vecchie foto

[babatriestina]

mi go scatole e scatole e album e album de vece foto, diria che le copri tutto el Novecento.

Le stago ingrumando per salvarle sul PC, anche perchè a video se el ingrandissi, se vedi roba che no se vedeva prima, se pol ridarghe un fià de lustro a foto sbiadide, ma.. go solo che un scanner normal col aparechietto per legger le negative e le diapo ( che go pochisime diapo)

Adesso, son tirada fra due esigenze: far "ben" e far svelta.

le foto in scatola, facile, le metto sul pian e le tiro su, ma quele incollade sui album xe una fadigazza, pozar el album sul pian, a riscio de disfarlo, e scansir foto per foto. Go anche la scatola dei negativi, diria dela seconda metà del Novecento in poi, go provado a scansir i negativi, ma sarà la qualità del scanner, ma no me par che vegni ssai più bel che scansir le stampe ( qualcheduna a scansion a 2400 e in formato tiff xe vegnuda meo, ma se fazzo tute cussì me ocori arivar all'età de Matusalemme e me impignisso el PC..) e xe de una lentezza estrema, me va quasi un minuto per imagine, calcolemo una scatola piena de negativi..

insoma ieri me go insognado una nova, so so se qualchedun ga za fato, ma per un ricordo secondo mi pol andar, tegnudo conto che zerte foto iera stade fatte con macchine modeste e quindi granchè no se pol cavar: go ciapado la macchinetta fotografica digital compatta, go messo l'album sula luce, go impostado su supermacro, .. e in diese minuti go fotografado un intiero album de viaggio! no sarà el non plus ultra, ma me par che sia vegnudo decente, per el ricordo, o meo no tanto pezo dei altri metodi. Cossa ve par? qualchedun ga idee meo? come fe voi?

[giuli]

Bel problema Betta,ma al tempo stesso anche ottima soluzione...credo!

[fotogattin]

Xe un buon rimedio, stando attenti che la luce sia ben diffusa sulle foto, senza riflessioni.

ciao

[babatriestina]

effettivamente, el problema del riflesso xe grosso!

te se meti al aria, in piena luce, sol o al ombra, te pol fotografar benissimo ma xe ombre,adirittura el sol riflesso ( stampe lucide, po, anni 80). te torni a casa, al ombra, meno riflessi ma bisogna netter sensibilità 200.. va ben che no vien ben se buta via e se riprova, sempre più svelto che mete una per una sul scaner..

[trert]

mmm xe una soluzion abbastanza drastica me par.. però se vien ben e la tua macchina ga una resa dei colori buona.. xke no.. se funzia!

cmq no te convien lavorar in tiff.. cioè.. se poi no te ga de farghe altre modifiche, salvile in jpg.. in tiff te servi solo se te ga de farghe altre modifiche in futuro..