All'esame solo col libro autografado

[Starlite]

Xe notizia de ogi, sul Picolo, che un prof de Scienze Politiche (tale Liborio Mattina),

docente de Politica Comparata el ga messo online l'avviso che,

oltre a esser illegale fotocopiar per intero i libri (e fin qua semo d'acordo)

per poder far l'esame, o registrar el voto, ghe gavesi voludo gaver una

copia originale del libro scrito da lui e firmada dal studente stesso sul frontespizio,

per provar che xe sua....

I studenti se ga rivolto al Magnifico, che ga parla' col tipo e adeso no xe piu' sto aviso...

Ma scherzemo? Cossa xe? Una minaccia per poder far l'esame?

No xe affari sui de dove che mi studio per far l'esame!

El prof ga solo de farme l'esame e veder che sapio quel che go de saver...

Questa question me par sinceramente piu' grave de quel che appari!

[Matt]

sta storia no xe nova.

iera vignuda fora za alcuni anni fa, i gaveva fatto un servizio anca su striscia la notizia, università de bari me par...(o forse iera le iene...) i iera andai de sto professor, che el gaveva fatto alla fine una figura de e iera sempre sta storia della firma sui libri...in questo modo i studenti iera obbligadi a gaver el libro del professr che cussi el vendeva copie del libro....

no ghe semo proprio per niente...

[Tirabaralla]

Iera Le Iene...

Mi zà al liceo gavevo uun vicepreside che fazeva ste robe: sicome che per lege no te podevi far cior a i tui aluni el tuo libro (iera prof de filosofia), imponeva ai coleghi che i lo metessi in lista dei loro aluni, quei de le altre sezion, per intenderse... e cussì se fazeva un bel gruzoleto, e ciorlo usado iera "sconsijiado"!!!

Tra l'altro un libro che no se capiva una benemerita.

Robe de mati...anzi de str... ehm!

[Jazz]

Mah no xe la prima volta che sento ste storie a scienze politiche...