[recensione] Il Viaggiatore

[tinuviel]

Gavevo letto un articolo su questo libro un per de mesi fa, poco prima della sua uscita, e me ga incuriosido sia perchè el sta vendendo come Il codice Da Vinci in USA sia perchè l'autor se nascondi e rilascia poche interviste (sarà una montatura pubblicitaria, ma xè curioso).

El libro (no saveria catalogarlo) parti dal presupposto che esisti 5 dimensioni parallele, tutte con caratteristiche distinte, e che fin dall'inizio dei tempi esisti pochi esseri umani capaci de passar in queste altre dimensioni (non con el corpo, ma solo con "l'anima"). Potendo viaggiar, i porta sempre delle novità, soprattutto come idee, dai altri mondi, e i "sconvolgi" el nostro. Se supponi che i grandi profeti, scienziati, filosofi gavessi questo dono. Vicin a lori esisti gli "arlecchini", che ga de proteggerli contro la Tabula, un'organizzazion potentissima che vol mantener la situazion sempre uguale, per aver sempre più controllo su tuti i esseri umani.

questo xè el contesto. El romanzo, ambientà nei nostri giorni, racconta che ormai i viaggiatori xè estinti, ma se scopri che due fradei podessi esserlo. Allora comincia una ricerca da parte sia de un arlecchino (che li vol protegger) sia della tabula, che ga cambià idea e che li vol sfruttar per ottegnir più potere. El resto, no ve conto, se no no ga senso leggerlo!

Xè un libro cocolo, soprattutto in estate sotto l'ombrellon, xè pien de riferimenti storici e scientifici, xè scritto decentemente (insomma, per el genere xè bon!).

[babatriestina]

insomma, el new age tira sempre ( se prima del new age i gavessi parlado de anima i ghe gavessi dado de basabanchi e i gavessi denolido el libro con questa espression..) e un poco de storia e de scienza va ben per darghe più credibilità.. xe anni che devo inveze legerme Flatlandia, che al contrario ipotizza un mondo in due sole dimensioni

[tinuviel]

nel libro la definisi "luce" e i ghe da quasi una spiegazion scientifica, cussì come l'esistenza dei altri mondi...purtroppo, no capindo una pippa della teoria dei quanti, no savessi dir quanto xè "scientifico" (za Einstein lo gaveva ipotizzado) e quanto xè inventà de sana pianta...