bisogna tenir conto che la società attuale vol principalmente una roba: andar su. E xe chiaro anche el perchè, sentindo le voci de qualche mese fa de un possibile abbandono de AcegasAps in caso de mancata promozion.

Torno a ribadir quanto dito qualche tempo fa: gavemo tanti giovani, molti sta cressendo, molti altri devi lassar el posto a compagni de reparto più "rodadi". Non son d'accordo con certe scelte fatte dal coach in molte partide de campionato, specialmente quando ierimo sora de 30 e i vari Godina e Diviach continuava ad esser relegadi in panca: purtroppo non savaremo mai fin dove ghe sia stada l'intenzion de Steffè a non "brusar" subito i fioi e fin dove queste scelte sia stade dettade "dall'alto".

Purtroppo la situazion che se ga delineado sto anno non xe fatta per poder condivider metà e metà delle due filosofie de pensiero che go dito sora, quindi se ga voludo privilegiar ad esempio 35 minuti de Corvo e solo qualche scampolo de gara ai muleti. Gavaremo storto el naso più e più volte nel veder nel roster delle squadre avversarie giovani promettenti, fazendose mille domande del tipo "ma no podevimo cior sti qua piuttosto che gente che vien a Trieste per ciaparse soldi sazi?"

Tuxav parla de fondamenta non costruide...mi digo che, con i travagli estivi, xe stà za bon metter su una squadra decente in poco meno de una settimana.

Non ne xe dado saver, al momento attuale, chi resterà e chi andarà via de quei più esperti, quindi preferisso rimandar questo discorso a un momento più opportuno...

In sostanza: al momento attuale preferisso guardar al presente, pensando che gavemo i play-off davanti e che (tocando tutto quel che me xe possibile toccar) se li podemo zogar a viso aperto contro chiunque. Oramai fata la xe e se tratta ora, che sia coi giovani o che sia coi veterani, de provar a vinzer sto campionato de B2 e de riemerger in qualche modo da sta sorta de inferno in cui, nostro malgrado, semo cascadi. Ghe sarà tutto el tempo per eventuali processi, questo xe poco ma sicuro.

[power ranger]

Go votado la seconda ,xe meio tirarse fora de sto pantan prima possibile

e dopo se vedi come xè

i fattori che porta dei risultati xè molteplici:

gaver giogadori sia del vivaio che tochi boni

una società seria con un staff affidabile e capace

soldi e anche un poco de fortuna

Trieste ga sai de ricostruir ma zà esser promossi saria un buon passo in avanti

[puromalto]

VIAAAA!!! Via dalla B2 el prima possibile!!!

Più in alto se xè e più visibilità se gà con la conseguenza che (forsi) se riva trovar più facilmente un pochi de soldini per sistemarse dal punto de vista della società (per evitar in futuro altri casini) e forsi se diventa una piazza appetibile per qualche giogador discreto.

La mia paura xè che se restemo in B2 ne lassi in braghe de tela anche Di Piazza, Acegas ecc e a sto punto chi ne sponsorizza...la Telit?!?!

[Delio]

Son d'acordo che se restemo in B2 ghe xe seri ris'ci de trovarse in braghe de tela... Vero anche che ai giovani se gavessi podù dar più spazio, alenarse e imparar dai più esperti va ben, ma se no te va in campo, val poco. Xe la partida che te dà le risposte sui tui progressi, un poco più de coragio no saria stà mal, Steffè me par che ga sai paura de farghe spazio ai muli giovani, il che va contro anche le aspetative del presidente Dipiazza, che ga sempre parlà de tirar su una squadra con più possibile muli de Trieste, in modo da crear più feeling tra squadra e spetatori. Certo che tra dir e far... onestamente no me vedo una squadra competitiva oltre certi livei con zogadori locali...

Comunque qualche matonzin de base in più i gavessi podù meterlo, ma no se ga volù...

E consideremo anche che a livello societario me par che i neofiti no manchi...

Per mi gavessi votà una terza risposta, su subito ma valorizar i giovani. No saria stà impossibile far le due robe contemporaneamente

[Beck's]

Gavessi preferido una squadra de muli che parla el mio dialetto, che i finissi ogni partida coi oci iniettadi de sangue, giogando alla morte (e magari anche ciapandole!).

Me toca adeguarme alla politica attuale della società e de Steffè, che speta che manchi tre partide alla fine del campionato per puntar su Godina, in una fase decisiva della gara. Gavè visto come che el lotta? Lui gavessi messo le xxxxx in campo (più de tanti altri) anche nelle partide precedenti.

Lotti sta giogando solamente perché circa un mese fa no i xè rivadi a comprar un altro play; ma se rendemo conto? Mi al posto suo me saria anche un po' incavolado. Gavemo imparà questo dal fallimento: a cior giogadori a fine carriera!

Me fermo qua, perché xè anche bruto spudar nel piato dove se magna, però spender soldi in B2 secondo mi non xè sta' saggio.

[tuxav]

ohh la mi e Beck's 'ndemo d'acordo

non solo, come forsi go za dito, questi muli/muleti se el prox ano resta sto alenador qua no i resta... i andara via o i zoghera scazai xche no te pol pretender che un mulo de 16 ani sia contento de far el panchinaro in B2 quando i sui coetanei fa esperienza e bele figure, el tuto xche l'alenador vol pararse el c** fazendo zogar sempre quei 3 fenomeni la ..... cusi no se va da nisuna parte.. manca le basi de sta squadra... prima cambiemo alenador e tegnimose i muli, via c&c e tegnimo muzio al limite x dar esperienza a un play .. ma muzio devi renderse conto che a 28 ani in B2 el devi far come Maric in A1 overo insegnar ai giovani, non far la prima donna xche ormai no xe + spazio x lui in questa serie....

[The Rock]

mi diria de far giogar i giovani....sempre se i giovani ke se ga xe boni....e quei ke gavemo, posso dirve x esperienza personale, no xe niente de fenomenale...anzi....a far i tappabusi x la B2 i va anke ben....ma più su son sai sai sai dubbioso....

[orannez]

ohh la mi e Beck's 'ndemo d'acordo

Me associo anche mi al Beck's-tuxav pensiero...

basta veder che i miei idoli xe ancora Guerra e co.

Saluti

[Jazz]

Voto la seconda perchè come nelle aziende, ormai se non te fa risultati te fallissi...

Cmq anche mi son d'accordo nel far giogar triestini..insomma gavemo una continua diaspora... voio dir in B1 un Giacomi, un Furigo un Budin al limite, non podessi far cmq una discreta figura?

[Delio]

Voto la seconda perchè come nelle aziende, ormai se non te fa risultati te fallissi...

Cmq anche mi son d'accordo nel far giogar triestini..insomma gavemo una continua diaspora... voio dir in B1 un Giacomi, un Furigo un Budin al limite, non podessi far cmq una discreta figura?

Beh, de triestini in campo sto anno ghe ne gavemo visti tanti, solo che nissun giogava con la maia de Trieste... e tuti se ga dà de far bastanza ben, me par...

[SandroWeb]

Mi credo che, come go za sentido parlar in giro, tanti zogadori de B originari delle nostre parti gavessi fatto carte false per venir a zogar qua. Purtroppo, continuo a ripeter, el nostro + grande handicap xe esser stadi l'altra estate ancora tra tribunai e notai quando i altri gaveva za finido el mercato. Da là se ga dovudo agir de necessità virtù, no se podeva far altro.

[assist]

Mi go votado la 1.......preferiso cusì, piuttosto che andar in B1 con una squadra spaesada data da una società senza idee e de conseguenza ciaparle da tutti.

[orannez]

Mi credo che, come go za sentido parlar in giro, tanti zogadori de B originari delle nostre parti gavessi fatto carte false per venir a zogar qua. Purtroppo, continuo a ripeter, el nostro + grande handicap xe esser stadi l'altra estate ancora tra tribunai e notai quando i altri gaveva za finido el mercato. Da là se ga dovudo agir de necessità virtù, no se podeva far altro.

Beh, se questo xe vero, spetemo l'estate che vien, in cui forsi l'uomo dei supermercati farà contenti tutti, grandi e piccini

[Beck's]

Beh, se questo xe vero, spetemo l'estate che vien, in cui forsi l'uomo dei supermercati farà contenti tutti, grandi e piccini

Caro Orannez, come sempre te son ottimista!

Mi me accontenteria che no'l ne lassi in braghe de tela..